१ पत्रुस 1:25 - कोन्छ्‌योककी सुङ

²⁵ यिने कोन्‍छ्‍योककी सुङ ति नरीकी नरी लुकिवी।” ख्‍यिराङला ख्‍याप्‍टाक क्‍यावु सुङ ति दी राङ यिनो।

१ पत्रुस 1:25 Iomraidhean Croise

मत्ती 5:18

वुतुङ के ङ ख्‍यिराङला सिरिन, देवाच्‍येन ताङ जम्‍बुलिङ तोर्नी मागल्‍वा सेक्‍ला ती ठिमला वोतुप छिक च्‍यिक साङ मातोर्नी तेरी छेकिवी।

लूका 16:17

कोन्‍छ्‍योककी ठिम नेमा छिक च्‍यिक तोरुप सिनाङ स ताङ नाम तोरुप ति मङ जोल्‍हमु गिवी।

यूहन्‍ना 1:1

थल्‍माला जम्‍बुलिङ ज्‍येङ्‍गुप सिनाङ गोमाला कोन्‍छ्‍योककी सुङ नोक, ती सुङ ति कोन्‍छ्‍योककी मुला नोक। तमा ती सुङ ति वुतुङ के कोन्‍छ्‍योक राङ यिनोक।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

१ कोरिन्‍थी 2:2

च्‍यिलासिसिन ती पेला ङे येशू ख्रीष्‍टकी कोर्ला ताङ खो ग्‍यङ्‍शिङला कल्‍नी टुङ्‍गुप कोर्ला तिराङ मिसिन ताम्‍ङे यम्‍बा काङ साङ कितुप नो माक्‍या।

एफिसी 2:17

तमा खो फेप्‍नी ख्‍युरुङ थाक्‍रिङ्‍बु वोतुपतिवाला ताङ थाक्‍ङ्‍यिमु वोतुपतिवाला साङ लोदिमु तेरुप सुङ ख्‍याप्‍टाक क्‍या नाङ्‍सुङ।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

हिब्रू 6:5

सी कोन्‍छ्‍योककी खक्‍छ्‍येवु सुङ हाक्‍कोवु ताङ ज्‍युक्‍थमाकी कल्‍वाला कोन्‍छ्‍योककी क्‍या नङ्‍गुप ङारकी कोर्ला हाक्‍को वे,

१ पत्रुस 1:12

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङे ति खोप्‍रे थोक्‍ला मिन, यिने ख्‍यिरा थोक्‍ला यिन। दी ताम्‍ङे ति देवाच्‍येन नेमा तङ्‍गुप कोन्‍छ्‍योककी थु चाङ्‍मा नेमा ख्‍यिराङला लेन ल्‍यामु ख्‍याप्‍टाक कितुपतिवी तसाम ख्‍यिराङला सिक्‍यावु यिन। ती ताम्‍ङे ति देवाच्‍येनकी लेन क्‍योलुप थुतिवी साङ छासे ल्‍हाप गा किवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 2:2

ख्‍यिरा कोन्‍छ्‍योक च्‍यङ्‍च्‍यु सेम्‍बा वे सिरुप ति हाक्‍कोसुङ सिसिन मलोक क्‍येवु आङातिवा वोमा छलुप दोके ख्‍यिराङ टेङ्‍बु ताङ चाङ्‍मा वोतुप कोन्‍छ्‍योककी सुङला युकुप छासे नो की। तुक क्‍यासिन ख्‍यिराङला मङ मङ दिक्‍पा ने थर्वा ङ्‍येकिवी।

२ पत्रुस 1:19

तुक क्‍यानी कोन्‍छ्‍योककी लुङ्‍तेम्‍बातिवी ङ्‍यिराङला नम्‍दर शेतुप सुङ टेङ्‍बुला साङ ङ्‍यिराङ तेन्‍तेन वे। ती सुङ ति नक्‍तोमीला दिप्‍ली च्‍येतुप दोके यिन। ती दिप्‍ली ति नक्‍तोमी गल्‍नी कर्ज्याङ माशरुप पे सेक बरुप दोके ङ्‍यिरा सेमला ज्‍याक्‍नी ल्‍यामु क्‍यानी हाक्‍कोवा की।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

ज्‍यल्‍का 14:6

येलुङ यम्‍बा देवाच्‍येनकी लेन क्‍योलुप थु मिरा च्‍यिक नामगी पर्ला फुरिन वोतुप ति ङे थोङ्‍सुङ। तीकी मुला जम्‍बुलिङला वोतुप तेरी मिरिक ताङ गिपा ताङ ग्‍येताम ताङ लुङ्‍बाकी मीतिवाला ख्‍याप्‍टाक कितुप नरीकी नरी लुवु कोन्‍छ्‍योककी लेन ल्‍यामु नोक।