१ पत्रुस 2:21 - कोन्छ्‌योककी सुङ

²¹ च्‍यिलासिसिन खोकी ख्‍यिराङला तीकी थोक्‍ला कताङ नङ्‍गुप यिन। ख्रीष्‍टकी साङ छेटाङ खुर्नी ख्‍यिरा थोक्‍ला पङ्‍बु च्‍युङ्‍सुङ। ती तप्‍की ख्‍यिराङ साङ खोकी क्‍या नङ्‍गुप दोके क्‍यानी मिजी क्‍योङ गोकिवी।

१ पत्रुस 2:21 Iomraidhean Croise

मत्ती 10:38

तमा सु खोरो ग्‍यङ्‍शिङ खुर्नी ङे तिङ्‍ला तिङ मोङ्‍योक वे, ती साङ ङे लोमा वुङ मोछ्‍योवी।

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

मत्ती 16:24

ती ज्‍युक्‍ला येलुङ येशूकी लोमातिवाला सुङ्‍सुङ, “सु ङे तिङ्‍ला तिङ्‍योकुप नो किवे, तीकी खोरो नोवातिवा क्‍युर ज्‍याक्‍नी खोरो ग्‍यङ्‍शिङ खुर्नी ङे तिङ्‍ला तिङ्‍योक गोकिवी।

लूका 24:26

काङ ख्रीष्‍टकी वुतुङ के दी छेटाङ खुर्नी खोरुङला थोपुप मोवा ङ्‍ये मोगोवी रो?”

यूहन्‍ना 13:15

ङे ख्‍यिराङला दी नमुना छ्‍या तेन्‍दुप तेन्‍दोक ति ङे ख्‍यिरा थोक्‍ला काङ क्‍या वे, ख्‍यिरा साङ तुक राङ किशी सिनी यिन।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

लोमा छ्‍येतिवी लाका 14:22

तमा लोकुप पेला तेकी लोमातिवाला “ख्‍यिराङ हम क्‍या दे गोकिवी, तेपा रम्‍बु क्‍या दे गोकिवी, तमा कोन्‍छ्‍योककी ग्‍येल्‍खापला लेपुपला ङ्‍यिराङ दुक्‍पा बङी खुर गोकिवी।” सिनी टोङ्‍गु बिन्‍सुङ।

लोमा छ्‍येतिवी लाका 17:3

तमा ख्रीष्‍टकी छेटाङ खुरुप ताङ टुङ्‍नी ङोसु लङ गोवु ताम्‍ङे ति ल्‍यामो क्‍यानी पङ्‍बु बिन्‍नी “ख्‍यिराङला ङे ख्‍याप्‍टाक कियी वोतुप दी येशू ति ख्रीष्‍ट यिनो।” सिनी यहूदी छ्‍योखाङला जोम्‍बुप मीतिवाला सिक्‍यासुङ।

लोमा छ्‍येतिवी लाका 9:16

तमा तीकी ङे थोक्‍ला चो दुक्‍पा खुर गोकिनोक सिरुप ति ङ तीला छ्‍या देनिन।”

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

१ कोरिन्‍थी 11:1

ङे ख्रीष्‍टकी लुमु सेतुप दोके ख्‍यिराङ साङ ङे लुमु से।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

फिलिप्पी 2:5

ख्‍यिरा सेम ति येशू ख्रीष्‍टला वोतुप दोके वुङ गोकिवी।

१ थेसलोनिकी 3:3

चुका छेटाङ ख्‍येल वासिनाङ ख्‍यिराङ सु साङ तेपा नेसुर फला छुला मोडोशी सिनी तीला ख्‍यिरा ते तङ्‍गुप यिन। तुका छेटाङ ति दाक्‍पु तेपा कितुपतिवा तेरीला गिवी सिरुप ति ख्‍यिराङला छ्‍या वे।

१ थेसलोनिकी 4:2

तमा चोवो येशूकी ओङला चुका चुका कतिवा ङ्‍यिरा ख्‍यिराङला बिन वे, ती ति ख्‍यिराङला राङ छ्‍या वे।

२ तिमोथी 3:12

वुतुङ के येशू ख्रीष्‍टला तेपा क्‍यानी मिजी टेङ्‍बु क्‍योङ्‍गुप मीतिवा तेरी छेटाङला राङ ख्‍येल्‍गिवी।

हिब्रू 2:10

जम्‍बुलिङकी तेरी च्‍यालकतिवा कोन्‍छ्‍योककी राङ ज्‍ये नङ्‍गुप यिन। तमा तेरी च्‍यालकतिवा खोकी थोक्‍ला राङ वे। खोकी गिपातिवा बङीला खुरुङला वोतुप दोके मोवा ति गोतुपला येशूला छेटाङ खुर च्‍यिनी टेङ्‍बु जो नाङ्‍गुप ति कि राङ गोवु यिन। च्‍यिलासिसिन येशू ति तिवाला थर्वा नङ्‍गुपला लाम छ्‍या तेन्‍सुङ।

१ पत्रुस 1:20

कोन्‍छ्‍योककी दाक्‍पुला रङ्‍ज्‍येन नङ्‍गुपला जम्‍बुलिङ ज्‍येङ्‍गुप सिनाङ गोमाला के येशू ख्रीष्‍टला पेन नङ्‍गुप यिन, यिने तिङ्‍मी तुजेला ख्‍यिरा थोक्‍ला येशू ख्रीष्‍टला दी जम्‍बुलिङला तङ नङ्‍गुप यिन।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ पत्रुस 3:9

ख्‍यिराङला मेलोक्‍पा कितुपतिवाला मेलोक्‍पा माकी, याङ्‍ना मारे तोङ्‍गुपतिवाला ङ्‍येन मालाङ, यिने तिवाला मोलाम बिन। च्‍यिलासिसिन तीकी थोक्‍ला राङ कोन्‍छ्‍योककी ख्‍यिराङला पेन नङ्‍गुप यिन। तुक क्‍यासिन खोकी ख्‍यिराङला मोलाम नङ्‍गिवी।

१ पत्रुस 4:1

चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

१ यूहन्‍ना 2:6

ङे मिजी ति कोन्‍छ्‍योक ताङ मुला तम्‍जी ल्‍यामु वे सिरुप मी तीकी येशूकी दोके मिजी क्‍योङ गोकिवी।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।