१ यूहन्‍ना 5:6 - कोन्छ्‌योककी सुङ

⁶ ती येशू ति छ्‍यु ताङ ठक नेमा फेवु यिन। छ्‍यु तिराङ मिन, छ्‍यु ताङ ठक नेसुर फेवु यिन। पङ्‍बु तेरुप ति कोन्‍छ्‍योककी थु चाङ्‍मा यिन, च्‍यिलासिसिन कोन्‍छ्‍योककी थु चाङ्‍मा ति टेङ्‍बु वे।

१ यूहन्‍ना 5:6 Iomraidhean Croise

मत्ती 26:28

ती ति मी बङीकी थोक्‍ला दिक्‍पा ने थर ज्‍यितुपला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

मत्ती 3:16

येशू बप्‍तिस्‍मा लानी चङ्‍बी नाङ ने थेन्‍सिमा देवाच्‍येन पेसुङ, तमा कोन्‍छ्‍योककी थु चाङ्‍मा ति गम्‍देर दोके क्‍यानी खोरे खला पापुप ति खोकी थोङ्‍सुङ।

मर्कूस 14:24

येशूकी तिवाला सुङ्‍सुङ, “दी ति मी बङीकी थोक्‍ला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

लूका 22:20

तमा गोमुकी सोल शेन सिन्‍सिमा खोकी गोमी दोके क्‍यानी कोरा लानी दुक सुङ्‍सुङ, “दी कोरा ति ख्‍यिरा थोक्‍ला देन्‍दुप ङे ठक नेसुर कोन्‍छ्‍योककी थाक्‍छ्‍येन नङ्‍गुप खोकी ठिम सम्‍बा यिन।

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 15:26

ङे पपा नेमा ख्‍यिराङला तङ्‍गुप टोङ्‍गु तेरुप थु चाङ्‍मा फेप्‍कितो। ती टेङ्‍बु वोतुप थु चाङ्‍मा ति पपा नेमा फेप्‍सिमा ती थु चाङ्‍माकी ङे थोक्‍ला पङ्‍बु नङ्‍गितो।

यूहन्‍ना 16:13

यिने टेङ्‍बु वोतुप थु चाङ्‍मा फेप्‍सिमा खोकी ख्‍यिराङला कोन्‍छ्‍योककी टेङ्‍बुकी कोर्ला हाक्‍को ज्‍यिकितो, तमा ख्‍यिराङला ती टेङ्‍बुकी लाम नेवा टिकितो। खोकी खोरो ताम्‍ङे मुसुङ्‍गिवी, यिने कोन्‍छ्‍योक नेमा काङ थोवे, ती ताम्‍ङे तिराङ सुङ्‍गितो, तमा ज्‍युक्‍थमाला वुङ्‍गुप ताम्‍ङेतिवा साङ ख्‍यिराङला सुङ्‍गितो।

यूहन्‍ना 3:5

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

यूहन्‍ना 4:10

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 6:55

च्‍यिलासिसिन ङे जु ति वुतुङ्‍की साप समा यिन, तमा ङे ठक ति वुतुङ्‍की थुङ्‍गुप ति यिन।

लोमा छ्‍येतिवी लाका 8:36

तेसुर तिवा डोयी कितुप पेला छ्‍यु वोतुप दासा यीला लेप्‍सुङ। तमा ती मी तीकी फिलिपला “ल्‍हो ताङ, दे छ्‍यु नोक। काङ ङला बप्‍तिस्‍मा तेर थुप्‍किवी?” सिनी सिक्‍यासुङ।

रोमी 3:25

कोन्‍छ्‍योककी येशू ख्रीष्‍ट ग्‍यङ्‍शिङला टुङ च्‍यिनी खोकी ठक ति जिन्‍बा ताङ्‍सुङ। ती तप्‍की येशू ख्रीष्‍टकी ठक ति दाक्‍पी थोक्‍ला तेन्‍दुप यिन सिनी तेपा क्‍यासिमा दाक्‍पी दिक्‍पातिवा तेरी ताकिवी। कोन्‍छ्‍योककी तुक क्‍या नङ्‍गुप ति दाक्‍पी गोमाला क्‍यावु दिक्‍पाकी थोक्‍ला हम क्‍यासिमा पर्च्या माताङ्‍नी खो टेङ्‍बु वोतुप ति छ्‍या देन्‍दुपला यिन।

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।

हिब्रू 10:29

कोन्‍छ्‍योककी सेवुला मारे तोङ्‍गुपतिवा ताङ खुरुङला चाङ्‍मा जोवु कोन्‍छ्‍योककी थाक्‍छ्‍येतुप ठकला मेचेङ्‍गा जोप ताङ कटिन नङ्‍गुप खोकी थु चाङ्‍माला मारे तोङ्‍गुपतिवाला मङ छासे पर्च्या फोकिवी। ती ति ख्‍यिराङ राङ नासाम तोङ।

हिब्रू 12:24

तमा ख्‍यिराङ याङ कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बा जो नङ्‍गुप येशू ताङ खोकी थोरुप ठकला वा वे। ती ठक ति हाबिलकी ठक सिनाङ मङ ल्‍यामो क्‍यानी दाक्‍पुला येन्‍देन तेर्किवी।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

हिब्रू 9:7

यिने जे ङ्‍यिवी नाङ्‍ला ति कोङ्‍यार छ्‍ये तिराङ लोला थेङ्‍मा च्‍यिक ठक खुर्नी डिनोक। ठक माखुर्सिन ती नाङ्‍ला शुक मुथुप्‍नोक। ती ठक ति खोरो दिक्‍पी थोक्‍ला ताङ मीतिवी हाक्‍माकोनी क्‍यावु दिक्‍पी थोक्‍ला जिन्‍बा बुलुपला यिन।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।

ज्‍यल्‍का 7:14

तमा ङे तीला दुक सिक्‍यायी, “चोवो, ख्‍युरुङला राङ छ्‍या वे।” तमा तीकी दुक सिक्‍यासुङ, “दिवा ति छेटाङ ग्‍येर्पु ने थर्नी वावु यिन। दिवी कोन्‍दुप मज्‍यातिवा लुक रुककी ठकला टुनी कर्मु जोवु यिन।