१ पत्रुस 1:13 - कोन्छ्‌योककी सुङ

¹³ तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 1:13 Iomraidhean Croise

मत्ती 20:4

ती थोङ्‍सिमा तीकी तिवाला ‘ख्‍यिराङ साङ ङे गुन्‍डुम शिङ खला गल्‍नी लाका की। ख्‍यिरा लाका क्‍यावु चोयी ति ल तेरिन।’ सिनी सिक्‍यासुङ।

लूका 12:35

“ख्‍यिराङ शब्‍ज्‍यी कितुपला टडिक क्‍यानी नरी दाक दाक्‍पी दिप्‍ली च्‍येनी ज्‍योक,

लूका 17:30

ङ मी पुज्‍युङ वुङ्‍गुप पेला साङ तुकै राङ डितो।

लूका 17:8

बोरु तीला ‘ङे समा टडिक की। तमा ङ साप ताङ थुङ्‍गुप पेला ख्‍युरुङ ङला शब्‍ज्‍यी की, तमा तिराङ ख्‍युरुङ सो।’ सिनी मिसिवी रो?

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

रोमी 8:19

कोन्‍छ्‍योककी ज्‍ये नङ्‍गुपतिवा तेरीकी खोकी पेजातिवा वुङ्‍गुप ति ल्‍हापला छासे रेवा क्‍यानी गुनी देन वे।

१ कोरिन्‍थी 1:7

तुक क्‍यानी ख्‍यिराङ दाक्‍पी चोवो येशू ख्रीष्‍ट लोक्‍नी फेवु तुजेला गुनी देतुप तप्‍की कोन्‍छ्‍योककी ख्‍यिराङला खोकी थु चाङ्‍माकी नङ्‍गुप ङ्‍येम्‍बा साङ बङी नङ्‍गिवी।

१ कोरिन्‍थी 13:13

तुक क्‍यानी तेपा कितुप ताङ रेवा कितुप ताङ ङ्‍यिङ्‍ज्‍ये कितुप दी सुमतिवा ति नरी लुकिवी, यिन्‍सिनाङ दिवा सुमकी पर्ला खक्‍छ्‍येवु ति ङ्‍यिङ्‍ज्‍ये कितुप राङ यिन।

एफिसी 6:14

ती तप्‍की ख्‍यिराङ केल्‍दाङला जिनोक मेतुप करा च्‍यी। तमा छेकोकला टेङ्‍बुकी क्‍योरुप च्‍यालक कोन।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ तिमोथी 4:5

यिने ख्‍युरुङ ति चो पेला साङ सेम थिला ज्‍याक्‍नी चो दुक्‍पा वोसिनाङ लेन ल्‍यामु ख्‍याप्‍टाक कितुप ताङ खोला शब्‍ज्‍यी कितुप लाका ति तेरी किसा।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 10:35

तुक क्‍यानी ख्‍यिरा तेन्‍तेन क्‍यावु ति क्‍युर्नी माज्‍योक। तमा कोन्‍छ्‍योककी ख्‍यिराङला छासे खक्‍छ्‍येवु छ्‍यक्‍तक ग्‍येर्पु नङ्‍गिवी।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 1:10

ती थर्वाकी थोक्‍ला कोन्‍छ्‍योककी लुङ्‍तेम्‍बातिवी साङ ल्‍यामो क्‍यानी हाक्‍कोवु छाल्‍सुङ। तमा तिवी कोन्‍छ्‍योककी ख्‍यिराङला थर्वा नङ्‍गुप कटिनकी कोर्ला नम्‍दर शेसुङ।

१ पत्रुस 3:15

यिने येशू ख्रीष्‍टला चोवो सिनी सेमगी दिङ नेज्‍यु मोवा की। तमा ख्‍यिरा क्‍यावु रेवाकी कोर्ला ललाइकी ख्‍यिराङला टिसिन तीकी टिलेन तेरुपला नरी टडिक क्‍यानी दे। यिने ख्‍यिराङ कुसु ज्‍यम्‍बु कितुप ताङ ताङ्‍देन क्‍यानी किसा।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

१ पत्रुस 5:12

दी यिकी ति खोङ्‍तेर्मु वोतुप ङे नुप सिलासला टिक च्‍यितुप यिनो। दी यिकी ति ख्‍यिराङला टोङ्‍गु तेरुपला ताङ कोन्‍छ्‍योककी कटिन टेङ्‍बु ति दी राङ यिन सिनी पङ्‍बु तेरुपला टिवु यिनो। तुक क्‍यानी ख्‍यिराङ दी कटिनला ल्‍यामो क्‍यानी देता।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।