१ यूहन्‍ना 4:9 - कोन्छ्‌योककी सुङ

⁹ कोन्‍छ्‍योककी दाक्‍पुला चुक क्‍यानी ङ्‍यिङ्‍ज्‍ये क्‍यासुङ सिसिन खोकी सेवुला तेपा क्‍यानी दाक्‍पु सेन्‍बु लुशी सिनी खोकी च्‍यिक राङ वोतुप सेवु ति दी जम्‍बुलिङला ताङ्‍सुङ।

१ यूहन्‍ना 4:9 Iomraidhean Croise

मर्कूस 12:6

त ज्‍यिन्‍दाककी ति खोरो ङ्‍यिङ्‍ज्‍येवु पुज्‍युङ च्‍यिक तिराङ लुनोक। तमा तीकी ‘तिवी ङे पुज्‍युङला याङ ताङ्‍देन किते यिन्‍दे।’ सिनी तेरी सिनाङ तिङ्‍ला खोरो पुज्‍युङला पिज्‍यिङ्‍बातिवी चाला ताङ्‍सुङ।

लूका 4:18

“चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

यूहन्‍ना 10:10

कुर्मेन याङ कुन कितुप ताङ सेतुप ताङ ना तोङ्‍गुपला तिराङ गिवी। यिने ङ याङ लुकतिवाला मिजी ङ्‍येशी, तमा छाछिङी ङ्‍येशी सिनी वावु यिन।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

यूहन्‍ना 3:18

सी खोला तेपा किवे, तीला ठिम मोफोकिवी। यिने तेपा मिकिवुतिवाला ति गोमाला के ठिम फोक्‍नी वे, च्‍यिलासिसिन तिवी कोन्‍छ्‍योककी च्‍यिक राङ वोतुप सेवुला तेपा माक्‍यावु तप्‍की यिन।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 6:29

तमा खोकी तिवाला “कोन्‍छ्‍योककी तङ्‍गुप तीला तेपा कितुप ति कोन्‍छ्‍योककी लाका यिन।” सिनी सुङ्‍सुङ।

यूहन्‍ना 6:51

ङ ति देवाच्‍येन नेमा पाम वोवु सेन्‍बु वोतुप शुब्‍ज्‍याङ यिन। सी दी शुब्‍ज्‍याङ सेवे, तिवा नाम्‍साङ मिशिवी। ती शुब्‍ज्‍याङ ति ङे जु यिन, तमा ती जुकी जम्‍बुलिङकी मीतिवा तेरीला मिजी तेर्किवी।”

यूहन्‍ना 6:57

ङोसु ज्‍यु वोतुप ङे पपी ङला ताङ्‍सुङ, तमा ङ खो नेसुर मिजी क्‍योङ्‍गिवी। ती दोके ङला साप तीकी साङ ङ नेसुर मिजी क्‍योङ्‍गिवी।

यूहन्‍ना 8:29

ङला तोङ्‍गुप ति ङे मुला ज्‍यु वे। खोकी ङला च्‍यिक राङ क्‍युन माज्‍याक वे, च्‍यिलासिसिन ङ नरी खोला गा लङ्‍गुप लाका कितिन।”

यूहन्‍ना 8:42

येलुङ येशूकी तिवाला सुङ्‍सुङ, “दोजो कोन्‍छ्‍योक ति ख्‍यिरा पपा यिन्‍सियाङ ख्‍यिरा ङला ङ्‍यिङ्‍ज्‍ये कितुप्‍जा, च्‍यिलासिसिन ङ कोन्‍छ्‍योक नेमा वानी तन्‍दा दे राङ वे। तमा ङ ङराङ वावु मिन, यिने खोकी ङला ताङ्‍सुङ।

यूहन्‍ना 9:3

तमा येशूकी तिवाला सुङ्‍सुङ, “दीकी दिक्‍पा क्‍यावु साङ मिन, दीकी पपाआमी दिक्‍पा क्‍यावु साङ मिन। यिने दीकी मिजी नेमा कोन्‍छ्‍योककी हलेवु लाका ति मीतिवी थोङ्‍शी सिनी तुकै च्‍युङ्‍गुप यिन।

रोमी 8:32

दाक्‍पी दिक्‍पी थोक्‍ला कोन्‍छ्‍योककी खोरे सेवु साङ र्‍होक माज्‍याक्‍नी दाक्‍पुला नाङ्‍सुङ सिसिन, खोकी सेवुकी मुला राङ यम्‍बा साङ तेरी कटिन नेसुर दाक्‍पुला मानङ्‍गिवी रो?

हिब्रू 1:5

कोन्‍छ्‍योककी चुका देवाच्‍येनकी लेन क्‍योलुप थुला साङ “ख्‍युरुङ ङे पुज्‍युङ यिन, हारिङ ङ ख्‍योरो पपा च्‍युङ्‍गिवी।” सिनी मासुङ वे। येलुङ खोकी चुका देवाच्‍येनकी लेन क्‍योलुप थुला साङ “ङ तीकी पपा यिनो, ती ति ङे पुज्‍युङ यिनो।” सिनी मासुङ वे।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

१ यूहन्‍ना 4:16

कोन्‍छ्‍योककी दाक्‍पुला ङ्‍यिङ्‍ज्‍ये क्‍या नङ्‍गुप ति हाक्‍कोवु तप्‍की दाक्‍पी खोकी क्‍या नङ्‍गुप ङ्‍यिङ्‍ज्‍येला तेपा क्‍यावु यिन। खो ति ङ्‍यिङ्‍ज्‍ये कितुप कोन्‍छ्‍योक यिन। चुका मी तीकी मी यम्‍बाला ङ्‍यिङ्‍ज्‍ये किवे, ती मी ति कोन्‍छ्‍योककी मुला वे सिरुप हाक्‍कोकिवी। तमा कोन्‍छ्‍योक साङ तीकी मुला ज्‍युकिवी।

१ यूहन्‍ना 5:11

पङ्‍बु ति दी राङ यिन, कोन्‍छ्‍योककी दाक्‍पुला नाम्‍साङ मिशिवु मिजी नाङ्‍सुङ। ती मिजी ति खोकी सेवु येशूकी मुला वे।

१ यूहन्‍ना 5:13

दी यिकी ति ख्‍यिराङ कोन्‍छ्‍योककी सेवु येशूला तेपा कितुपतिवाला नाम्‍साङ मिशिवु मिजी थोप्‍शी सिनी हाक्‍को ज्‍यितुपला ङे टिवु यिनो।