१ यूहन्‍ना 4:3 - कोन्छ्‌योककी सुङ

³ यिने चुका तीकी येशू ख्रीष्‍ट दी जम्‍बुलिङला मी जुजमला फेवु यिन सिनी मिसिर वे, ती ति कोन्‍छ्‍योक नेमा वावु मिन, येशूकी तेन्‍दोकला लङ्‍गुप थु मेटेङ्‍बु यिन। तीकी कोर्ला तोङ्‍ला के जम्‍बुलिङला गिवी सिनी ख्‍यिरा हाक्‍को वे। ती ति जम्‍बुलिङला वान सिन वे।

१ यूहन्‍ना 4:3 Iomraidhean Croise

मत्ती 24:5

च्‍यिलासिसिन मी बङीकी ङे मिङ लानी ‘ङ ख्रीष्‍ट यिन।’ सिनी मी बङीला लुकितो।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 2:22

चुका मी तीकी येशूला दिक्‍पा ने थर ज्‍यितुप ख्रीष्‍ट यिन सिनी सेमला मिलिङ वे, ती ति जिनोक जोप मी यिन। तमा चुका मी तीकी पपा कोन्‍छ्‍योक ताङ खोकी सेवुला सेमला मिलिङ वे, ती ति येशू ख्रीष्‍टकी तेन्‍दोकला लङ्‍गुप मी यिन।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।