१ यूहन्‍ना 5:5 - कोन्छ्‌योककी सुङ

⁵ जम्‍बुलिङला ग्‍येलुप ति सु यिन सिसिन, येशू ति कोन्‍छ्‍योककी सेवु यिन सिनी तेपा कितुप तिराङ जम्‍बुलिङला ग्‍येलुप यिन।

१ यूहन्‍ना 5:5 Iomraidhean Croise

मर्कूस 9:23

तमा येशूकी तीला सुङ्‍सुङ, “कि थुप्‍सिन सिरुप ति काङ यिन? तेपा कितुपतिवाला ति तेरी कि थुप्‍किवी।”

लोमा छ्‍येतिवी लाका 8:37

(तमा फिलिपकी सिक्‍यासुङ, “दोजो ख्‍योरो सेमगी दिङ नेज्‍युनी तेपा क्‍यासिन बप्‍तिस्‍मा लासिनाङ गिवी।” तमा तीकी सिक्‍यासुङ, “येशू ख्रीष्‍ट कोन्‍छ्‍योककी शेवु राङ यिन सिनी ङ तेपा कितिन।”)

१ यूहन्‍ना 4:15

चुका मी तीकी येशू ति कोन्‍छ्‍योककी सेवु यिन सिनी मी मिङ्‍गाला सिवे, तीकी मुला कोन्‍छ्‍योक ज्‍युकिवी, तमा ती मी ति कोन्‍छ्‍योककी मुला वे सिरुप ति हाक्‍कोकिवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।