१ यूहन्‍ना 4:4 - कोन्छ्‌योककी सुङ

⁴ ङे आङातिवा, ख्‍यिराङ याङ कोन्‍छ्‍योककी पुज्‍युङपुमतिवा यिन। तुक क्‍यानी ख्‍यिराङ लुङ्‍तेम्‍बा मेटेङ्‍बुतिवी खला ग्‍येल वे। च्‍यिलासिसिन जम्‍बुलिङला वोतुपतिवी सिनाङ ख्‍यिरा सेमला वोतुप कोन्‍छ्‍योककी थु चाङ्‍मा ति चोछ्‍ये वे।

१ यूहन्‍ना 4:4 Iomraidhean Croise

यूहन्‍ना 12:31

तन्‍दा ति कोन्‍छ्‍योककी दी जम्‍बुलिङला ठिम कितुप तुजे यिन, त कोन्‍छ्‍योककी दी जम्‍बुलिङला ओङ्ज्‍येन कितुप शैतानला तेन तोङ्‍गिवी।

यूहन्‍ना 14:30

त याङ ङ ख्‍यिरा मुला ताम्‍ङे अला मलाप, च्‍यिलासिसिन दी जम्‍बुलिङला ओङ्ज्‍येन कितुप शैतान ति वुङ्‍यिन नोक। तीकी ङला काङ साङ ओङ्ज्‍येन कितुप ङार मे।

यूहन्‍ना 16:11

कोन्‍छ्‍योककी ठिमकी कोर्ला ति दी जम्‍बुलिङला ओङ्‍ज्‍येन कितुप शैतानला कोन्‍छ्‍योक नेमा पर्च्या ङ्‍येसुङ सिनी हाक्‍को ज्‍यिकिवी।

यूहन्‍ना 17:23

ङ तिवी मुला वोतुप ताङ पपा ङे मुला वोतुप ति तिवा तेरी च्‍यिक राङ च्‍युङ्‍गुपला यिन। तमा ती ति पपी ङला तङ्‍गुप ताङ पपी ङला ङ्‍यिङ्‍ज्‍ये क्‍या नङ्‍गुप दोके तिवाला साङ ङ्‍यिङ्‍ज्‍ये क्‍या नङ्‍गिवी सिरुप ति जम्‍बुलिङकी मीतिवाला हाक्‍को ज्‍यितुपला यिन।

रोमी 8:31

दी ताम्‍ङेतिवा ति नासाम तङ्‍सिन दाक्‍पु काङ सि थुप्‍किवी? दोजो कोन्‍छ्‍योक दाक्‍पी छ्‍योला ज्‍यु वोसिन सु दाक्‍पी तेन्‍दोकला लङ थुप्‍किवी?

रोमी 8:37

तुकै यिन्‍सिनाङ ङ्‍यिराङला ङ्‍यिङ्‌ज्‍ये क्‍या नङ्‍गुप ख्रीष्‍ट येशू नेसुर दाक्‍पु ति तिवा तेरीकी खला मङ ग्‍येल वे।

१ कोरिन्‍थी 2:12

त याङ दाक्‍पुला जम्‍बुलिङकी सेम थोपुप मिन, कोन्‍छ्‍योककी थु चाङ्‍मा थोपुप यिन। कोन्‍छ्‍योककी दाक्‍पुला नङ्‍गुप मोलाम ति ल्‍यामो क्‍यानी हाक्‍को ज्‍यितुपला खोकी दाक्‍पुला खोकी थु चाङ्‍मा नङ्‍गुप यिन।

१ कोरिन्‍थी 6:13

तमा यम्‍बातिवी “समा ति सुपकी थोक्‍ला यिन, सुप ति समी थोक्‍ला यिन।” सिनी सिवी, यिने कोन्‍छ्‍योककी दिवा ङ्‍यिकरला ङ्‍यिम्‍ज्‍यिक फेन मोथोवु जेवी। दाक्‍पी जु ति शम्‍डेन कितुपकी थोक्‍ला मिन, चोवो येशूला शब्‍ज्‍यी बुलुपला यिन। तमा चोवो येशूकी दाक्‍पी जुला गोवु तेरी च्‍यालकतिवा नङ्‍गिवी।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 3:17

तमा ख्‍यिरा क्‍यावु तेपा नेसुर ख्रीष्‍ट ख्‍यिरा सेमला ज्‍युशी। ख्‍यिरा च्‍यिककी च्‍यिकला कितुप ङ्‍यिङ्‍ज्‍ये ति दोङ्‍बी मर क्‍यङ्‍गुप दोके रम्‍बु च्‍युङ्‍शी।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

१ यूहन्‍ना 2:1

ङे आङातिवा, ख्‍यिराङला दिक्‍पा माकी सिनी ङे दी ताम्‍ङे ति ख्‍यिरा थोक्‍ला टिवु यिनो। यिने सी दिक्‍पा क्‍यासिनाङ दाक्‍पी छ्‍योला लानी कोन्‍छ्‍योक ताङ मुला ताम्‍ङे लपुप मिरा च्‍यिक वे, खो ति टेङ्‍बु वोतुप चोवो येशू ख्रीष्‍ट यिन।

१ यूहन्‍ना 2:13

पपातिवा, ख्‍यिरा थल्‍मा नेज्‍यु वोतुप ख्रीष्‍टला ङो शेवु तप्‍की ङ ख्‍यिराङला दी यिकी ति टिकिन वोतो। नाज्‍युङतिवा, ख्‍यिराङ दुक्‍टाकी खला ग्‍येलुप तप्‍की ङ ख्‍यिराङला दी यिकी ति टिकिन वोतो।

१ यूहन्‍ना 3:20

यिने दाक्‍पी सेमगी राङ दाक्‍पुला क्‍येन बिन्‍सिनाङ, कोन्‍छ्‍योक ति दाक्‍पी सेम सिनाङ च्‍यम्‍बा वोतुप ताङ चोछ्‍ये वे। तमा तेरी ताम्‍ङे ति खोला छ्‍या वे।

१ यूहन्‍ना 3:24

येशू ख्रीष्‍टकी कला ङ्‍येन्‍दुपतिवा तेरी खोकी मुला तम्‍जी ल्‍यामु गिवी, तमा खो साङ तिवी मुला तम्‍जी ल्‍यामु गिवी। खो दाक्‍पी मुला तम्‍जी ल्‍यामु वे सिरुप ति खोकी दाक्‍पुला नङ्‍गुप थु चाङ्‍मा नेसुर हाक्‍कोकिवी।

१ यूहन्‍ना 4:13

खोकी दाक्‍पुला थु चाङ्‍मा नङ वे। तुक क्‍यानी खो दाक्‍पी मुला ज्‍यु वे, तमा दाक्‍पु खोकी मुला वे सिरुप ति दाक्‍पी हाक्‍कोकिवी।

१ यूहन्‍ना 4:16

कोन्‍छ्‍योककी दाक्‍पुला ङ्‍यिङ्‍ज्‍ये क्‍या नङ्‍गुप ति हाक्‍कोवु तप्‍की दाक्‍पी खोकी क्‍या नङ्‍गुप ङ्‍यिङ्‍ज्‍येला तेपा क्‍यावु यिन। खो ति ङ्‍यिङ्‍ज्‍ये कितुप कोन्‍छ्‍योक यिन। चुका मी तीकी मी यम्‍बाला ङ्‍यिङ्‍ज्‍ये किवे, ती मी ति कोन्‍छ्‍योककी मुला वे सिरुप हाक्‍कोकिवी। तमा कोन्‍छ्‍योक साङ तीकी मुला ज्‍युकिवी।

१ यूहन्‍ना 4:6

दाक्‍पु ति कोन्‍छ्‍योककी पुज्‍युङपुमतिवा यिन। सी कोन्‍छ्‍योकला ङो शेवे, तिवी दाक्‍पी ताम्‍ङे साङ ङ्‍येन्‍गिवी। सु कोन्‍छ्‍योककी ति मिन वे, तीकी दाक्‍पी ताम्‍ङे साङ मेङ्‍येन्‍वी। ती नेसुर राङ दाक्‍पी थु टेङ्‍बु ताङ थु मेटेङ्‍बु ङो शेकिवी।

१ यूहन्‍ना 5:19

दाक्‍पु ति कोन्‍छ्‍योककी पुज्‍युङपुमतिवा यिन सिनी दाक्‍पुला छ्‍या वे। यिने दी जम्‍बुलिङ ति तेरी दुक्‍टाकी ओङला शोर्नी वे।

१ यूहन्‍ना 5:4

च्‍यिलासिसिन कोन्‍छ्‍योककी पुज्‍युङपुमतिवा तेरीकी जम्‍बुलिङकी खला ग्‍येल्‍गिवी, जम्‍बुलिङकी खला ग्‍येलुप ति दाक्‍पी कोन्‍छ्‍योकला तेपा क्‍यानी यिन।

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।