१ यूहन्‍ना 5:11 - कोन्छ्‌योककी सुङ

¹¹ पङ्‍बु ति दी राङ यिन, कोन्‍छ्‍योककी दाक्‍पुला नाम्‍साङ मिशिवु मिजी नाङ्‍सुङ। ती मिजी ति खोकी सेवु येशूकी मुला वे।

१ यूहन्‍ना 5:11 Iomraidhean Croise

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

यूहन्‍ना 1:19

यहूदीतिवी यरूशलेम नेसुर कोङ्‍यार छ्‍येतिवा ताङ लेवीतिवाला यूहन्‍नाकी चाला ताङ्‍नी तीला “ख्‍युरुङ सु यिन?” सिनी टि च्‍यिसुङ।

यूहन्‍ना 1:4

खोरे ज्‍ये नङ्‍गुपतिवा तेरीकी ती सुङ नेसुर मिजी थोप्‍सुङ, ती मिजी ति मीतिवी वोसिर यिनोक।

यूहन्‍ना 10:28

तिवाला ङ नाम्‍साङ मिशिवु मिजी तेरिन, तमा तिवा नाम्‍साङ ना मोडोवी। सी साङ ङे नेसुर तिवाला ठोनी डो मुथुपी।

यूहन्‍ना 12:50

खोकी कला ङ्‍येन्‍दुपतिवाला नाम्‍साङ मिसिवु मिजी थोप्‍किवी सिरुप ति ङला छ्‍या वे। तुक क्‍यानी पपी ङला काङ सुङ्‍गिवे, तुकै राङ ङ लपिन।”

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 19:35

ती थोङ्‍गुप मी तीकी ती ताम्‍ङेकी कोर्ला पङ्‍बु बिन वे। तुक क्‍यानी तीकी पङ्‍बु ति टेङ्‍बु यिन। तीकी खोरो पङ्‍बु बिन्‍दुप ति वुतुङ के च्‍युङ्‍गुप ताम्‍ङे यिन सिनी छ्‍या वे, तमा ख्‍यिरा साङ ती ताम्‍ङेला तेपा किशी सिनी तीकी ती पङ्‍बु बिन्‍दुप यिन।

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

यूहन्‍ना 4:36

सप्‍ले दुतुपतिवाला ल थोप्‍किवी, तमा तिवी ति नाम्‍साङ मिशिवु मिजी थोपुप डुमा दुकिवी। तमा सप्‍ले देपुप ताङ दुतुप ङ्‍यिकर मुला राङ गा किवी।

यूहन्‍ना 4:4

खो फेपुप पेला सामरिया लुङ्‍बा नेवा क्‍यानी फेप गोकिनोक।

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 6:47

वुतुङ के ङ ख्‍यिराङला सिरिन, सी ङला तेपा किवे, तीला नाम्‍साङ मिशिवु मिजी थोप्‍किवी।

यूहन्‍ना 6:68

खोकी तुक सुङ्‍सिमा सिमोन पत्रुस तीकी “ओ चोवो, चोवोकी मुला याङ नाम्‍साङ मिशिवु मिजी तेरुप सुङ वे। तुक क्‍यानी ङ्‍यिराङ सी चाला डोप्‍जा?

रोमी 5:21

तुक क्‍यानी दिक्‍पाकी जोसालेन्‍सिन मीतिवा तेरीकी खला शेपकी ग्‍येला कितुप दोके कोन्‍छ्‍योककी कटिन साङ टेङ्‍बु वोतुप नेसुर ग्‍येला किवी। तमा दाक्‍पी चोवो येशू ख्रीष्‍ट नेमा दाक्‍पुला नाम्‍साङ मिशिवु मिजी नङ्‍गिवी।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

१ यूहन्‍ना 2:25

खोकी ख्‍यिराङला थाक्‍छ्‍येन नङ्‍गुप ति ती नाम्‍साङ मिशिवु मिजी यिन।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

१ यूहन्‍ना 4:9

कोन्‍छ्‍योककी दाक्‍पुला चुक क्‍यानी ङ्‍यिङ्‍ज्‍ये क्‍यासुङ सिसिन खोकी सेवुला तेपा क्‍यानी दाक्‍पु सेन्‍बु लुशी सिनी खोकी च्‍यिक राङ वोतुप सेवु ति दी जम्‍बुलिङला ताङ्‍सुङ।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

१ यूहन्‍ना 5:7

पङ्‍बु तेरुप ति सुम चोके वे।

३ यूहन्‍ना 1:12

डेमेत्रियसकी थोक्‍ला याङ मी तेरीकी पङ्‍बु ल्‍यामु बिन वे, ती ति तीकी टेङ्‍बु वोतुप मिजी ल्‍हानी साङ हाक्‍कोकिवी। ङ्‍यिराङ साङ तीकी थोक्‍ला पङ्‍बु तेरिन। ती ति ङ्‍यिरा बिन्‍दुप पङ्‍बु टेङ्‍बु यिन सिनी ख्‍यिरा हाक्‍कोकिवी।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।

ज्‍यल्‍का 1:2

तमा यूहन्‍नाकी खोरो थोङ्‍गुप कोन्‍छ्‍योककी सुङ ताङ येशू ख्रीष्‍टकी पङ्‍बु नङ्‍गुप ताम्‍ङेतिवा तेरी शेसुङ।

ज्‍यल्‍का 22:1

येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी