१ यूहन्‍ना 5:10 - कोन्छ्‌योककी सुङ

¹⁰ सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

१ यूहन्‍ना 5:10 Iomraidhean Croise

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

यूहन्‍ना 3:18

सी खोला तेपा किवे, तीला ठिम मोफोकिवी। यिने तेपा मिकिवुतिवाला ति गोमाला के ठिम फोक्‍नी वे, च्‍यिलासिसिन तिवी कोन्‍छ्‍योककी च्‍यिक राङ वोतुप सेवुला तेपा माक्‍यावु तप्‍की यिन।

यूहन्‍ना 3:33

यिने सी खोकी पङ्‍बुला तेपा किवे, तीकी कोन्‍छ्‍योक ति टेङ्‍बु वे सिनी तेन्‍तेन किवी।

यूहन्‍ना 5:38

तमा खोकी सुङ साङ ख्‍यिरा सेमला माला वे, च्‍यिलासिसिन खोकी तङ्‍गुप तीला ख्‍यिरा तेपा माक्‍यावु तप्‍की यिन।

लोमा छ्‍येतिवी लाका 8:37

(तमा फिलिपकी सिक्‍यासुङ, “दोजो ख्‍योरो सेमगी दिङ नेज्‍युनी तेपा क्‍यासिन बप्‍तिस्‍मा लासिनाङ गिवी।” तमा तीकी सिक्‍यासुङ, “येशू ख्रीष्‍ट कोन्‍छ्‍योककी शेवु राङ यिन सिनी ङ तेपा कितिन।”)

रोमी 8:16

तमा कोन्‍छ्‍योककी थु चाङ्‍माकी दाक्‍पी सेम ताङ मुला राङ दाक्‍पु ति कोन्‍छ्‍योककी पेजातिवा यिन सिरुप ति पङ्‍बु नङ्‍गिवी।

गलाती 4:1

ङे सिक्‍यावु ति काङ यिन सिसिन, कोन्‍छ्‍योककी थाक्‍छ्‍येन नङ्‍गुप अंश माथोपा सेक पुज्‍युङ टिक्‍पे वोतुप तप्‍की पुज्‍युङ ति तेरी नोरकी ज्‍यिन्‍दाक यिन्‍सिनाङ ती ति योक्‍पु दोके च्‍युङ्‍गिवी।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

कलस्सी 3:3

च्‍यिलासिसिन ख्‍यिराङ शिनी वे, तमा ख्‍यिरा मिजी ति ख्रीष्‍टकी मुला राङ कोन्‍छ्‍योककी चिप्‍ला बानी ज्‍याङ वे।

हिब्रू 3:12

अच्‍युनुपतिवा, च्‍यक्‍पु किसा। ख्‍यिराङ सु साङ तेपा मिकिवु सेम दिक्‍छेन गल्‍नी ङोसु वोतुप कोन्‍छ्‍योकला क्‍युर्नी माज्‍योका।

२ पत्रुस 1:19

तुक क्‍यानी कोन्‍छ्‍योककी लुङ्‍तेम्‍बातिवी ङ्‍यिराङला नम्‍दर शेतुप सुङ टेङ्‍बुला साङ ङ्‍यिराङ तेन्‍तेन वे। ती सुङ ति नक्‍तोमीला दिप्‍ली च्‍येतुप दोके यिन। ती दिप्‍ली ति नक्‍तोमी गल्‍नी कर्ज्याङ माशरुप पे सेक बरुप दोके ङ्‍यिरा सेमला ज्‍याक्‍नी ल्‍यामु क्‍यानी हाक्‍कोवा की।

१ यूहन्‍ना 1:10

येलुङ दोजो दाक्‍पी ङे याङ दिक्‍पा माक्‍या वे सिवी सिसिन, कोन्‍छ्‍योकला दाक्‍पी जिनोक जोप मी दोके जेवी, तमा खोकी सुङ ति दाक्‍पी मिजीला मेवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

ज्‍यल्‍का 12:17

ती तप्‍की डुक ति मङ ङ्‍यिर्मु लानी यम्‍बा लुनी वोतुप पुम्‍पेजी गिपातिवाला थमु ग्‍यकुपला गाल्‍सुङ। ती पुम्‍पेजी गिपातिवा ति कोन्‍छ्‍योककी सुङला ङ्‍येन्‍दुप ताङ मीतिवाला येशूकी थोक्‍ला पङ्‍बु तेरुपतिवा यिन।

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”

ज्‍यल्‍का 2:28

ङ तीला टोपकी कर्मा साङ तेरिनो।