१ यूहन्‍ना 4:8 - कोन्छ्‌योककी सुङ

⁸ च्‍यिककी च्‍यिकला ङ्‍यिङ्‍ज्‍ये मिकिवु मी तीकी कोन्‍छ्‍योकला साङ ङो मेशेवी। च्‍यिलासिसिन कोन्‍छ्‍योक ति ङ्‍यिङ्‍ज्‍ये वोतुप कोन्‍छ्‍योक यिन।

१ यूहन्‍ना 4:8 Iomraidhean Croise

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

एफिसी 2:4

यिने कोन्‍छ्‌योक च्‍यङ्‍च्‍यु सेम्‍बा वोतुप तप्‍की खोकी दाक्‍पु तेरीला छासे ङ्‍यिङ्‍ज्‍ये क्‍या नाङ्‍सुङ।

हिब्रू 12:29

च्‍यिलासिसिन दाक्‍पी कोन्‍छ्‍योक ति पुसुकी जोप मे यिन।

१ यूहन्‍ना 1:5

ङ्‍यिरा येशू ख्रीष्‍ट नेमा थोवु लेन ल्‍यामु ति ख्‍यिराङला शेतिनो। ती ति काङ यिन सिसिन कोन्‍छ्‍योक ति ठछ्‍येली वोतुप वोसिर टेङ्‍बु वे। खोकी मुला काङ साङ नक्‍तोमी वोतुप दोके मेटेङ्‍बु मे।

१ यूहन्‍ना 2:4

यिने चुका मी तीकी ङ कोन्‍छ्‍योकला ङो शेकिवी सिनी सिवी, यिने खोकी कला ति मुयुकिवी सिसिन, ती मी ति जिनोक जोप यिन, टेङ्‍बु वोतुप मिन।

१ यूहन्‍ना 2:9

चुका मी तीकी ङ येशूला तेपा क्‍यानी ठछ्‍येलीला युकुप यिन सिवी, यिने तेपा कितुप यम्‍बा नुप ताङ नुमला ङ्‍यिङ्‍मर किवी सिसिन, ती मी ति तरोङ साङ नक्‍तोमीला राङ वोतुप मी यिन।

१ यूहन्‍ना 3:10

ती नेसुर राङ कोन्‍छ्‍योककी गिपा सु यिन, डेकी गिपा सु यिन सिरुप ति हाक्‍कोकिवी। लाका टेङ्‍बु मिकिवुतिवा ताङ खोरो अच्‍युनुपला ङ्‍यिङ्‍ज्‍ये मिकिवुतिवा ति कोन्‍छ्‍योककी पुज्‍युङपुम मिन।

१ यूहन्‍ना 3:6

तुक क्‍यानी खो ताङ मुला तम्‍जी ल्‍यामु वोतुपतिवी दिक्‍पा मिकिवी। दिक्‍पा क्‍या क्‍यावा देतुप मीतिवा सी साङ खोला माथोङ वे, ङो साङ माशे वे।

१ यूहन्‍ना 4:16

कोन्‍छ्‍योककी दाक्‍पुला ङ्‍यिङ्‍ज्‍ये क्‍या नङ्‍गुप ति हाक्‍कोवु तप्‍की दाक्‍पी खोकी क्‍या नङ्‍गुप ङ्‍यिङ्‍ज्‍येला तेपा क्‍यावु यिन। खो ति ङ्‍यिङ्‍ज्‍ये कितुप कोन्‍छ्‍योक यिन। चुका मी तीकी मी यम्‍बाला ङ्‍यिङ्‍ज्‍ये किवे, ती मी ति कोन्‍छ्‍योककी मुला वे सिरुप हाक्‍कोकिवी। तमा कोन्‍छ्‍योक साङ तीकी मुला ज्‍युकिवी।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।