१ पत्रुस 2:5 - कोन्छ्योककी सुङ5 ख्यिराङ साङ कोन्छ्योककी मिजी नङ्गुप दो दोके यिन। खोकी ती दोतिवा दुम्नी खोरे थु चाङ्माकी ल्हङाङ जो नङ्गिवी। तुक क्यानी ख्यिराङ ति येशू ख्रीष्ट नेसुर सेम टेङ्बु क्यानी कोन्छ्योकला गा लङ्गुप जिन्बा बुलुप चाङ्मा वोतुप कोङ्यारतिवा यिनो। Faic an caibideil |
१ पत्रुस 2:5
34 Iomraidhean Croise
कोन्छ्योककी ङला नङ्गुप कटिनकी जोसालेन्सिन ङ ति येशू ख्रीष्टकी थोक्ला शब्ज्यी बुलुप मी च्युङ्नी यहूदी मिन्दुप मिरिक यम्बाकी मीतिवाला लेन ल्यामु ख्याप्टाक कितुप कोङ्यारकी लाकातिवा कितुपला पेन नङ्गुप यिन। तुक क्यानी यहूदी मिन्दुप मिरिक यम्बाकी मीतिवा साङ खोकी थु चाङ्माकी ओङला टेङ्बु च्युङ्नी खोला गा लङ्गुप बुल्वा च्युङ थुप्शी।
कोन्छ्योककी थु चाङ्मा ज्युवु ल्हङाङ ताङ कुतिवी ति काङ तम्जी वे रो? च्यिलासिसिन दाक्पु ति ङोसु वोतुप कोन्छ्योककी थु चाङ्मा ज्युवु ल्हङाङ यिन। ती तप्की कोन्छ्योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्छ्योक यिन, तिवा ति ङे मीतिवा यिन।”
यिने ख्यिराङ याङ तुकै मिन, ख्यिराङ ति कोन्छ्योककी पेन नङ्गुप गिपा ताङ खोकी ग्येल्खापकी कोङ्यार ताङ टेङ्बु वोतुप मिरिक ताङ कोन्छ्योककी खोरे मीतिवा यिन। खोकी ख्यिराङला नक्तोमी ने थेन्नी खोकी हलेवु वोसिरला टिन फेप्सुङ। तुक क्यानी ख्यिरा खोकी हलेवु लाकातिवा मी यम्बाला ख्याप्टाक कि थुप्शी।
सी कोन्छ्योककी सुङ ख्याप्टाक किवे, तीकी कोन्छ्योक नेमा थोपुप ओङ नेसुर राङ ख्याप्टाक की। सी शब्ज्यी किवे, तीकी कोन्छ्योक नेमा वावु ओङ नेमा शब्ज्यी की। तमा ख्यिरा क्यावु तेरी लाका नेसुर येशू ख्रीष्टकी छ्योक ने कोन्छ्योकला सोवा वुङ्शी। तमा तेरी मोवा ताङ ओङ ति नाम्साङ मोतोरुप तुजे सेक कोन्छ्योकला वुङ्शी, आमिन।
सी शैतानकी ओङ्ज्येनला ग्येल्गिवे, तीला ङ ङे कोन्छ्योककी ल्हङाङकी थोक्ला कज्यु दोके जोयिनो। ती कज्यु ति नरी ते राङ लुकितो। तमा ती कज्युला ङे कोन्छ्योककी मिङ ताङ यरूशलेम सम्बाकी मिङ साङ टिकिनो। ती यरूशलेम सम्बा ति ङे कोन्छ्योक ज्युवु देवाच्येन नेमा वुङ्गितो। तमा ती कज्युला ङे मिङ सम्बा टिकिनो।
Sanasan