१ पत्रुस 2:4 - कोन्छ्‌योककी सुङ

⁴ ख्‍यिराङ चोवो येशूकी चिप्‍ला शोक। खो ति खाङ्‍बा जोप मीतिवी फेन मोथोवु यिन सिनी तेन्‍नी क्‍युरुप दो यिन, यिन्‍सिनाङ कोन्‍छ्‍योककी ती दो ति पेनी मीतिवी थोक्‍ला मिजी नङ्‍गुप गोङ छ्‍येन्‍बु वोतुप दो जो नाङ्‍सुङ।

१ पत्रुस 2:4 Iomraidhean Croise

मत्ती 11:28

ओ दुक्‍पा ताङ दुङल खुर्नी सेमला येन छ्‍येतुपतिवा, ख्‍यिराङ तेरी ङे ते शोक। तमा ङ ख्‍यिराङला ङप्‍सु तेरिन।

मत्ती 12:18

“ङे थोक्‍ला पेतुप लावा ति दी राङ यिन। दी ति ङे ङ्‍यिङ्‍ज्‍येवु यिन। दीकी मुला ङ छासे गा लानी वे। ङ ङे थु चाङ्‍मा ति दीला तेरिन। तमा दीकी तेरी मिरिककी मीतिवाला ङे ठिम टेङ्‍बुकी थोक्‍ला ख्‍याप्‍टाक किवी।

मत्ती 21:42

येशूकी तिवाला सुङ्‍सुङ, “काङ ख्‍यिरा कोन्‍छ्‍योककी सुङला दुक सिनी टि वोतुप ति मारा? ‘चुका दो तीला खार चिकुपतिवी फेन मोथोवु सिनी क्‍युर ज्‍याक्‍वे, ती दो ति खाङ्‍बी सुरकी खक्‍छ्‍येवु दो च्‍युङ्‍सुङ। दी ति चोवो कोन्‍छ्‍योककी क्‍यावु यिन, तमा दाक्‍पी थोङ्‍दाङला हलेवु वे।’

यूहन्‍ना 14:19

चेयी ज्‍युक्‍ला जम्‍बुलिङकी मीतिवी ङला येलुङ मोथोङ्‍गितो, यिने ख्‍यिरा याङ ङला थोङ्‍गितो। च्‍यिलासिसिन ङ सेन्‍बु वे, तमा ख्‍यिराङ साङ सेन्‍बु लुकिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 5:40

यिन्‍सिनाङ ख्‍यिराङ ती नाम्‍साङ मिशिवु मिजी ङ्‍येतुपला ङे चाला वुङ्‍गुप नो माक्‍या।

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

यूहन्‍ना 6:57

ङोसु ज्‍यु वोतुप ङे पपी ङला ताङ्‍सुङ, तमा ङ खो नेसुर मिजी क्‍योङ्‍गिवी। ती दोके ङला साप तीकी साङ ङ नेसुर मिजी क्‍योङ्‍गिवी।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

१ कोरिन्‍थी 3:11

च्‍यिलासिसिन कोन्‍छ्‍योककी खाङ्‍बा जोपला डम्‍ज्‍यी तिङ्‍नी वे, ती डम्‍ज्‍यी ति चोवो येशू ख्रीष्‍ट यिन। ख्रीष्‍टकी मिसिन यम्‍बा सी साङ ती डम्‍ज्‍यी दिङ मुथुपी।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

१ पत्रुस 1:19

यिने काङ साङ मडी मेतुप ताङ चाङ्‍मा वोतुप लुक रुक येशू ख्रीष्‍टकी गोङ छ्‍येर्मु ठक नेसुर गोङ तेनी ख्‍यिराङला थोपुप यिन।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

१ पत्रुस 2:7

तुक क्‍यानी ख्‍यिराङ सी खोला तेपा किवे, तीकी थोक्‍ला खो गोङ नावु वे, यिने तेपा मिकिवुतिवी थोक्‍ला ति कोन्‍छ्‍योककी सुङला साङ दुक सिनी टि वे, “ती दो ति खाङ्‍बा जोप मीतिवी फेन मोथोवु सिनी क्‍युर वे, यिन्‍सिनाङ ती ति सुरकी दो च्‍युङ्‍गिवी।”

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।