१ यूहन्‍ना 3:24 - कोन्छ्‌योककी सुङ

²⁴ येशू ख्रीष्‍टकी कला ङ्‍येन्‍दुपतिवा तेरी खोकी मुला तम्‍जी ल्‍यामु गिवी, तमा खो साङ तिवी मुला तम्‍जी ल्‍यामु गिवी। खो दाक्‍पी मुला तम्‍जी ल्‍यामु वे सिरुप ति खोकी दाक्‍पुला नङ्‍गुप थु चाङ्‍मा नेसुर हाक्‍कोकिवी।

१ यूहन्‍ना 3:24 Iomraidhean Croise

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

यूहन्‍ना 17:21

ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

१ कोरिन्‍थी 3:16

ख्‍यिराङला छ्‍या वे? ख्‍यिराङ ति कोन्‍छ्‍योककी ल्‍हङाङ यिन। तमा खोकी थु चाङ्‍मा ति ख्‍यिरा मुला ज्‍युकिवी।

१ कोरिन्‍थी 6:19

ख्‍यिरा जु ति कोन्‍छ्‍योककी थु चाङ्‍मा ज्‍युवु दासा यिन सिरुप ति ख्‍यिराङला छ्‍या मे? ती थु चाङ्‍मा ति कोन्‍छ्‍योककी ख्‍यिराङला नङ्‍गुप यिन। तमा ख्‍योरो मिजी ति ख्‍योरो ति मिन।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

१ थेसलोनिकी 4:8

तुक क्‍यानी सी दी ताम्‍ङेतिवा मेङ्‍येन्‍वे, तीकी मीला माङ्‍येन्‍दुप मिन, ख्‍यिराङला थु चाङ्‍मा नङ्‍गुप कोन्‍छ्‍योकला माङ्‍येन्‍दुप यिन।

२ तिमोथी 1:14

तमा ख्‍युरुङला चेक तेतुप सुङ टेङ्‍बु ति दाक्‍पी मुला ज्‍यु वोतुप कोन्‍छ्‍योककी थु चाङ्‍माकी ओङला र्‍होक्‍नी ज्‍योक।

१ यूहन्‍ना 2:24

चुका ताम्‍ङे ति ख्‍यिरा थल्‍मा नेज्‍यु थोवे, ती ताम्‍ङे ति नरी ख्‍यिरा सेमला ज्‍योक। दोजो थल्‍मा नेज्‍यु हाक्‍कोवु ताम्‍ङे ति ख्‍यिरा सेमला ज्‍याक्‍सुङ सिसिन, पपा कोन्‍छ्‍योक ताङ खोकी सेवु येशू ख्रीष्‍टकी मुला ख्‍यिरा तम्‍जी ल्‍यामु लुकिवी।

१ यूहन्‍ना 2:3

दाक्‍पु कोन्‍छ्‍योककी क नङ्‍गुप सुङला युसुङ सिसिन दाक्‍पी खोला ङो शेवु यिन सिनी हाक्‍कोकिवी।

१ यूहन्‍ना 2:5

यिने चुका मी ति कोन्‍छ्‍योककी सुङला युकिवे, तीकी कोन्‍छ्‍योकला सेम ने ङ्‍यिङ्‍ज्‍ये क्‍यावु ति वुतुङ के तेरी छेकिवी। तुक क्‍यासिन दाक्‍पी मिजीला कोन्‍छ्‍योक वे सिरुप ति हाक्‍कोकिवी।

१ यूहन्‍ना 2:6

ङे मिजी ति कोन्‍छ्‍योक ताङ मुला तम्‍जी ल्‍यामु वे सिरुप मी तीकी येशूकी दोके मिजी क्‍योङ गोकिवी।

१ यूहन्‍ना 3:22

तमा दाक्‍पी काङ लङ्‍सिनाङ खोकी दाक्‍पुला नङ्‍गिवी। च्‍यिलासिसिन ती ति दाक्‍पु खोकी कला ङ्‍येन्‍नी खोला गा लङ्‍गुप लाका क्‍यावु तप्‍की यिन।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।