१ पत्रुस 2:2 - कोन्छ्‌योककी सुङ

^2-3 ख्‍यिरा कोन्‍छ्‍योक च्‍यङ्‍च्‍यु सेम्‍बा वे सिरुप ति हाक्‍कोसुङ सिसिन मलोक क्‍येवु आङातिवा वोमा छलुप दोके ख्‍यिराङ टेङ्‍बु ताङ चाङ्‍मा वोतुप कोन्‍छ्‍योककी सुङला युकुप छासे नो की। तुक क्‍यासिन ख्‍यिराङला मङ मङ दिक्‍पा ने थर्वा ङ्‍येकिवी।

१ पत्रुस 2:2 Iomraidhean Croise

मत्ती 18:3

तिवाला दुक सुङ्‍सुङ, “ङ ख्‍यिराङला टेङ्‍बो सिरिन, ख्‍यिराङ सेम ग्‍युर्नी आङा टिक्‍पेतिवा दोके माच्‍युङ्‍सुङ सिसिन देवाच्‍येनकी ग्‍येल्‍खापला नाम्‍साङ शुक मुथुपी।

मत्ती 19:14

तमा येशूकी लोमातिवाला सुङ्‍सुङ, “आङा टिक्‍पेतिवाला ङे चाला वुङ च्‍यी, तिवाला माग्‍येक। च्‍यिलासिसिन कोन्‍छ्‍योककी ग्‍येल्‍खाप ति दी आङा टिक्‍पेतिवा दोके खोरुङला मो बेपुप मीतिवी ति यिन।”

मर्कूस 10:15

ङ ख्‍यिराङला टेङ्‍बो सिरिन, सी साङ आङा टिक्‍पेतिवी दोके क्‍यानी कोन्‍छ्‍योककी ग्‍येल्‍खाप खोरो सेमला मिलिङ वे, ती ति नाम्‍साङ ती नाङ्‍ला शुक मुथुपी।”

लूका 18:17

ङ ख्‍यिराङला टेङ्‍बो सिरिन, चुका मी तीकी दी आङा टिक्‍पेतिवी दोके कोन्‍छ्‍योककी ग्‍येल्‍खाप खोरो सेमला मिलिङ वे, ती ति ती नाङ्‍ला शुक मुथुपी।”

रोमी 6:4

तुक क्‍यानी दाक्‍पु बप्‍तिस्‍मा लावु तप्‍की खोकी मुला राङ शिनी मुक्‍तुम ग्‍यपुप यिन। तमा कोन्‍छ्‍योककी मोवाकी थोक्‍ला येशू ख्रीष्‍ट टुङ्‍नी ङोसु लावु दोके दाक्‍पु साङ खो ताङ मुला मिजी सम्‍बा क्‍योङ्‍गिवी।

१ कोरिन्‍थी 14:20

अच्‍युनुपतिवा, ख्‍यिराङ आङा टिक्‍पेतिवी दोके नासाम मातोङ। दुक्‍टाकी थोक्‍ला ति आङा टिक्‍पेकी दोके किसा, यिने नासाम ति मी छ्‍येकी दोके वुङ गोकितो।

एफिसी 2:21

येशू ख्रीष्‍ट ताङ मुला च्‍यिक्‍पा राङ जोनी कोन्‍छ्‌योककी मिछाङतिवा तेरी थिन्‍नी खोकी थोक्‍ला कोन्‍छ्‌योककी ल्‍हङाङ ति मङ मङ पोरिन डिवी।

एफिसी 4:15

बोरु ख्‍यिराङ ति च्‍यिककी च्‍यिकला ङ्‍यिङ्‍ज्‍ये क्‍यानी ताम्‍ङे टेङ्‍बु लाप्‍नी तेरी ताम्‍ङेला ख्रीष्‍ट दोके छाछिङी च्‍युङ्‍नी फरिन डो गोकिवी। खो ति गो यिन।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।