१ यूहन्‍ना 4:11 - कोन्छ्‌योककी सुङ

¹¹ ङे ङ्‍यिङ्‍ज्‍येवुतिवा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ्‍गुप तप्‍की दाक्‍पी साङ च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:11 Iomraidhean Croise

लूका 10:37

तीकी सिक्‍यासुङ, “तीला ङ्‍यिङ्‍ज्‍ये क्‍यावु मी ति यिन।” तमा येशूकी तीला सुङ्‍सुङ, “गल्‍नी ख्‍युरुङ साङ तुकै राङ की।”

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

एफिसी 4:31

तेरी सेम मेलोक्‍पा वोतुप ताङ शेताङ कितुप ताङ ङ्‍यिर्मु कितुप ताङ हराङ हुरुङ कितुप ताङ मारे तोङ्‍गुप तेरी परकी दुक्‍टातिवा मुला राङ क्‍युर।

कलस्सी 3:13

मी ललाइकी ख्‍यिरा तेन्‍दोकला लानी काङ रे च्‍यिक रे ताम्‍ङे क्‍यासिन ख्‍यिराङ च्‍यिककी च्‍यिकला हम क्‍यानी तीला माफ बिन। चोवोकी ख्‍यिराङला माफ नङ्‍गुप दोके ख्‍यिरा साङ माफ तेर गोकिवी।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

१ यूहन्‍ना 3:11

ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।

२ यूहन्‍ना 1:5

ओ पुमो, त याङ ख्‍युरुङला ङे क सम्‍बा टिवु मिन, तोङ नेज्‍यु वोतुप क ङ्‍यिङ्‍बा राङ टिवु यिनो। दाक्‍पु च्‍यिककी च्‍यिकला ङ्‍यिङ्‍ज्‍ये कितुप सिनी ङ ख्‍युरुङला गोङ्‍बा शोयिनो।