१ पत्रुस 2:1 - कोन्छ्‌योककी सुङ

¹ तुक क्‍यानी ख्‍यिराङ लाका दुक्‍टा कितुप ताङ जिनोक जोप ताङ खोनक्‍पु कितुप ताङ ठतोक ङर्केल कितुप ताङ मीला मारे तोङ्‍गुप ताम्‍ङे तेरी क्‍युर।

१ पत्रुस 2:1 Iomraidhean Croise

मत्ती 15:7

ओ खोनक्‍पुतिवा, कोन्‍छ्‍योककी लुङ्‍तेम्‍बा यशैयाकी ख्‍यिरा थोक्‍ला दुक सिनी नम्‍दर शेतुप ति टेके यिन,

मत्ती 23:28

तुक राङ क्‍यानी ख्‍यिराङ साङ फिला ल्‍हासिन मीतिवी मिङ्‍गाला मी टेङ्‍बु दोके थोङ्‍गिवी, यिने ख्‍यिरा सेमला ति खोनक्‍पु ताङ नासाम दुक्‍टाकी क्‍येङ वे।

मत्ती 24:51

तमा ती ज्‍यिन्‍दाककी ती लावा तीला छेटाङ बिन्‍नी खोनक्‍पुतिवा डो गोवु ङ्‍येलाला क्‍युर्किवी, तमा ते ती ति ङुप्‍राङ कियी सिरा स मुर्किवी।”

मत्ती 7:5

ओ, खोनक्‍पु! गोमाला ख्‍योरो मिकला वोतुप दुङ्‍मा ति थेन, तमा ख्‍योरे मिक ति ल्‍यामु थोङ्‍नी मी यम्‍बी मिकला वोतुप बोप ति थेन थुप्‍कितो।

मर्कूस 12:15

ङ्‍यिरा से ते गोकिवी ताङ मोगोवी?” सिनी सिक्‍यासुङ। येशूकी तिवी सेम खोनक्‍पु वोतुप हाक्‍कोनी तिवाला “ख्‍यिराङ च्‍यिला ङला खोक्‍पा ल्‍हेवी? ङुलकी डप्‍बु च्‍यिक दे खुर वानी ङला छ्‍या तेन।” सिनी सुङ्‍सुङ।

लूका 11:44

ख्‍यिराङला मोताप सुक्‍शी, च्‍यिलासिसिन ख्‍यिराङ याङ फिला ल्‍हासिन ङो मेशेवु दोके जोवु शेप मीला ज्‍योकुप टककी फुक दोके यिन, तुक क्‍यानी मीतिवा ती खला युसिनाङ ती ति शेप मीला ज्‍योकुप टककी फुक यिन सिनी छ्‍या मे।”

लूका 12:1

तोजो पेला मी तोङ्‍डा बङी जोम्‍बुप तप्‍की मीतिवा च्‍यिककी च्‍यिकला लेपुप छाल्‍सुङ। तमा येशूकी गोमाला खोरो लोमातिवाला सुङ्‍सुङ, “ख्‍यिराङ फरिसीतिवी खमीर नेसुर च्‍याङ्‍से देता, ती खमीर ति तिवी खोनक्‍पु यिन।

लूका 6:42

ओ खोनक्‍पु, गोमाला ख्‍योरो मिकला वोतुप दुङ्‍मा ति थेन, तमा तिराङ ख्‍युरुङ मी यम्‍बी मिकला वोतुप बोप ति थेन्‍दुपला ठछ्‍येली थोङ्‍गिवी।”

यूहन्‍ना 1:47

तमा नाथनेल ति खोरो चाला वुङ्‍यिन कितुप थोङ्‍नी येशूकी तीला “ल्‍हो ताङ, ती ति वुतुङ के टेङ्‍बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्‍सुङ।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

१ कोरिन्‍थी 14:20

अच्‍युनुपतिवा, ख्‍यिराङ आङा टिक्‍पेतिवी दोके नासाम मातोङ। दुक्‍टाकी थोक्‍ला ति आङा टिक्‍पेकी दोके किसा, यिने नासाम ति मी छ्‍येकी दोके वुङ गोकितो।

१ कोरिन्‍थी 5:8

तुक क्‍यानी दाक्पी दुक्‍टा ताङ सेम नक्‍पातिवा यिन्‍दुप खमीर ङ्‍यिङ्‍बा लुकुप शुब्‍ज्‍याङ सोनी मिन, खोनक्‍पु मेतुप ताङ टेङ्‍बुकी खमीर मालुकुप शुब्‍ज्‍याङ सोनी यहूदी थरुप तुछ्‍येन तेन्‍दुप।

२ कोरिन्थी 12:20

ङ ख्‍यिरा ते वुङ्‍गुप पेला ख्‍यिराङ ङे नोवाला वोतुप दोके ठेकिताङ मेठेताङ, ङ साङ ख्‍यिरा नोवाला वोतुप दोके ठेकिताङ मेठेताङ सिनी ङला ज्‍यिवा लानी वे। तमा ख्‍यिरा पर्ला खाँदा कितुप ताङ ठतोक कितुप ताङ ङ्‍यिर्मु कितुप ताङ रङगी थोक्‍ला तिराङ नासाम तोङ्‍गुप ताङ मी यम्‍बाला ताम्‍ङे मेलोवा कितुप ताङ मीला मेतुप ताङ छ्‍येजु कितुप ताङ खुरुङ राङ सेम नोजु क्‍यानी युकुप गल वे सिनी ङला छासे ज्‍यिवा लानी वे।

एफिसी 4:31

तेरी सेम मेलोक्‍पा वोतुप ताङ शेताङ कितुप ताङ ङ्‍यिर्मु कितुप ताङ हराङ हुरुङ कितुप ताङ मारे तोङ्‍गुप तेरी परकी दुक्‍टातिवा मुला राङ क्‍युर।

१ थेसलोनिकी 2:3

ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु ति ङ्‍यिरा नासाम मेलोवा ताङ्‍नी क्‍यावु मिन, सेम मेटेङ्‍बु क्‍यानी क्‍यावु साङ मिन, ताम्‍ङे जोनी ख्‍यिराङला केन्‍दुपला साङ मिन।

१ तिमोथी 3:11

तुक राङ क्‍यानी तिवी पेर्मीतिवा साङ किताङ नालु ल्‍यामु वोतुप ताङ मीला मारे मोतोङ्‍गुप ताङ डेकला देतुप ताङ तेरी ताम्‍ङेला खोङ्‍तेर्मु वुङ गोकिवी।

तीतस 2:3

तुक राङ क्‍यानी मी गामातिवा किताङ नालु ति टेङ्‍बु वोतुप ताङ मी यम्‍बी कोर्ला ताम्‍ङे मेलोवा मिकिवु ताङ छ्‍याङ्‍गेले मेतुप ताङ चुका ति ल्‍यामु नोके तिराङ लोप्‍शी

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 3:14

यिने दोजो ख्‍यिरा सेमला ठतोक कितुप ताङ खुरुङला तिराङ नासाम तोङ्‍गिवी सिसिन, छासे रिक्‍पा वे सिनी तुका ताम्‍ङेला हम्‍बा माकी, यिने ताम्‍ङे टेङ्‍बु तिराङ की।

याकूब 4:11

ओ अच्‍युनुपतिवा, ख्‍यिराङ च्‍यिक ताङ च्‍यिककी तेन्‍दोकला ताम्‍ङे मेलोवा माकी। सी खोरो नुपकी तेन्‍दोकला ताम्‍ङे मेलोवा क्‍यानी क्‍येन तेर्किवे, तीकी कोन्‍छ्‍योककी नङ्‍गुप ठिमकी तेन्‍दोकला ताम्‍ङे मेलोवा कितुप ताङ क्‍येन तेरुप यिन। ख्‍यिरा ठिमकी तेन्‍दोकला क्‍येन बिन्‍सिन कोन्‍छ्‍योककी ठिमला सुङ्‍गुप दोके मिजी क्‍योङ्‍गुप मिन, ठिमकी तेन्‍दोकला क्‍येन बिन्‍दुप यिन।

याकूब 4:5

कोन्‍छ्‍योककी दाक्‍पुला नङ्‍गुप थु चाङ्‍माकी दाक्‍पुला छासे गा लानी ङ्‍यिङ्‍ज्‍ये किवी सिनी कोन्‍छ्‍योककी सुङला टिवु ति तेर्मे यिन सिनी ख्‍यिराङ नासाम तोङ्‍गिवी?

याकूब 5:9

ती तप्‍की अच्‍युनुपतिवा, ख्‍यिराङ च्‍यिककी च्‍यिकला ङ्‍योशोक ङ्‍योशोक मासिर। मिसियाङ ख्‍यिराङ कोन्‍छ्‍योककी पर्च्याला ख्‍येल्‍गितो। ल्‍होसा, ख्‍यिराङला ठिम कितुप चोवो ति गे चाला राङ वोतो।

१ पत्रुस 2:16

ख्‍यिराङ ति दिक्‍पी ओङ नेमा रङ्‍ज्‍येन थोप्‍नी वे, तुक क्‍यानी रङ्‍ज्‍येन वोतुप मीतिवा दोके मिजी क्‍योङ। रङ्‍ज्‍येन थोपुप तप्‍की ख्‍यिराङ ति काङ लाका मेलोवा क्‍यासिनाङ गिवी सिनी नासाम मातोङ, यिने कोन्‍छ्‍योकला शब्‍ज्‍यी कितुप योक्‍पु दोके च्‍युङ्‍नी मिजी क्‍योङ।

१ पत्रुस 2:22

खोकी काङ साङ दिक्‍पा माक्‍या, खोकी ख नेमा जिनोक जोप ताम्‍ङे साङ माथेन।

१ पत्रुस 3:10

च्‍यिलासिसिन कोन्‍छ्‍योककी सुङला दुक सिनी टि वे, “चुका मी तीकी रङगी मिजीला गा कितुप ताङ लोदिमु छोलुप नोकिवे, तीकी खोरो ख नेमा ताम्‍ङे मेलोक्‍पा मलाप्‍शी, तमा जिनोक जोप ताम्‍ङे साङ मिकिशी,

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।

१ पत्रुस 4:4

यिने त याङ ख्‍यिराङ तुका सेम नोजु कितुप लाका ति तिवी मुला च्‍यिक्‍पा राङ क्‍यानी मिकिवु ल्‍हानी कोन्‍छ्‍योकला ङो मेशेवु मीतिवा हलेवा लानी ख्‍यिराङला मारे तोङ्‍गिवी।

ज्‍यल्‍का 14:5

तिवी ख नेमा नाम्‍साङ जिनोक जोप ताम्‍ङे मालापुप ताङ क्‍येन मेतुप नोक।