१ पत्रुस 1:18 - कोन्छ्‌योककी सुङ

¹⁸ ख्‍यिराङला छ्‍या वे, ख्‍यिरा पगावा हङ्‍गावातिवा नेसुर वावु तेर्मेकी किताङ नालुतिवा नेसुर ख्‍यिराङ रङ्‍ज्‍येन थोप्‍सुङ। ती ति ना डोप सेर ताङ ङुलतिवा दोके गोङ तेनी ख्‍यिराङला थोपुप मिन,

१ पत्रुस 1:18 Iomraidhean Croise

मर्कूस 8:37

याङ्‍ना तोरुप मिजीकी छापला काङ बिन्‍नी खोरो मिजी लोक थुप्‍किवी?

रोमी 1:21

मीतिवी कोन्‍छ्‍योकला ङो शेसिनाङ खोला कि गोवु मोवा ति माक्‍या, थुचिछे साङ मापुल। तुक क्‍यानी तिवी मुला वोतुप नोवा ति तेर्मे गल वे। तमा तिवी अम्‍बारङ्‍शिङ वोतुप सेमगी जोसालेन्‍सिन काङ हाक्‍को मुथुपुप गल वे।

१ कोरिन्‍थी 3:20

येलुङ यम्‍बा कोन्‍छ्‍योककी सुङला दुक सिनी साङ टि वे, “रिक्‍पा वोतुपतिवी सेम चुकै वे सिरुप ति कोन्‍छ्‍योकला तेरी छ्‍या वे। तिवी रिक्‍पा ति काङ साङ फेन मोथोवी।”

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

१ कोरिन्‍थी 7:23

कोन्‍छ्‍योककी ख्‍यिराङला येशू ख्रीष्‍टकी ठककी गोङ तेनी ङ्‍योवु तप्‍की ख्‍यिराङ मीतिवी योक्‍पुला मादे।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 9:12

खो दासा चाङ्‍मा नेसुर क्‍यानी तेरी सिनाङ चाङ्‍मा वोतुप दासाला फेप्‍सुङ। ती पेला खो रौ ताङ लङ्‍डुकी ठक खुर्नी फेपुप मिन, यिने खो ग्‍यङ्‍शिङला टुङ्‍नी थेन्‍दुप खोरे ठक नेसुर थेङ्‍मा च्‍यिकला राङ फेप्‍नी ती ठक नेसुर खोकी दाक्‍पी थोक्‍ला नाम्‍साङ मिशिवु थर्वा ङ्‍येसुङ।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

१ पत्रुस 4:3

तोङ्‍ला याङ ख्‍यिराङ साङ यहूदी मिन्‍दुप मिरिक यम्‍बाकी मीतिवा दोके दुक्‍टा कितुप ताङ नासाम मेलोक्‍पा तोङ्‍गुप ताङ छ्‍याङ्‍गेले कितुप ताङ ङ्‍याम तोङ्‍गुप ताङ सज्‍युरे कितुप ताङ कुतिवाला तेन्‍नी ङोछा लङ्‍गुप लाका क्‍यानी बङी लाताक च्‍यक्‍सुङ।

१ यूहन्‍ना 3:5

दाक्‍पी दिक्‍पा ता ज्‍यितुपला राङ येशू ख्रीष्‍ट फेपुप यिन सिरुप ति ख्‍यिराङला साङ छ्‍या वे। तमा खोला काङ साङ दिक्‍पा मे।