१ पत्रुस 1:23 - कोन्छ्‌योककी सुङ

²³ ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 1:23 Iomraidhean Croise

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

लूका 8:11

“दी पेकी तेन्‍दोक ति दुकै यिन। सेन ति कोन्‍छ्‍योककी सुङ यिन।

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

यूहन्‍ना 3:5

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

यूहन्‍ना 6:63

नाम्‍साङ मिशिवु मिजी नङ्‍गुप ति कोन्‍छ्‍योककी थु चाङ्‍मा यिन, तमा जु ति काङ साङ फेन मोथोवी। ङे ख्‍यिराङला सिक्‍यावु दी ताम्‍ङे ति कोन्‍छ्‍योककी थु चाङ्‍मा ताङ नाम्‍साङ मिशिवु मिजीकी कोर्ला यिन।

रोमी 1:23

तिवी नाम्‍साङ ना मोडोवु कोन्‍छ्‍योकला मोवा माक्‍यानी ना डोप मी ताङ च्‍यच्‍युम ताङ ठेक्‍पा ज्‍यी चुनी युकुप छ्‍युङ्‍मा ताङ जु टिन युकुप सेम्‍ज्‍येन दोके कु जोनी तिवाला मोवा कितुप गल वे।

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

१ पत्रुस 1:25

यिने कोन्‍छ्‍योककी सुङ ति नरीकी नरी लुकिवी।” ख्‍यिराङला ख्‍याप्‍टाक क्‍यावु सुङ ति दी राङ यिनो।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ यूहन्‍ना 3:9

कोन्‍छ्‍योककी पुज्‍युङ पुमतिवा सी साङ दिक्‍पा मिकिवी। च्‍यिलासिसिन खोकी सुङ ति तिवी मुला गिवी। तिवा खोकी पुज्‍युङ पुमतिवा यिन्‍दुप तप्‍की दिक्‍पा क्‍या क्‍यावा मेदेवी।

१ यूहन्‍ना 5:18

कोन्‍छ्‍योककी पुज्‍युङपुमतिवा सी साङ दिक्‍पा क्‍या क्‍यावा मेदेवी। तिवाला खोकी सेवुकी राङ नरी र्‍होकिवी। तमा दुक्‍टाकी साङ तिवाला ना तोङ मुथुपी।