१ यूहन्‍ना 3:9 - कोन्छ्‌योककी सुङ

⁹ कोन्‍छ्‍योककी पुज्‍युङ पुमतिवा सी साङ दिक्‍पा मिकिवी। च्‍यिलासिसिन खोकी सुङ ति तिवी मुला गिवी। तिवा खोकी पुज्‍युङ पुमतिवा यिन्‍दुप तप्‍की दिक्‍पा क्‍या क्‍यावा मेदेवी।

१ यूहन्‍ना 3:9 Iomraidhean Croise

मत्ती 7:18

दोङ्‍बु ल्‍यामुला डेलु मेलोवा गोर मुथुपी, तमा दोङ्‍बु मेलोवाला डेलु ल्‍यामु गोर मुथुपी।

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 3:3

तमा येशूकी तीला “वुतुङ के ङ ख्‍युरुङला सिरिन, मीतिवा लोङ माक्‍येसुङ सिसिन सु साङ कोन्‍छ्‍योककी ग्‍येल्‍खाप थोङ मुथुपी।” सिनी सुङ्‍सुङ।

लोमा छ्‍येतिवी लाका 4:20

च्‍यिलासिसिन ङ्‍यिरा थोङ्‍गुप ताङ थोवु ताम्‍ङेतिवा सि माक्‍यावा क्‍यानी ङ्‍यिराङ दे मुथुपी।”

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

गलाती 5:17

च्‍यिलासिसिन दाक्‍पी जुकी दुक्‍टा वोतुप नासाम ति कोन्‍छ्‍योककी थु चाङ्‍माकी मुला मिडिकिवी। तुक राङ क्‍यानी थु चाङ्‍माकी नासाम साङ जुकी दुक्‍टा वोतुप नासाम ताङ मुला मिडिकिवी। तिवा ङ्‍यिवु ति ड दोके यिन। तुक क्‍यानी ख्‍यिरा काङ लाका कितुप नो क्‍या वे, ती ति कि मुथुपी।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ यूहन्‍ना 2:29

खो टेङ्‍बु वोतुप ति ख्‍यिराङला छ्‍या वोतुप तप्‍की कोन्‍छ्‍योककी थोङ्‍दाङला टेङ्‍बु वोतुप लाका कितुपतिवा तेरी खोकी गिपा यिन सिनी ख्‍यिरा हाक्‍कोकिवी।

१ यूहन्‍ना 3:6

तुक क्‍यानी खो ताङ मुला तम्‍जी ल्‍यामु वोतुपतिवी दिक्‍पा मिकिवी। दिक्‍पा क्‍या क्‍यावा देतुप मीतिवा सी साङ खोला माथोङ वे, ङो साङ माशे वे।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

१ यूहन्‍ना 5:18

कोन्‍छ्‍योककी पुज्‍युङपुमतिवा सी साङ दिक्‍पा क्‍या क्‍यावा मेदेवी। तिवाला खोकी सेवुकी राङ नरी र्‍होकिवी। तमा दुक्‍टाकी साङ तिवाला ना तोङ मुथुपी।

१ यूहन्‍ना 5:4

च्‍यिलासिसिन कोन्‍छ्‍योककी पुज्‍युङपुमतिवा तेरीकी जम्‍बुलिङकी खला ग्‍येल्‍गिवी, जम्‍बुलिङकी खला ग्‍येलुप ति दाक्‍पी कोन्‍छ्‍योकला तेपा क्‍यानी यिन।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।