१ पत्रुस 1:10 - कोन्छ्‌योककी सुङ

¹⁰ ती थर्वाकी थोक्‍ला कोन्‍छ्‍योककी लुङ्‍तेम्‍बातिवी साङ ल्‍यामो क्‍यानी हाक्‍कोवु छाल्‍सुङ। तमा तिवी कोन्‍छ्‍योककी ख्‍यिराङला थर्वा नङ्‍गुप कटिनकी कोर्ला नम्‍दर शेसुङ।

१ पत्रुस 1:10 Iomraidhean Croise

मत्ती 13:17

वुतुङ के ङ ख्‍यिराङला सिरिन, कोन्‍छ्‍योककी लुङ्‍तेम्‍बातिवा ताङ खोकी कला ङ्‍येन्‍दुपतिवा बङीकी ख्‍यिरा ल्‍हावु खोकी ग्‍येल्‍खाप ल्‍हाप याङ नो क्‍यासुङ, यिने माथोङ। खोकी ग्‍येल्‍खापकी कोर्ला ङ्‍येन्‍दुप नो क्‍यासुङ, यिने माथो।”

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

लूका 10:24

ङ ख्‍यिराङला सिरिन, कोन्‍छ्‍योककी लुङ्‍तेम्‍बातिवा ताङ ग्‍येल्‍वुतिवा बङीकी ख्‍यिरा काङ थोङ्‍गुप ति ल्‍हाप नो क्‍यासुङ, यिने माथोङ। तमा ख्‍यिरा काङ थोवु ति ङ्‍येन्‍दुप नो क्‍यासुङ, यिने माथो।”

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

यूहन्‍ना 7:52

तमा तिवी निकोदेमसला “काङ ख्‍युरुङ साङ गालीलकी मी यिन? ख्‍युरुङ कोन्‍छ्‍योककी सुङ ल्‍यामो क्‍यानी लोप। तुक क्‍यासिन गालील लुङ्‍बा नेसुर कोन्‍छ्‍योककी लुङ्‍तेम्‍बा मेङ्‍गिवी सिरुप ति हाक्‍कोकिवी।” सिनी सिक्‍यासुङ।

लोमा छ्‍येतिवी लाका 10:43

खोला तेपा कितुपतिवा तेरीला खोकी मिङ नेमा तिवी क्‍यावु दिक्‍पा ने थर ज्‍यिकिवी सिनी तेरी कोन्‍छ्‍योककी लुङ्‍तेम्‍बातिवी खोकी कोर्ला सिक्‍या वे।”

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

लोमा छ्‍येतिवी लाका 28:23

तुक क्‍यानी तिवी ङ्‍यिमा च्‍यिक पावलला ठेतुप तुजे जोसुङ। तमा मीतिवा बङी पावल देतुप खाङ्‍बा वासुङ। पावलकी टोप नेज्‍युनी सोर्‍हिप सेक तिवाला कोन्‍छ्‍योककी ग्‍येल्‍खापकी कोर्ला लाप्‍सुङ। तमा मोशाकी ठिम ताङ कोन्‍छ्‍योककी लुङ्‍तेम्‍बाकी थेप नेसुर येशूकी कोर्ला तिवाला पङ्‍बु बिन्‍सुङ।

लोमा छ्‍येतिवी लाका 7:52

ख्‍यिरा हङ्‍गावातिवी चुका कोन्‍छ्‍योककी लुङ्‍तेम्‍बातिवाला छेटाङ माबिन वे? टेङ्‍बु वोतुप मी यी गितो सिरुप कोन्‍छ्‍योककी लुङ्‍तेम्‍बातिवा तेरीला तिवी सेसुङ। तमा ख्‍यिरा साङ ती टेङ्‍बु वोतुप तीला क्‍येन बिन्‍नी सेतुप यिन।

हिब्रू 11:13

ती तेरी मीतिवा कोन्‍छ्‍योककी थाक्‍छ्‍येन नङ्‍गुप ति माङ्‍येवाला राङ तेपा क्‍यानी शिसुङ। यिन्‍सिनाङ तिवी कोन्‍छ्‍योककी थाक्‍छ्‍येन नङ्‍गुप ति ङ्‍यिम्‍ज्‍यिक ङ्‍येकिवी सिनी तेपा क्‍यानी तिवी सेमला गा लासुङ। तमा दी जम्‍बुलिङला दाक्‍पु ति छ्‍यिग्‍यपकी मी ताङ मिमेलुङ्‍दुङ दोके यिनोक सिरुप ति पङ्‍बु बिन्‍सुङ।

हिब्रू 11:40

च्‍यिलासिसिन खोकी दाक्‍पी थोक्‍ला ती सिनाङ खक्‍छ्‍येवु ताम्‍ङे ल्‍यामु यी टडिक क्‍यानी वे। खोकी नोवा ति काङ यिन सिसिन तिवा साङ दाक्‍पी मुला राङ तेरी दिक्‍पा ने थर्नी खोकी चिप्‍ला डोप ङ्‍येशी सिरुप यिन।

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।