१ पत्रुस 1:5 - कोन्छ्‌योककी सुङ

⁵ ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।

१ पत्रुस 1:5 Iomraidhean Croise

यूहन्‍ना 12:48

ङला क्‍येन तेरुप ताङ ङे सुङला मेङ्‍येन्‍दुपतिवाला ठिम कितुप ति यम्‍बा राङ वे। ङे सिक्‍यावु दी ताम्‍ङेकी राङ जम्‍बुलिङकी तिङ्‍मी तुजेला तिवाला ठिम तोङ्‍गिवी।

यूहन्‍ना 17:15

ङे मोपोर क्‍यावु ति पपी तिवाला दी जम्‍बुलिङ ने टि फेप सिनी मिन, यिने तिवाला दुक्‍टा शैतान नेसुर र्‍होक्‍टे कि सिनी यिन।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

रोमी 8:18

तसाम पेला दी मिजीला दाक्‍पुला वुङ्‍गुप दुक्‍पा ताङ ज्‍युक्‍ला दाक्‍पुला ङ्‍येतुप कोन्‍छ्‍योककी मोवा ति डिक्‍नी ल्‍हासिन ती दुक्‍पा ति काङ साङ मिन सिनी नासाम शर्किवी।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 2:8

च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

एफिसी 3:17

तमा ख्‍यिरा क्‍यावु तेपा नेसुर ख्रीष्‍ट ख्‍यिरा सेमला ज्‍युशी। ख्‍यिरा च्‍यिककी च्‍यिकला कितुप ङ्‍यिङ्‍ज्‍ये ति दोङ्‍बी मर क्‍यङ्‍गुप दोके रम्‍बु च्‍युङ्‍शी।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।

२ तिमोथी 3:15

ख्‍युरुङ टिक्‍पे वोतुप पेला नेज्‍युनी चाङ्‍मा वोतुप कोन्‍छ्‍योककी सुङगी कोर्ला छ्‍या वे। ती सुङगी ख्रीष्‍ट येशूला तेपा क्‍यासिमा दिक्‍पा ने थरुप कोर्ला ख्‍युरुङला रिक्‍पा तेर्किवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 6:12

ख्‍यिराङ छेरा माकी, यिने खोला तेपा कितुप ताङ हम क्‍या देनी खोकी थाक्‍छ्‍येन नङ्‍गुप ति थोपुप मीतिवा दोके च्‍युङ्‍शी सिरुप ति ङ्‍यिरा नोवा वे।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:13

यिने ख्‍यिराङ ख्रीष्‍टकी थोक्‍ला छेटाङ खुरुपतिवा यिन्‍दुप तप्‍की ती पेला गा की। तुक क्‍यासिन खोकी मोवा छ्‍या देन्‍दुप पेला ख्‍यिराङला मङ लोदिमु ताङ गा लङ्‍गिवी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।