१ यूहन्‍ना 5:9 - कोन्छ्‌योककी सुङ

⁹ दोजो दाक्‍पु मी पङ्‍बु बिन्‍दुप ताम्‍ङेला साङ सेमला लिङ्‍गिवी सिसिन, कोन्‍छ्‍योककी पङ्‍बु याङ छासे चोछ्‍ये वे। च्‍यिलासिसिन ती पङ्‍बु ति कोन्‍छ्‍योक नेमा वोवु यिन। ती ति खोकी सेवु येशूकी कोर्ला नङ्‍गुप यिन।

१ यूहन्‍ना 5:9 Iomraidhean Croise

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

लोमा छ्‍येतिवी लाका 17:31

च्‍यिलासिसिन खोकी तुजे यी तेन्‍तेन क्‍यानी दी जम्‍बुलिङला वोतुप मी तेरीला ठिम टेङ्‍बु क्‍या नङ्‍गिवी। ती ठिम कितुपला कोन्‍छ्‍योककी येशूला पेन नङ्‍गुप यिन। खोकी येशूला शेप ने ङोसु लानी तेरी मीतिवाला दी ताम्‍ङेकी कोर्ला पङ्‍बु छ्‍या तेन नाङ्‍सुङ।”

लोमा छ्‍येतिवी लाका 5:32

दीकी कोर्ला ङ्‍यिराङ तेरी पङ्‍बु वे। तमा कोन्‍छ्‍योककी सुङला युकुपतिवाला खोकी नङ्‍गुप थु चाङ्‍मा साङ दीकी कोर्ला पङ्‍बु वे।”

हिब्रू 2:4

दी थर्वा ति टेङ्‍बु यिन्‍दुप पङ्‍बु छ्‍या देन्‍दुपला कोन्‍छ्‍योककी साङ ततिवा छ्‍या देन्‍दुप ताङ हलेवु लाकातिवा ताङ नम्‍बा बङीकी ङार छ्‍येवु लाकातिवा क्‍या नाङ्‍सुङ। तमा खोकी नोवाला वोतुप दोके खोरे थु चाङ्‍माकी कटिनतिवा साङ नाङ्‍सुङ।

हिब्रू 6:18

कोन्‍छ्‍योककी दाक्‍पुला थाक्‍छ्‍येन नङ्‍गुप ताङ न क्‍यल नाङ्‍सुङ। ती ताम्‍ङे ङ्‍यी ति नाम्‍साङ मोफोवी, च्‍यिलासिसिन कोन्‍छ्‍योककी जिनोक जो मुथुपी। तुक क्‍यानी दाक्‍पु र्‍होकुपकी थोक्‍ला टोनी वावुतिवाला दाक्‍पी दोङ्‍ला ज्‍यकुप रेवा ति थोपुपला छासे ङाडेङ ग्‍येर्पु ङ्‍येन वे।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

१ यूहन्‍ना 5:8

तीकी तेन्‍दोक ति थु चाङ्‍मा ताङ छ्‍यु ताङ ठक यिन। दिवा सुम ति च्‍यिक्‍पा राङ यिन।