१ पत्रुस 1:21 - कोन्छ्‌योककी सुङ

²¹ खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ पत्रुस 1:21 Iomraidhean Croise

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

यूहन्‍ना 12:44

तमा येशूकी मीतिवाला थोर ग्‍यप्‍नी दुक सुङ्सुङ, “सी ङला तेपा किवे, तीकी ङला तिराङ तेपा कितुप मिन, यिने ङला तोङ्‍गुप तीला तेपा कितुप यिन।

यूहन्‍ना 14:1

येलुङ येशूकी लोमातिवाला सुङ्सुङ, “ख्‍यिराङ सेम्‍दुक माकी। कोन्‍छ्‍योकला तेपा की, तमा ङला साङ तेपा की।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 17:1

येशूकी ती ताम्‍ङेतिवा सुङ सिन्‍सिमा देवाच्‍येन ने केला ल्‍हानी दुक सिनी मोपोर क्‍या नाङ्‍सुङ, “ओ पपा, तुजे वानिङ सिन वे। पपी ङ ख्‍योरे पुज्‍युङला मोवा वोतुप ति छ्‍या तेन्‍नी ङ पुज्‍युङकी साङ पपाला मोवा वोतुप ति छ्‍या देन्‍शी।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

लोमा छ्‍येतिवी लाका 2:24

येशूकी छेटाङ बङी खुर्नी टुङ्‍सिनाङ कोन्‍छ्‍योककी खोला टुङ्‍गुप ने ङोसु लाङ्‍सुङ। च्‍यिलासिसिन खो शेप ति शितोक दे मुथुपी।

लोमा छ्‍येतिवी लाका 3:13

अब्राहाम ताङ इसहाक ताङ याकूब ताङ दाक्‍पी पगावा हङ्‍गावाकी कोन्‍छ्‍योककी खोला शब्‍ज्‍यी बुलुप येशूला मोवा कि छ्‍योवु जो नाङ्‍सुङ। ती येशूला राङ ख्‍यिरा पिलातसकी लकला चेक तेतुप यिन। तमा पिलातसकी खोला पिताङ तोङ्‍गुप सिक्‍यासिनाङ ख्‍यिराङ माङ्‍येन।

लोमा छ्‍येतिवी लाका 3:15

तमा मिजी नङ्‍गुप तीला सेसुङ। यिन्‍सिनाङ कोन्‍छ्‍योककी खोला शेप ने ङोसु लाङ्‍सुङ। दीकी पङ्‍बु ति ङ्‍यिराङ यिन।

लोमा छ्‍येतिवी लाका 4:10

ख्‍यिराङ ताङ इस्राएलकी मीतिवा तेरीकी ग्‍यङ्‍शिङ लोला कल्‍नी सेसिनाङ कोन्‍छ्‍योककी ङोसु लङ्‍गुप नासरतकी येशू ख्रीष्‍टकी मिङला दी मी ति ख्‍यिरा मिङ्‍गाला राङ टेक्‍नी लानी वे।

रोमी 10:9

दोजो ख्‍योरो मीतिवी मिङ्‍गाला येशूला चोवो यिन सिनी ख नेमा सिवी, तमा कोन्‍छ्‍योककी खोला शेप ने ङोसु लङ्‍गुप यिन सिनी सेमला तेपा क्‍यासिन ख्‍युरुङ दिक्‍पा ने थर्किवी।

रोमी 4:24

येशू ख्रीष्‍टला शेप ने ङोसु लोङ्‍गुप कोन्‍छ्‍योकला तेपा क्‍यानी खोकी थोङ्‍दाङला टेङ्‍बु ङ्‍येतुप दाक्‍पु तेरीकी थोक्‍ला साङ टिवु यिन।

२ कोरिन्थी 6:15

काङ ख्रीष्‍ट ताङ शैतान साङ थिन थुप्‍किवी रो? याङ्‍ना तेपा कितुपतिवा ताङ तेपा मिकिवुतिवा च्‍यिक्‍पा राङ यिन रो?

एफिसी 1:15

तुक क्‍यानी ङ मोपोर कितुप पेला नरी ख्‍यिराङला टेन्‍नी कोन्‍छ्‌योकला थुचिछे बुलिन। च्‍यिलासिसिन चोवो येशूला ख्‍यिरा तेपा क्‍यावु ताङ तेरी तेपा कितुप मीतिवाला ख्‍यिरा च्‍यम्‍बा क्‍यावु ति ङे हाक्‍कोसुङ।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 2:9

यिने दाक्‍पु येशूकी कोर्ला नासाम तोङ्‍गुप। कोन्‍छ्‍योककी कटिनकी खो मी तेरीकी थोक्‍ला टुङ्‍गुपला चेयी पर सेककी थोक्‍ला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। मी तेरीकी थोक्‍ला शेपला दुक्‍पा खुर्सिमा कोन्‍छ्‍योककी खोला ग्‍येल्‍वुला दोके मोवा ताङ ताङ्‍देन नाङ्‍सुङ।

हिब्रू 6:1

तुक क्‍यानी दाक्‍पु ख्रीष्‍टकी कोर्ला गोमाला लापुप येन्‍देनतिवा येलुङ लोपुप क्‍युर्नी मङ मङ रम्‍बु हाक्‍को थुपुप च्‍युङ्‍यिन डोप। शेप ते क्‍योलुप लाकातिवा नेसुर सेम ग्‍युरुप ताङ कोन्‍छ्‍योकला तेपा कितुप ताङ

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।