१ यूहन्‍ना 4:16 - कोन्छ्‌योककी सुङ

¹⁶ कोन्‍छ्‍योककी दाक्‍पुला ङ्‍यिङ्‍ज्‍ये क्‍या नङ्‍गुप ति हाक्‍कोवु तप्‍की दाक्‍पी खोकी क्‍या नङ्‍गुप ङ्‍यिङ्‍ज्‍येला तेपा क्‍यावु यिन। खो ति ङ्‍यिङ्‍ज्‍ये कितुप कोन्‍छ्‍योक यिन। चुका मी तीकी मी यम्‍बाला ङ्‍यिङ्‍ज्‍ये किवे, ती मी ति कोन्‍छ्‍योककी मुला वे सिरुप हाक्‍कोकिवी। तमा कोन्‍छ्‍योक साङ तीकी मुला ज्‍युकिवी।

१ यूहन्‍ना 4:16 Iomraidhean Croise

यूहन्‍ना 6:69

चोवो याङ कोन्‍छ्‍योककी चाङ्‍मा वोतुप मी यिन सिनी ङ्‍यिरा तेपा क्‍यानी हाक्‍को वे।” सिनी सिक्‍यासुङ।

यूहन्‍ना 9:3

तमा येशूकी तिवाला सुङ्‍सुङ, “दीकी दिक्‍पा क्‍यावु साङ मिन, दीकी पपाआमी दिक्‍पा क्‍यावु साङ मिन। यिने दीकी मिजी नेमा कोन्‍छ्‍योककी हलेवु लाका ति मीतिवी थोङ्‍शी सिनी तुकै च्‍युङ्‍गुप यिन।

१ कोरिन्‍थी 2:9

ती तप्‍की कोन्‍छ्‍योककी सुङला साङ दुक सिनी टि वे, “मीतिवी मिककी माथोङ्‍गुप ताङ नम्‍ज्‍योक माथोवु ताङ नासाम मातङ्‍गुप तेरी ताम्‍ङेतिवा कोन्‍छ्‍योकला ङ्‍यिङ्‍ज्‍ये कितुपतिवी थोक्‍ला खोकी टडिक क्‍यानी वे।”

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।

१ यूहन्‍ना 3:24

येशू ख्रीष्‍टकी कला ङ्‍येन्‍दुपतिवा तेरी खोकी मुला तम्‍जी ल्‍यामु गिवी, तमा खो साङ तिवी मुला तम्‍जी ल्‍यामु गिवी। खो दाक्‍पी मुला तम्‍जी ल्‍यामु वे सिरुप ति खोकी दाक्‍पुला नङ्‍गुप थु चाङ्‍मा नेसुर हाक्‍कोकिवी।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।