१ पत्रुस 2:24 - कोन्छ्‌योककी सुङ

²⁴ तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 2:24 Iomraidhean Croise

मत्ती 27:26

तमा पिलातसकी बरब्‍बाला ति पि ताङ्‍नी येशूला ति पाङ्‍शर तोङ ज्‍यितुप ताङ ग्‍यङ्‍शिङला कल्‍नी काँडी दाप्‍नी सेतुपला रोमी मक्‍मीतिवाला चेक तेसुङ।

मत्ती 5:20

तुक क्‍यानी ङ ख्‍यिराङला सिरिन, ख्‍यिराङ ति फरिसी छोक्‍पाकी मीतिवा ताङ यहूदी छ्‍योकी गेकेनतिवी सिनाङ मङ टेङ्‍बु मेसुङ सिसिन देवाच्‍येनकी ग्‍येल्‍खापला शुकुप मेङ्‍येवी।”

मत्ती 8:17

ती ति कोन्‍छ्‍योककी लुङ्‍तेम्‍बा यशैया नेसुर “खोकी दाक्‍पी जुकी अमोछ्‍योवु खोरे राङ लासुङ, तमा दाक्‍पी नेजुतिवा खोरे राङ खुर्सुङ।” सिनी सुङ्‍गुप सुङ ति तेरी छेवुला राङ दुकै च्‍युङ्‍गुप यिन।

मर्कूस 15:15

पिलातसकी मी माङ्‍छ्‍योकला गा लोङ्‍गुपला बरब्‍बाला ति पि ताङ्‍नी येशूला ति पाङ्‍शर ताङ्‍सिमा ग्‍यङ्‍शिङला कल्‍नी काँडी दाप्‍नी सेतुपला चेक तेसुङ।

लूका 4:18

“चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 19:1

ती ज्‍युक्‍ला पिलातसकी मक्‍मीतिवाला येशूला टि गल्‍नी पङ्‍शार तोङ सिनी योक कुसुङ।

लोमा छ्‍येतिवी लाका 10:35

तमा खोला ज्‍यिवा कितुप ताङ लाका टेङ्‍बु कियी वोतुप मिरिक तेरीला खोकी गासो शिवी।

लोमा छ्‍येतिवी लाका 10:39

यहूदीतिवी लुङ्‍बा ताङ यरूशलेमला खोकी काङ क्‍या नङ वे, ती तेरी ताम्‍ङेकी पङ्‍बु ति ङ्‍यिराङ यिन। खोला राङ यहूदीतिवी ग्‍यङ्‍शिङ लोला कल्‍नी सेसुङ।

लोमा छ्‍येतिवी लाका 13:29

तुक क्‍यानी खोकी कोर्ला कोन्‍छ्‍योककी लुङ्‍तेम्‍बाकी सुङला टिन वोतुप तेरी छेसिमा तिवी खोला ग्‍यङ्‍शिङ लो नेमा पाप्‍नी शेप मीला ज्‍योकुप टककी फुककी नाङ्‍ला ज्‍याक्‍सुङ।

लोमा छ्‍येतिवी लाका 5:30

च्‍यिलासिसिन ख्‍यिरा ग्‍यङ्‍शिङ लोला कल्‍नी सेतुप येशूला दाक्‍पी हङ्‍गावातिवी कोन्‍छ्‍योककी शेप ने ङोसु लाङ्‍सुङ।

रोमी 6:11

तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

रोमी 6:16

ख्‍यिराङ सी खला ङ्‍येन्‍नी तीकी योक्‍पु किवे, ख्‍यिराङ तीकी योक्‍पु यिन सिनी छ्‍या मे? ती दोके ख्‍यिराङ दिक्‍पाकी ओङला देतुप यिन्‍सिन ख्‍यिराङ दिक्‍पाकी योक्‍पु च्‍युङ्‍नी शिवी, याङ्‍ना कोन्‍छ्‍योककी कला ङ्‍येन्‍सुङ सिसिन खोकी थोङ्‍दाङला ख्‍यिराङ टेङ्‍बु च्‍युङ्‍गिवी।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

रोमी 6:7

च्‍यिलासिसिन मी शिसिमा दिक्‍पाकी तीला ओङ्‍ज्‍येन कि मुथुपी।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

१ कोरिन्‍थी 15:3

ङला थोपुप तेरी सिनाङ खक्‍छ्‍येवु सुङ ति ङे ख्‍यिराङला ख्‍याप्‍टाक क्‍यावु यिन। ती सुङगी तेन्‍दोक ति कोन्‍छ्‍योककी सुङला सुङ्‍गुप दोके ख्रीष्‍ट दाक्‍पी दिक्‍पी थोक्‍ला टुङ्‍गुप यिन।

२ कोरिन्थी 6:17

येलुङ चोवो कोन्‍छ्‍योककी सुङ्‍गिवी, “ती तप्‍की ती दुक्‍टा कितुप मीतिवा नेसुर थेन्‍नी शोक। तमा तिवा नेसुर कुतुक दे। मेचेङ्‍गा वोतुप च्‍यालकतिवा काङ साङ थो मातोङ। तुक क्‍यासिन ङ ख्‍यिराङला सेमला लङ्‍यिन।”

गलाती 3:13

ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

एफिसी 5:9

ती ख्‍यिरा ठछ्‍येलीकी लाकातिवा ति ल्‍यामु वोतुप ताङ टेङ्‍बु ताङ काङ साङ जिनोक मेतुप यिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

कलस्सी 2:14

तीकी तेन्‍दोक ति खोकी दाक्‍पुला क्‍येन फोकुप दाक्‍पी क्‍यावु दिक्‍पी थोक्‍ला टिवु यिकीतिवा तेरी ख्रीष्‍टकी मुला राङ ग्‍यङ्‍शिङला काँडी दाप्‍नी ना ताङ्‍सुङ।

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

कलस्सी 3:3

च्‍यिलासिसिन ख्‍यिराङ शिनी वे, तमा ख्‍यिरा मिजी ति ख्रीष्‍टकी मुला राङ कोन्‍छ्‍योककी चिप्‍ला बानी ज्‍याङ वे।

हिब्रू 10:10

तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

हिब्रू 10:5

तुक क्‍यानी ख्रीष्‍ट दी जम्‍बुलिङला फेपुप पेला खोकी कोन्‍छ्‍योकला दुक सुङ्‍नी वे, “जिन्‍बा ताङ बुल्‍वातिवा चोवोला मोगोवी, यिने चोवोकी ङे थोक्‍ला जु च्‍यिक टडिक क्‍या नङ वे।

हिब्रू 12:13

तमा ख्‍यिराङ युकुप लाम ति थेकाङ जोसा, तुक क्‍यासिन काङ्‍बा रम्‍बु मेतुपतिवी काङ्‍बी छिङ्‍गुर ति मोटोल्‍शी, यिने टेक्‍शी।

हिब्रू 7:26

दाक्‍पी थोक्‍ला गोवु कोङ्‍यार छ्‍ये ति येशू यिन। खो चाङ्‍मा ताङ क्‍येन मेतुप ताङ टेङ्‍बु वे, तमा दिक्‍छेनतिवा नेसुर कुतुक पेनी देवाच्‍येन सिनाङ येर तेक्‍नी वे।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

१ यूहन्‍ना 3:7

ङे ङ्‍यिङ्‍ज्‍येवु आङातिवा, ख्‍यिराङला सी साङ जिनोक मोजोशी। सी लाका टेङ्‍बु किवे, ती ति ख्रीष्‍ट टेङ्‍बु वोतुप दोके टेङ्‍बु यिन।

ज्‍यल्‍का 22:2

ती ग्‍येसाकी लामकी पर नेमा ग्‍युकिनोक। तमा ती चङ्‍बी फला छुला मिजीकी दोङ्‍बु नोक। तीला ल टेङ डेलु नम्‍बा रे रे गोर्किनोक। तमा लो च्‍यिकला नम्‍बा च्‍यिङ्‍ङी डेलु गोर्किनोक। तीकी शोमाक ति मिरिक नम्‍बा कुतुक कुतुककी मीतिवाला टेक ज्‍यितुप मेन यिनोक।