7 पङ्बु तेरुप ति सुम चोके वे।
पत्रुसकी तुक सियी वोतुप पेला छासे वो ग्यकुप मुक्पाकी छुप्नी तिवाला उप्सुङ। तमा मुक्पी पर नेमा “दी ङे ङ्यिङ्ज्येवु पुज्युङ यिनो, दीकी मुला ङ छासे गा लानी वे। ख्यिराङ दीकी ताम्ङे ङ्येना।” सिरुप वोरु यी ग्यप्सुङ।
यिने तीकी ख्योरो ताम्ङे माङ्येन्सिन मी यम्बा मिरा च्यिक चो ङ्यी चो टिनी तीकी ते ग्युक। तुक क्यानी कोन्छ्योककी सुङला टिवु दोके तीकी सिक्यावु तेरी ताम्ङे ति मिरा ङ्यी सुमकी पङ्बु नेमा तेन्तेन च्युङ्गिवी।
ती तप्की ख्यिराङ गल्नी लुङ्बा तेरीकी मिरिकतिवाला ङे लोमा जो, तमा पपा कोन्छ्योक ताङ पुज्युङ ताङ खोकी थु चाङ्माकी मिङला तिवाला बप्तिस्मा बिन।
थल्माला जम्बुलिङ ज्येङ्गुप सिनाङ गोमाला कोन्छ्योककी सुङ नोक, ती सुङ ति कोन्छ्योककी मुला नोक। तमा ती सुङ ति वुतुङ के कोन्छ्योक राङ यिनोक।
ङ ताङ पपा ति च्यिक राङ यिन।”
ओ पपा, पपी मोवा ति मीतिवाला छ्या तेन।” ती पेला राङ देवाच्येन नेमा दुक सिरुप वोरु यी ग्यप्सुङ, “ङे मोवा लायिन, तमा येलुङ लङ्यिन।”
खो ति कोन्छ्योककी थु टेङ्बु यिन। जम्बुलिङकी मीतिवी खोला सेमला मिलिङ्गिवी, च्यिलासिसिन तिवी खोला थोङ्गुप साङ मोथोङ्गिवी, ङो साङ मेशेवी। यिने ख्यिरा याङ खोला ङो शेकिवी। च्यिलासिसिन खो ख्यिरा मुला वे, तमा खो ख्यिरा सेमला ज्युकिवी।
ङे पपा नेमा ख्यिराङला तङ्गुप टोङ्गु तेरुप थु चाङ्मा फेप्कितो। ती टेङ्बु वोतुप थु चाङ्मा ति पपा नेमा फेप्सिमा ती थु चाङ्माकी ङे थोक्ला पङ्बु नङ्गितो।
पपा खोरे मुला मिजी वोतुप दोके खोकी खोरे पुज्युङला साङ मिजी वोतुप जो नाङ्सुङ।
ङे थोक्ला ङरा राङ पङ्बु तेर्किवी, तमा ङला तोङ्गुप पपी साङ ङे थोक्ला पङ्बु नङ्गिवी।”
तमा येशूकी सुङ्सुङ, “दोजो ङे ङराङला मोवा छलुप यिन्सिन ती मोवा ति तेर्मे यिन। ङला मोवा ङ्ये ज्यितुप ति ङे पपा यिन। खो ति ख्यिरा रङगी कोन्छ्योक सिनी सिक्यावु ति यिन।
ती येशूला कोन्छ्योककी खोकी यावी थाकाला छासे ताङ्देन वोतुप ठीकी खला ज्याक नाङ्सुङ। तमा खोकी थाक्छ्येन नङ्गुप थु चाङ्मा ति येशूला थोप्नी ती ति ङ्यिरा पर्ला तङ नाङ्सुङ। ती ताम्ङे ति तन्दा ख्यिरा थोङ्गुप ताङ थोयी वे।
दीकी कोर्ला ङ्यिराङ तेरी पङ्बु वे। तमा कोन्छ्योककी सुङला युकुपतिवाला खोकी नङ्गुप थु चाङ्मा साङ दीकी कोर्ला पङ्बु वे।”
चोवो येशू ख्रीष्टकी कटिन ताङ कोन्छ्योककी ङ्यिङ्ज्ये ताङ खोकी थु चाङ्माकी डिक्जोम ति ख्यिराङ तेरीकी मुला नरी लुशिता।
दी ताम्ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्माला जम्बुलिङ ज्येङ्गुप पेला राङ वोतुप यिन, तमा ती ति ङ्यिरा थोवु ताङ मिककी थोङ्गुप साङ यिन, ङ्यिरा ल्हावु ताङ थोवा तङ्गुप साङ यिन।
ती येशू ति छ्यु ताङ ठक नेमा फेवु यिन। छ्यु तिराङ मिन, छ्यु ताङ ठक नेसुर फेवु यिन। पङ्बु तेरुप ति कोन्छ्योककी थु चाङ्मा यिन, च्यिलासिसिन कोन्छ्योककी थु चाङ्मा ति टेङ्बु वे।
तीकी तेन्दोक ति थु चाङ्मा ताङ छ्यु ताङ ठक यिन। दिवा सुम ति च्यिक्पा राङ यिन।
खोकी ठकला ङ्योवु मज्या कोन्नोक। तमा खोकी मिङ ती “कोन्छ्योककी सुङ” यिनोक।
