१ यूहन्‍ना 4:17 - कोन्छ्‌योककी सुङ

¹⁷ ती नेसुर दाक्‍पी मिजीला खोकी ङ्‍यिङ्‍ज्‍ये तेरी छेसुङ, तुक क्‍यानी खो येलुङ फेप्‍नी ठिम कितुप तुजेला दाक्‍पु काङ साङ ज्‍यिवा कि मोगोवी। च्‍यिलासिसिन येशू ख्रीष्‍ट दोके क्‍यानी दाक्‍पी साङ मिजी क्‍योङ्‍गिवी।

१ यूहन्‍ना 4:17 Iomraidhean Croise

मत्ती 10:15

ङ ख्‍यिराङला टेङ्‍बो सिरिन, कोन्‍छ्‍योककी ठिम तोङ्‍गुप तिङ्‍मी तुजेला ती ग्‍येसाला सदोम ताङ गमोरा ग्‍येसाला ख्‍येलुप सिनाङ मङ कोन्‍छ्‍योक नेमा पर्च्या ख्‍येल्‍गितो।”

मत्ती 10:25

लोमा खोरो गेकेन दोके ताङ लावा खोरो ज्‍यिन्‍दाक दोके च्‍युङ्‍सिन टेके गिवी। तिवी खाङ्‍बी ज्‍यिन्‍दाकला बालजिबुल सिनी सिसिन ती खाङ्‍बी मीतिवाला याङ मङ चुका मेलोक्‍पा मिसिर्वी रो?”

मत्ती 11:22

यिने ङ ख्‍यिराङला सिरिन, कोन्‍छ्‍योककी ठिम तोङ्‍गुप तिङ्‍मी तुजेला टुरोस ताङ सीदोन ग्‍येसाकी मीतिवा ख्‍यिराङ सिनाङ मङ हम क्‍यानी दे थुप्‍किवी।

मत्ती 11:24

यिने ङ ख्‍यिराङला सिरिन, ठिम कितुप तिङ्‍मी तुजेला सदोम ग्‍येसाकी मीतिवाला सिनाङ ख्‍यिराङला मङ कोन्‍छ्‍योक नेमा पर्च्या ख्‍येल्‍गितो।”

मत्ती 12:36

ङ ख्‍यिराङला सिरिन, मीतिवी काङ ताम्‍ङे तेर्मे क्‍यावे, ती ताम्‍ङे तेर्मेकी तेन्‍दोक ति कोन्‍छ्‍योककी ठिम तोङ्‍गुप तुजेला खोकी दोङ्‍ला खोरो राङ लप गोकिवी।

यूहन्‍ना 15:20

‘चुका लावा साङ तीकी ज्‍यिन्‍दाक सिनाङ छ्‍ये मेवी।’ सिनी गोमाला ङे ख्‍यिराङला सिक्‍यावु ति ख्‍यिरा टेन्‍सो की। तिवी ङला छेटाङ बिन्‍सुङ सिसिन ख्‍यिराङला साङ छेटाङ तेर्किवी, यिने तिवी ङे सुङला ङ्‍येन्‍सुङ सिसिन ख्‍यिरा सिक्‍यावु ताम्‍ङेला साङ ङ्‍येन्‍गिवी।

यूहन्‍ना 17:22

पपी ङला नङ्‍गुप मोवा ति ङे तिवाला थोप च्‍यितिन। ती ति पपा ताङ ङ च्‍यिक राङ यिन्‍दुप दोके तिवा साङ च्‍यिक राङ च्‍युङ ज्‍यितुपला यिन।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

हिब्रू 9:27

मी ति थेङ्‍मा च्‍यिक वुतुङ के शिवी, शिसिमा तीला कोन्‍छ्‍योककी ठिम फोकिवी।

याकूब 2:13

च्‍यिलासिसिन कोन्‍छ्‍योककी ठिम क्‍या नङ्‍गुप पेला मीला च्‍यम्‍बा मिकिवु तीला खोकी साङ च्‍यम्‍बा माक्‍यानी ठिम क्‍या नङ्‍गिवी, यिने च्‍यम्‍बा क्‍यावु मी ति खोकी ठिम कितुप पेला ग्‍येल्‍गिवी।

याकूब 2:22

ख्‍युरुङला छ्‍या वे, अब्राहामकी तेपा तिराङ क्‍यानी मिन, यिने तेपा क्‍यावु दोके लाका साङ क्‍यावु तप्‍की तीकी तेपा क्‍यावु ति टेङ्‍बु च्‍युङ्‍सुङ।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

१ यूहन्‍ना 2:28

ङे आङातिवा, ख्रीष्‍ट येलुङ फेपुप तुजेला ख्‍यिराङ ङाडेङ क्‍यानी खोकी चिप्‍ला ङोछाला मेख्‍येल्‍शी सिनी तेपा रम्‍बु क्‍यानी देता।

१ यूहन्‍ना 2:5

यिने चुका मी ति कोन्‍छ्‍योककी सुङला युकिवे, तीकी कोन्‍छ्‍योकला सेम ने ङ्‍यिङ्‍ज्‍ये क्‍यावु ति वुतुङ के तेरी छेकिवी। तुक क्‍यासिन दाक्‍पी मिजीला कोन्‍छ्‍योक वे सिरुप ति हाक्‍कोकिवी।

१ यूहन्‍ना 2:6

ङे मिजी ति कोन्‍छ्‍योक ताङ मुला तम्‍जी ल्‍यामु वे सिरुप मी तीकी येशूकी दोके मिजी क्‍योङ गोकिवी।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।

१ यूहन्‍ना 3:7

ङे ङ्‍यिङ्‍ज्‍येवु आङातिवा, ख्‍यिराङला सी साङ जिनोक मोजोशी। सी लाका टेङ्‍बु किवे, ती ति ख्रीष्‍ट टेङ्‍बु वोतुप दोके टेङ्‍बु यिन।

१ यूहन्‍ना 4:12

कोन्‍छ्‍योकला सी साङ नाम्‍साङ माथोङ वे। यिन्‍सिनाङ दाक्‍पी च्‍यिककी च्‍यिकला ङ्‍यिङ्‍ज्‍ये क्‍यासुङ सिसिन, खो दाक्‍पी मुला ज्‍युकिवी, तमा खोकी ङ्‍यिङ्‍ज्‍ये ति दाक्‍पी मिजीला छेकिवी।