१ पत्रुस 2:6 - कोन्छ्‌योककी सुङ

⁶ च्‍यिलासिसिन कोन्‍छ्‍योककी सुङला दुक सिनी टि वे, “ल्‍होसा, ङ सियोनला ङे पेतुप गोङ नावु सुरकी दो दोके यिन्‍दुप मिरा च्‍यिक ज्‍योकिनो। सी खोला तेपा किवे, तिवा नाम्‍साङ ङोछाला मेख्‍येल्‍वी।”

१ पत्रुस 2:6 Iomraidhean Croise

मत्ती 12:18

“ङे थोक्‍ला पेतुप लावा ति दी राङ यिन। दी ति ङे ङ्‍यिङ्‍ज्‍येवु यिन। दीकी मुला ङ छासे गा लानी वे। ङ ङे थु चाङ्‍मा ति दीला तेरिन। तमा दीकी तेरी मिरिककी मीतिवाला ङे ठिम टेङ्‍बुकी थोक्‍ला ख्‍याप्‍टाक किवी।

मर्कूस 12:10

ख्‍यिरा कोन्‍छ्‍योककी सुङगी नाङ्‍ला दुक सिनी टिवु ति मारा? ‘खाङ्‍बा जोपतिवी फेन मोथोवु सिनी क्‍युर ज्‍यकुप दो ति खक्‍छ्‍येवु सुरकी दो च्‍युङ्‍सुङ।

लूका 20:17

येशूकी तिवाला केरी ल्‍हानी सुङ्‍सुङ, “तुकै यिन्‍सिन दी कोन्‍छ्‍योककी सुङला टिवु ति काङ यिनाङ? ‘चुका दो तीला खार चिकुपतिवी फेन मोथोवु सिनी क्‍युर्नी ज्‍याक्‍वे, ती दो ति सुरकी खक्‍छ्‍येवु दो च्‍युङ्‍सुङ।’

लूका 23:35

मीतिवा लानी ल्‍हयी नोक, तमा यहूदी मी छ्‍येतिवी खोला शा ग्‍यकिन दुक सिक्‍यासुङ, “दीकी मी यम्‍बाला याङ र्‍होक्‍सुङ। दोजो दी कोन्‍छ्‍योककी पेतुप ख्रीष्‍ट राङ यिन्‍सिन खोरुङला राङ र्‍होक ताङ।”

यूहन्‍ना 7:38

सी ङला तेपा किवे, तीकी सेम नेमा कोन्‍छ्‍योककी सुङला टि वोतुप दोके मिजी तेरुप छ्‍यु नरी दोल्‍गितो।”

लोमा छ्‍येतिवी लाका 1:16

“ओ अच्‍युनुपतिवा, यहूदाकी येशूला जिम तेरुपकी कोर्ला याङ दाऊदकी ख नेमा कोन्‍छ्‍योककी थु चाङ्‍माकी गोमाला के सुङ्‍गुप यिन। कोन्‍छ्‍योककी सुङगी नाङ्‍ला वोतुप ती सुङ ति तेरी छेसुङ।

रोमी 10:11

तुक क्‍यानी कोन्‍छ्‍योककी सुङला साङ दुक सिनी टि वे, “खोला तेपा कितुप मीतिवा सु साङ ङोछाला मेख्‍येल्‍वी।”

एफिसी 1:4

ती मोलाम ति खोकी थोङ्‍दाङला दाक्‍पु चाङ्‍मा ताङ क्‍येन मेतुप च्‍युङ्‍शी सिनी जम्‍बुलिङ ज्‍येङ्‍गुप सिनाङ गोमाला के खोकी दाक्‍पुला पेन नङ्‍गुप यिन।

एफिसी 2:20

ती मिछाङतिवा ति लोमा छ्‌येतिवा ताङ कोन्‍छ्‌योककी लुङ्‍तेम्‍बातिवी जोवु डम्‍ज्‍यी रम्‍बु दोके यिन। तमा येशू ख्रीष्‍ट ति ती डम्‍ज्‍यीकी खक्‍छ्‍येवु सुरकी दो दोके यिन।

२ तिमोथी 3:16

दी तेरी कोन्‍छ्‍योककी सुङ ति खोकी थु चाङ्‍मा नेमा टेङ्‍बु जोवु यिन। दी ति लाप्‍नी तेरुपला ताङ लाका मेलोक्‍पा कितुपतिवाला वोरु देन्‍दुप ताङ ङ्‍येवुतिवाला ल्‍यामु जोप ताङ टेङ्‍बुकी कोर्ला येन्‍देन तेरुपला छासे खक्‍छ्‍येवु वे।

१ पत्रुस 2:4

ख्‍यिराङ चोवो येशूकी चिप्‍ला शोक। खो ति खाङ्‍बा जोप मीतिवी फेन मोथोवु यिन सिनी तेन्‍नी क्‍युरुप दो यिन, यिन्‍सिनाङ कोन्‍छ्‍योककी ती दो ति पेनी मीतिवी थोक्‍ला मिजी नङ्‍गुप गोङ छ्‍येन्‍बु वोतुप दो जो नाङ्‍सुङ।

१ पत्रुस 2:8

तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।

२ पत्रुस 1:20

खक्‍छ्‍येवुला ख्‍यिरा दी ताम्‍ङे ति हाक्‍को गोकिवी, कोन्‍छ्‍योककी सुङला वोतुप लुङ्‍तेम्‍बाकी ताम्‍ङेतिवाला सी साङ दुकै ताङ तुकै यिन सिनी खोरो ओङ्‍ज्‍येन नेमा यम्‍बा ताम्‍ङे सि मुथुपी।

२ पत्रुस 3:16

खोकी तङ्‍गुप यिकीतिवा तेरीकी नाङ्‍ला साङ दी ताम्‍ङेकी कोर्ला टिनी वोतो। ती नाङ्‍ला ललाइ ललाइ ताम्‍ङेतिवा हाक्‍कोवु कले वे, तुक क्‍यानी यिकी मेशेवुतिवा ताङ कोन्‍छ्‍योकला तेपा रम्‍बु मेतुप मीतिवी दी ताम्‍ङेतिवाला यम्‍बा छ्‍योकी थेपला वोतुप दोके फिलोक्‍पा नालोक्‍पा जोनी खुरुङला राङ खोरो ना तोङ्‍गिवी।