१ पत्रुस 1:11 - कोन्छ्‌योककी सुङ

¹¹ तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

१ पत्रुस 1:11 Iomraidhean Croise

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

यूहन्‍ना 12:41

कोन्‍छ्‍योककी लुङ्तेम्‍बा यशैयाकी येशूला मोवा ङ्‍येकिवी सिरुप ति गोमाला के थोङ्‍गुप तप्‍की खोकी कोर्ला दी ताम्‍ङे टिवु यिन।

लोमा छ्‍येतिवी लाका 16:7

तिवा माइसियाकी सन्‍छमला लेप्‍सिमा बिथिनिया थाकाला डोप नो क्‍यासुङ। यिन्‍सिनाङ येशूकी थुकी तिवाला डो माच्‍यी।

रोमी 8:9

यिने कोन्‍छ्‍योककी थु चाङ्‍मा ख्‍यिरा मिजीला वोसिन ख्‍यिराङ दिक्‍पाकी ओङला देतुप मिन, कोन्‍छ्‍योककी थु चाङ्‍माकी ओङला मिजी क्‍योङ्‍गुप यिन। तुक क्‍यानी सी मुला ख्रीष्‍टकी थु मेवे, ती ति ख्रीष्‍टकी मी मिन।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

२ पत्रुस 1:21

च्‍यिलासिसिन लुङ्‍तेम्‍बातिवी नम्‍दर शेतुप ति मी नोवा नेमा मिन, कोन्‍छ्‍योककी थु चाङ्‍मा नेमा कोन्‍छ्‍योककी सुङ्‍गुप ताम्ङे ति लुङ्‍तेम्‍बातिवी शेतुप यिन।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”