१ पत्रुस 1:22 - कोन्छ्‌योककी सुङ

²² त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 1:22 Iomraidhean Croise

यूहन्‍ना 15:17

दी ति ङे क यिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की।”

यूहन्‍ना 15:3

ख्‍यिराङ ति ङे ख्‍यिराङला सिक्‍यावु ताम्‍ङे नेमा राङ टेङ्‍बु गल वे।

यूहन्‍ना 17:17

पपी सुङ ति टेङ्‍बु वे, ती टेङ्‍बु वोतुप सुङ नेसुर राङ तिवाला चाङ्‍मा जो नाङ।

यूहन्‍ना 17:19

तिवी थोक्‍ला ङे ङरा राङ चाङ्‍मा जोयिन, ती ति तिवा साङ सुङ टेङ्‍बु नेसुर चाङ्‍मा च्‍युङ्‍शी सिनी यिन।”

लोमा छ्‍येतिवी लाका 15:9

खोकी यहूदी मिन्‍दुप मिरिक यम्‍बातिवा ताङ ङ्‍यिरा पर्ला ललाइला ल्‍यामु, ललाइला मेलोक्‍पा माक्‍या। यिने तेपा क्‍यावु तप्‍की तिवी सेम टेङ्‍बु जो नाङ्‍सुङ।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 2:8

यिने खुरुङला तिराङ नासाम तोङ्‍गुप ताङ कोन्‍छ्‍योककी सुङ टेङ्‍बुला माङ्‍येन्‍नी लाका दुक्‍टा तिराङ कितुपतिवाला खोकी ङ्‍यिर्मु ताङ पर्च्या तोङ्‍गिवी।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

२ कोरिन्थी 6:6

ङ्‍यिराङ टेङ्‍बु ताङ कोन्‍छ्‍योककी नङ्‍गुप रिक्‍पा ताङ हम क्‍या देतुप ताङ च्‍यम्‍बा ताङ कोन्‍छ्‍योककी थु चाङ्‍मा नेमा वावु ओङ ताङ ङ्‍यिङ्‍ज्‍ये टेङ्‍बु ताङ

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 5:5

च्‍यिलासिसिन दाक्‍पु ति कोन्‍छ्‍योककी थु चाङ्‍मा नेमा खोला तेपा क्‍यानी टेङ्‍बु च्‍युङ्‍गुप रेवाला गुनी देकिवी।

गलाती 5:7

ख्‍यिरा तेपा ति रम्‍बु डोयी नोक, यिने सी ख्‍यिराङला दी लाका टेङ्‍बु कितुप नेसुर क्‍येक्‍सुङ?

एफिसी 4:3

खोकी थु चाङ्‍माकी ख्‍यिराङ तेरीला सेम च्‍यिक राङ जोवु तप्‍की ख्‍यिराङ सेम थिन्‍नी लोदिमु क्‍यानी दे थुपा की।

फिलिप्पी 1:9

ख्‍यिरा रिक्‍पा ताङ ल्‍यामु मेलोवा काङ यिन सिरुप ति हाक्‍कोनी ख्‍यिरा ङ्‍यिङ्‍ज्‍ये ति मङ मङ फेलिन डोशी सिनी ङ मोपोर कितिन।

१ थेसलोनिकी 3:12

चुक क्‍यानी ङ्‍यिरा ख्‍यिराङला ङ्‍यिङ्‍ज्‍ये क्‍यावे, तुक राङ क्‍यानी कोन्‍छ्‍योककी ख्‍यिराङला च्‍यिककी च्‍यिकला ताङ मी तेरीला मङ मङ ङ्‍यिङ्‍ज्‍ये कितुप जो नङ्‍शी।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

२ थेसलोनिकी 2:13

यिने चोवोकी ङ्‍यिङ्‍ज्‍येवु अच्‍युनुपतिवा, ख्‍यिरा थोक्‍ला कोन्‍छ्‍योकला ङ्‍यिराङ नरी थुचिछे बुलिन। च्‍यिलासिसिन कोन्‍छ्‍योककी गोमा नेज्‍यु ख्‍यिराङला खोकी थु चाङ्‍मा नेमा चाङ्‍मा जो नङ्‍गुपला ताङ कोन्‍छ्‍योक टेङ्‍बुला तेपा क्‍यानी शेप ने र्‍होकुपला खोकी पेन नङ्‍गुप तप्‍की यिन।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 5:2

मी गामातिवाला रङगी आमाला दोके ताङ पुम्‍पेजा नाज्‍युङतिवाला सेम टेङ्‍बु क्‍यानी रङगी नुम दोके नासाम तोङ।

२ तिमोथी 1:14

तमा ख्‍युरुङला चेक तेतुप सुङ टेङ्‍बु ति दाक्‍पी मुला ज्‍यु वोतुप कोन्‍छ्‍योककी थु चाङ्‍माकी ओङला र्‍होक्‍नी ज्‍योक।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 4:8

तमा ख्‍यिराङ कोन्‍छ्‍योककी चिप्‍ला ग्‍युक, तुक क्‍यासिन खो ख्‍यिरा चिप्‍ला फेप्‍किवी। ओ दिक्‍छेनतिवा, ख्‍यिराङ दिक्‍पा कितुप क्‍युर। ओ सेम नटेकोटे वोतुप टेङ, ख्‍यिराङ सेम टेङ्‍बु क्‍यानी यु।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 2:17

मी तेरीला ताङ्‍देन की, तेपा कितुप अच्‍युनुपतिवाला ङ्‍यिङ्‍ज्‍ये की, कोन्‍छ्‍योककी थोक्‍ला ज्‍यिवा की, चोछ्‍येवु ग्‍येल्‍वुला ताङ्‍देन की।

१ पत्रुस 3:1

तुक राङ क्‍यानी पेर्मीतिवा रङगी ख्‍योवी ओङला दे। तुक क्‍यासिन कोन्‍छ्‍योककी सुङला मेङ्‍येन्‍दुप ख्‍योवा साङ पेर्मीकी किताङ नालु ल्‍यामु वोतुप थोङ्‍सिमा कोन्‍छ्‍योककी कोर्ला काङ मालाप्‍सिनाङ ख्‍योवी सेम साङ कोन्‍छ्‍योककी थाकाला ग्‍युर्किवी।

१ पत्रुस 3:20

ती नम्‍शिङतिवी थल्‍माला नोआकी टु जोप पेला कोन्‍छ्‍योककी कला माङ्‍येन, यिन्‍सिनाङ कोन्‍छ्‍योककी तिवी थोक्‍ला हम क्‍यानी गुसुङ। तमा ती टी नाङ्‍ला शुवु मी मिरा ग्‍ये तिराङ छ्‍यु नेसुर र्‍होक्‍सुङ।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

१ यूहन्‍ना 3:11

ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:12

कोन्‍छ्‍योकला सी साङ नाम्‍साङ माथोङ वे। यिन्‍सिनाङ दाक्‍पी च्‍यिककी च्‍यिकला ङ्‍यिङ्‍ज्‍ये क्‍यासुङ सिसिन, खो दाक्‍पी मुला ज्‍युकिवी, तमा खोकी ङ्‍यिङ्‍ज्‍ये ति दाक्‍पी मिजीला छेकिवी।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।

ज्‍यल्‍का 2:4

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ती ति काङ यिन सिसिन ख्‍योरो ङला गोमाला दोके ङ्‍यिङ्‍ज्‍ये कितुप क्‍युर्नी ज्‍याक्‍सुङ।