१ पत्रुस 1:8 - कोन्छ्‌योककी सुङ

⁸ ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

१ पत्रुस 1:8 Iomraidhean Croise

मत्ती 10:37

सी ङला सिनाङ खोरो पपाआमाला मङ ङ्‍यिङ्‍ज्‍ये किवे, ती ति ङे तिङ्‍ला तिङ्‍योक मोछ्‍योवी। सी ङला सिनाङ खोरो पुज्‍युङपुमला मङ ङ्‍यिङ्‍ज्‍ये किवे, ती साङ ङे तिङ्‍ला तिङ्‍योक मोछ्‍योवी।

यूहन्‍ना 14:15

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

यूहन्‍ना 14:21

सी ङे कतिवाला ङ्‍येन्‍नी ती कतिवाला युकिवे, ती ति ङला ङ्‍यिङ्‍ज्‍ये कितुप मी यिन। सी ङला ङ्‍यिङ्‍ज्‍ये किवे, ङे पपी तीला ङ्‍यिङ्ज्‍ये क्‍या नङ्‍गिवी। तमा ङ साङ तीला ङ्‍यिङ्‍ज्‍ये क्‍यानी तीला ङ सु यिन सिरुप छ्‍या देनिनो।”

यूहन्‍ना 14:24

ङला ङ्‍यिङ्‍ज्‍ये मिकिवु तीकी ङे ताम्‍ङे मेङ्‍येन्‍दिवी। दी ख्‍यिरा थोवु ताम्‍ङे ति ङे ति मिन, यिने ङला तोङ्‍गुप पपी नङ्‍गुप सुङ यिन।

यूहन्‍ना 16:22

ख्‍यिराङला साङ दी दोके राङ च्‍युङ्‍गिवी। तन्‍दा ख्‍यिरा सेमला सेम्‍दुक किवी, यिने ङ ख्‍यिराङला येलुङ ठेतुप पेला ख्‍यिरा सेम ति छासे गा लङ्‍गितो। तमा ती गा ति सी साङ ख्‍यिराङ नेसुर ठोक मुथुप्‍तो।

यूहन्‍ना 20:29

तमा येशूकी तीला “ख्‍योरो ङला थोङ्‍गुप तप्‍की तेपा क्‍यावु यिन? ङला माथोङ्‍सिनाङ तेपा कितुपतिवा मोलाम थोपुप यिनो।” सिनी सुङ्‍सुङ।

यूहन्‍ना 8:42

येलुङ येशूकी तिवाला सुङ्‍सुङ, “दोजो कोन्‍छ्‍योक ति ख्‍यिरा पपा यिन्‍सियाङ ख्‍यिरा ङला ङ्‍यिङ्‍ज्‍ये कितुप्‍जा, च्‍यिलासिसिन ङ कोन्‍छ्‍योक नेमा वानी तन्‍दा दे राङ वे। तमा ङ ङराङ वावु मिन, यिने खोकी ङला ताङ्‍सुङ।

लोमा छ्‍येतिवी लाका 16:34

तीकी पावल ताङ सिलासला खोरो खाङ्‍बा कताङ्‍नी समा बिन्‍सुङ। च्‍यिलासिसिन खोरुङ ताङ खोरो मिछाङतिवा तेरीकी कोन्‍छ्‍योकला तेपा क्‍यावु तप्‍की तीला छासे गा लानोक।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

१ कोरिन्‍थी 16:22

सी चोवो येशूला ङ्‍यिङ्‍ज्‍ये मिकिवे, तिवा मोताप सुकुप यिनो। ओ ङ्‍यिरा चोवो येशू, ङ्‍यिरा पर्ला फेप!

२ कोरिन्थी 1:22

दाक्‍पुला खोरे ति यिन सिनी त ग्‍यम वे। तमा दाक्‍पुला थाक्‍छ्‍येतुपकी थोक्‍ला दाक्‍पी सेमला खोकी थु चाङ्‍मा नङ्‍नी वे।

२ कोरिन्थी 12:4

ती मी ति कोन्‍छ्‍योककी ग्‍येल्‍खापकी दुम्‍डोकला तेक्‍नी गल्‍सिमा तीकी सि मुथुपु ताम्‍ङेतिवा थोनोक, ती ताम्‍ङे ति मी ख नेमा सिरुप साङ मेवी।

२ कोरिन्थी 4:18

तुक क्‍यानी दाक्‍पु तन्‍दा मिककी थोङ्‍गुप च्‍यालकतिवाला मिन, यिने मिककी मोथोङ्‍गुप ज्‍युककी च्‍यालकतिवाला ङ्‍यम्‍ले किवी। च्‍यिलासिसिन मिककी थोङ्‍गुप च्‍यालकतिवा चेयी पर सेक तिराङ यिन, यिने मिककी मोथोङ्‍गुप च्‍यालकतिवा ति नरीकी नरी थोक्‍ला यिन।

२ कोरिन्थी 5:7

चोवो येशूला दाक्‍पी मिककी माथोङ्‍सिनाङ खो दाक्‍पी मुला नरी ज्‍युकिवी।

२ कोरिन्थी 9:15

कोन्‍छ्‍योककी नङ्‍गुप ग्‍यक्‍चेकी ङ्‍येम्‍बाकी थोक्‍ला खोला थुचिछे।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

एफिसी 3:19

तमा ख्रीष्‍टकी ङ्‍यिङ्‍ज्‍ये ति चुका रिक्‍पा सिनाङ चोछ्‌ये वे सिनी ख्‍यिरा हाक्‍को थुप्‍शी। तमा काङ साङ ङ्‍युङ्‍मु मेतुप कोन्‍छ्‌योककी तेरी छाछिङीकी ख्‍यिरा मिजीला छाछिङी छेङ्‍शी।

एफिसी 6:24

तमा दाक्‍पी चोवो येशू ख्रीष्‍टला नरी ङ्‍यिङ्‍ज्‍ये कितुपतिवा तेरीकी मुला कटिन ति थोप्‍शी।

फिलिप्पी 1:25

दी ताम्‍ङे ति तेन्‍तेन हाक्‍कोनी ङ सेन्‍बु देतिन। ख्‍यिराङ येशूला तेपा क्‍यानी येर्के डोप ताङ गा किशी सिनी ङ ख्‍यिराङ तेरीकी मुला नरी देतिन।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 4:4

चोवो येशू ख्‍यिरा मुला ज्‍युवु तप्‍की ख्‍यिराङ नरी सेम गा किसा। ङ येलुङ सिरिन, ख्‍यिराङ सेम गा किसा।

हिब्रू 11:1

कोन्‍छ्‍योकला तेपा कितुप सिक्‍यावु ति दाक्‍पी रेवा क्‍यावु ताम्‍ङेला खोकी नङ्‍गिवी सिनी तेन्‍तेन कितुप ताङ माथोङ्‍गुप ताम्‍ङेला वे सिनी हाक्‍कोवा कितुप यिन।

हिब्रू 11:27

तेपा नेसुर राङ मोशाकी मिश्रकी ग्‍येल्‍वु ङि्‍यर्मु लानी वोसिनाङ ज्‍यिवा माक्‍यानी ती लुङ्‍बा क्‍युर ज्‍याक्‍नी गाल्‍नोक। तमा तीकी मोथोङ्‍गुप कोन्‍छ्‍योकला साङ थोङ्‍गुप दोके हम क्‍यानी देसुङ।

१ पत्रुस 1:6

तुक क्‍यानी तन्‍दा ख्‍यिराङ चेयी पर सेक रङगी मिजीला छेटाङ बङी वानी सेमला दुक्‍पा वोसिनाङ गा कि गोकिवी।

१ पत्रुस 2:7

तुक क्‍यानी ख्‍यिराङ सी खोला तेपा किवे, तीकी थोक्‍ला खो गोङ नावु वे, यिने तेपा मिकिवुतिवी थोक्‍ला ति कोन्‍छ्‍योककी सुङला साङ दुक सिनी टि वे, “ती दो ति खाङ्‍बा जोप मीतिवी फेन मोथोवु सिनी क्‍युर वे, यिन्‍सिनाङ ती ति सुरकी दो च्‍युङ्‍गिवी।”

१ पत्रुस 5:4

तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।