१ यूहन्‍ना 3:22 - कोन्छ्‌योककी सुङ

²² तमा दाक्‍पी काङ लङ्‍सिनाङ खोकी दाक्‍पुला नङ्‍गिवी। च्‍यिलासिसिन ती ति दाक्‍पु खोकी कला ङ्‍येन्‍नी खोला गा लङ्‍गुप लाका क्‍यावु तप्‍की यिन।

१ यूहन्‍ना 3:22 Iomraidhean Croise

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

मत्ती 21:22

ख्‍यिरा तेपा क्‍यासिन मोपोर कितुप पेला काङ लङ्‍सिनाङ ख्‍यिराङला थोप्‍किवी।”

मर्कूस 11:24

तुक क्‍यानी ङ ख्‍यिराङला सिरिन, ख्‍यिरा मोपोर क्‍यानी काङ लङ्‍सिनाङ ती ति ख्‍यिराङला ङ्‍येन वे सिनी तेपा की, तुक क्‍यासिन ती ति ख्‍यिराङला थोप्‍किवी।

यूहन्‍ना 14:13

ख्‍यिरा ङे मिङला काङ लाङ्‍सिनाङ ङ ख्‍यिराङला ती तेरी च्‍युङ ज्‍यितिन। ती ति पुज्‍युङ नेमा पपाला मोवा च्‍युङ्‍शी सिनी यिन।

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

यूहन्‍ना 15:7

दोजो ख्‍यिराङ ङे मुला देतुप ताङ ङे सुङ ख्‍यिरा सेमला लुसुङ सिसिन ख्‍यिरा काङ लाङ्‍सिनाङ तुकै राङ च्‍युङ्‍गितो।

यूहन्‍ना 6:29

तमा खोकी तिवाला “कोन्‍छ्‍योककी तङ्‍गुप तीला तेपा कितुप ति कोन्‍छ्‍योककी लाका यिन।” सिनी सुङ्‍सुङ।

यूहन्‍ना 8:29

ङला तोङ्‍गुप ति ङे मुला ज्‍यु वे। खोकी ङला च्‍यिक राङ क्‍युन माज्‍याक वे, च्‍यिलासिसिन ङ नरी खोला गा लङ्‍गुप लाका कितिन।”

यूहन्‍ना 9:31

कोन्‍छ्‍योककी दिक्‍छेनतिवी ताम्‍ङे ति मेसेन्‍दी, यिने खोला ज्‍यिवा क्‍यानी सोवा देकुप ताङ खोकी नोवाला युकुपतिवी ताम्‍ङे सेन्‍गिवी सिरुप ति ङ्‍यिराङला छ्‍या वे।

लोमा छ्‍येतिवी लाका 17:30

गोमाला मीतिवी हाक्‍माकोनी क्‍यावु तेरी लाकातिवाला कोन्‍छ्‍योककी ङ्‍याम माक्‍या, यिने तफेन्‍ला दासा तेरीकी मीतिवी सेम ग्‍युर गोकिवी सिनी क नङ वे।

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

फिलिप्पी 4:18

ख्‍यिरा इपाफ्रोडिटसला कल्‍नी तङ्‍गुप बुल्‍वा ति ङे लकला ख्‍येल्‍सुङ। ती बुल्‍वातिवा ङे थोप गोवु सिनाङ मङ यिन। ती ति टी जङ्‍बु खाप पो दोके ताङ कोन्‍छ्‍योकला गा लङ्‍गुप ताङ खोकी सेमला डोप जिन्‍बा दोके यिन।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

याकूब 1:5

दोजो ख्‍यिरा पर्ला ललाइला रिक्‍पा अला मेसुङ सिसिन ङ्‍यिर्मु माक्‍यानी सेम बोल्‍मु क्‍यानी नङ्‍गुप कोन्‍छ्‍योकला लोङ्‍शी, तमा खोकी तीला नङ्‍गितो।

याकूब 4:3

ख्‍यिरा कोन्‍छ्‍योकला लोङ्‍गुप याङ लोङ्‍गिवी, यिने मेङ्‍येवी। च्‍यिलासिसिन ख्‍यिराङ खोरुङला तिराङ गा ताङ किर्मु जोप नासाम मेलोवा ताङ्‍नी लोङ्‍गिवी।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।

१ यूहन्‍ना 2:3

दाक्‍पु कोन्‍छ्‍योककी क नङ्‍गुप सुङला युसुङ सिसिन दाक्‍पी खोला ङो शेवु यिन सिनी हाक्‍कोकिवी।

१ यूहन्‍ना 5:14

दाक्‍पी कोन्‍छ्‍योकला रेवा क्‍यावु ति काङ यिन सिसिन, खोकी नोवाला काङ लङ्‍सिनाङ खोकी दाक्‍पुला नङ्‍गिवी सिरुप ति दाक्‍पुला तेन्‍तेन वे।