१ यूहन्‍ना 4:1 - कोन्छ्‌योककी सुङ

¹ ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

१ यूहन्‍ना 4:1 Iomraidhean Croise

मर्कूस 13:21

ती पेला सी ख्‍यिराङला ‘ल्हो ताङ, ख्रीष्‍ट याङ दे वे।’ याङ्‍ना ‘ल्हो ताङ, खो याङ ते वे।’ सिक्‍यासिनाङ ती ताम्‍ङेला तेपा माकी।

लूका 12:57

“ख्‍यिराङ च्‍यिला चुका ति टेङ्‍बु यिन सिनी ख्‍यिरा राङ तेन्‍तेन कि मुथुपी?

लूका 21:8

येशूकी तिवाला सुङ्‍सुङ, “च्‍याङ्‍से देता, मीतिवी ख्‍यिराङला मुलुशी। मी बङीकी ङे मिङला वानी, ‘ङ ख्रीष्‍ट यिन।’, ‘तुजे चाला राङ लेम वे।’ सिनी सिवितो। यिने ख्‍यिराङ तिवी तिङ्‍ला तिङ माङ्‍योक।

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

लोमा छ्‍येतिवी लाका 20:29

ङ गल्‍सिमा ख्‍यिरा पर्ला ज्‍यिवा लोङ्‍गुप खटमुतिवा दोके येन्‍देन मेटेङ्‍बु लोपुपतिवा वानी ख्‍यिरा मीतिवाला ना तोङ्‍गिवी सिरुप ति ङला छ्‍या वे।

१ कोरिन्‍थी 12:10

तमा ललाइला ति हलेवु लाका छ्‍या देन्‍दुप ताङ ललाइला ति नम्‍दर शेतुप ताङ ललाइला ति मीतिवी लापुप सुङ ति खोकी थु चाङ्‍मा नेमा यिन्‍दुप मिन्‍दुप हाक्‍को ज्‍यितुप कटिनकी ङ्‍येम्‍बा नङ्‍नी वे। तमा ललाइला ति ग्‍येताम कुतुक कुतुक लपुप ताङ ललाइला ति ती ग्‍येताम ति छिक ग्‍युरुप कटिनकी ङ्‍येम्‍बा नङ वे।

१ कोरिन्‍थी 14:29

नम्‍दर शेतुप पेला मिरा ङ्‍यी सुम चोयीकी तिराङ नम्‍दर शेतुप ताम्‍ङे लप्‍शी। तमा ङ्‍येन्‍दुप मीतिवा तिवी सिक्‍यावु ताम्‍ङे ति टेके यिनोक मिनोक सिनी ल्‍यामु क्‍यानी ल्‍हाशी।

१ थेसलोनिकी 5:20

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङेला मारे मातोङ।

१ थेसलोनिकी 5:21

तेरी ताम्‍ङेतिवा ल्‍यामु वोतुप मेतुप ल्‍होसा। तमा चुका ताम्‍ङे ति ल्‍यामु नोके, तीला राङ युसा।

२ थेसलोनिकी 2:2

ललाइ लुङ्‍तेम्‍बा याङ्‍ना ताम्‍ङे याङ्‍ना ललाइ यिकी नेसुर चोवो फेपुप तुजे वा वे सिक्‍यासिन ख्‍यिराङ पप साङ माकी, यर्मिन मर्मिन साङ माडो।

१ तिमोथी 4:1

कोन्‍छ्‍योककी थु चाङ्‍माकी टेङ्‍बु सुङ्‍गिवी। तिङ्‍मी तुजेला जिनोक जोप र्‍हेन्‍डी ताङ डेकी ताम्‍ङेला ङ्‍येन्‍नी मी ललाइकी तेपा कितुप क्‍युर्नी ज्‍योकिवी।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।

ज्‍यल्‍का 2:2

ख्‍योरो क्‍यावु लाकातिवा ताङ ख्‍योरो हुर्ताक क्‍यावु ताङ हम क्‍या देतुप ति ङला छ्‍या वे। मी दुक्‍टातिवी थोक्‍ला ख्‍युरुङ हम क्‍या दे मुथुपी। तमा ङ येशूकी लोमा छ्‍ये यिन सिरुप मीतिवाला ख्‍योरो ल्‍यामु मेलोवा ल्हानी तिवा ति लोमा छ्‍ये मिन, यिने जिनोक जोप मी यिन सिनी तेन्‍तेन क्‍यावु साङ ङला तेरी छ्‍या वे।