१ यूहन्‍ना 4:5 - कोन्छ्‌योककी सुङ

⁵ यिने लुङ्‍तेम्‍बा मेटेङ्‍बुतिवा जम्‍बुलिङ नेमा क्‍येवु यिन। तुक क्‍यानी तिवा जम्‍बुलिङकी ताम्‍ङे राङ किवी, जम्‍बुलिङकी मीतिवी साङ तिवी ताम्‍ङे राङ ङ्‍येन्‍गिवी।

१ यूहन्‍ना 4:5 Iomraidhean Croise

लूका 16:8

तमा ज्‍यिन्‍दाक तीकी ती खोङ्‍तेर्मु मेतुप खोरो खाङ्‍बी लाका चेक लावु मी तीकी किताङ च्‍यङ्‍बु क्‍यावु तप्‍की तीला चिताङ क्‍यासुङ। च्‍यिलासिसिन दी जम्‍बुलिङकी मीतिवी खोप्‍रे पर्ला कितुप किताङ नालु ति ठछ्‍येलीकी गिपाकी मीतिवी ति सिनाङ मङ च्‍यङ्‍बु गिवी।

यूहन्‍ना 17:14

पपी ङला सुङ्‍गुप सुङ ति ङे तिवाला सिक्‍यायिन, तमा जम्‍बुलिङकी मीतिवी तिवाला ङ्‍यिङ्‍मर क्‍यासुङ। च्‍यिलासिसिन ङ जम्‍बुलिङकी मी मिन्‍दुप दोके तिवा साङ जम्‍बुलिङकी मी मिन्‍दुप तप्‍की यिन।

यूहन्‍ना 17:16

ङ दी जम्‍बुलिङकी मिन्‍दुप दोके तिवा साङ दी जम्‍बुलिङकी ति मिन।

यूहन्‍ना 3:31

“देवाच्‍येन नेमा फेवु ति तेर ताङ सिनाङ चोछ्‍ये वे। जम्‍बुलिङकी मी ति जम्‍बुलिङकी मी राङ यिन, तमा जम्‍बुलिङकी थोक्‍ला तिराङ ताम्‍ङे किवी। यिने देवाच्‍येन नेमा फेवु ति तेरी सिनाङ चोछ्‍ये वे।

यूहन्‍ना 8:23

तमा येशूकी तिवाला सुङ्‍सुङ, “ख्‍यिराङ ति मलाकी ति यिन, यिने ङ ति यायु नेमा वावु यिन। ख्‍यिराङ ति दी जम्‍बुलिङकी मी यिन, यिने ङ ति दी जम्‍बुलिङकी मी मिन।

२ तिमोथी 4:3

च्‍यिलासिसिन तुका तुजे यी गितो। ती तुजेला मीतिवा येन्‍देन टेङ्‍बुला सेमला मोडोवु ताङ खुरुङला सेमला गलुप ताम्‍ङे तिराङ ङ्‍येन्‍दुप नो कितुप ताङ दाक दाक्‍पुला सेमला डोप येन्‍देन लोपुप गेकेनतिवा तिराङ बङी कतोङ्‍गिवी।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।