१ यूहन्‍ना 3:21 - कोन्छ्‌योककी सुङ

²¹ तुक क्‍यानी ङे ङ्‍यिङ्‍ज्‍येवुतिवा, दाक्‍पी सेमगी दाक्‍पुला क्‍येन माबिन्‍सिन, दाक्‍पु कोन्‍छ्‍योककी चिप्‍ला ङाडेङ क्‍यानी डो थुप्‍किवी।

१ यूहन्‍ना 3:21 Iomraidhean Croise

रोमी 14:22

ख्‍योरो सेमला काङ तेपा क्‍यासिनाङ ती ति कोन्‍छ्‍योक ताङ ख्‍योरो पर्ला तिराङ ज्‍योक। खोरो सेमला शरुप दोके क्‍यानी रङला राङ क्‍येन मेतेरुप मी तीला मोलाम थोप्‍किवी।

१ कोरिन्‍थी 4:4

ङ टेङ्‍बु वे सिरुप ति ङला छ्‍या वे, यिन्‍सिनाङ कोन्‍छ्‍योककी थोङ्‍दाङला ति ङ टेङ्‍बु मे। ङला ठिम क्‍या नङ्‍गुप याङ कोन्‍छ्‍योक राङ यिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

एफिसी 3:12

दाक्‍पी खोला तेपा क्‍यावु तप्‍की दाक्‍पु तेन्‍तेन ताङ ङाडेङ क्‍यानी खोकी चिप्‍ला डोप ङ्‍येकिवी।

१ तिमोथी 2:8

ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

हिब्रू 4:16

तुक क्‍यानी दाक्‍पु ज्‍यिवा माक्‍यानी कटिन वोतुप कोन्‍छ्‍योककी ग्‍येल्‍ठिककी चिप्‍ला डोप। तमा कतुकार ख्‍येलुप पेला दाक्‍पुला कटिन ताङ च्‍यम्‍बा थोप्‍किवी।

१ यूहन्‍ना 2:28

ङे आङातिवा, ख्रीष्‍ट येलुङ फेपुप तुजेला ख्‍यिराङ ङाडेङ क्‍यानी खोकी चिप्‍ला ङोछाला मेख्‍येल्‍शी सिनी तेपा रम्‍बु क्‍यानी देता।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

१ यूहन्‍ना 3:20

यिने दाक्‍पी सेमगी राङ दाक्‍पुला क्‍येन बिन्‍सिनाङ, कोन्‍छ्‍योक ति दाक्‍पी सेम सिनाङ च्‍यम्‍बा वोतुप ताङ चोछ्‍ये वे। तमा तेरी ताम्‍ङे ति खोला छ्‍या वे।

१ यूहन्‍ना 4:17

ती नेसुर दाक्‍पी मिजीला खोकी ङ्‍यिङ्‍ज्‍ये तेरी छेसुङ, तुक क्‍यानी खो येलुङ फेप्‍नी ठिम कितुप तुजेला दाक्‍पु काङ साङ ज्‍यिवा कि मोगोवी। च्‍यिलासिसिन येशू ख्रीष्‍ट दोके क्‍यानी दाक्‍पी साङ मिजी क्‍योङ्‍गिवी।

१ यूहन्‍ना 5:14

दाक्‍पी कोन्‍छ्‍योकला रेवा क्‍यावु ति काङ यिन सिसिन, खोकी नोवाला काङ लङ्‍सिनाङ खोकी दाक्‍पुला नङ्‍गिवी सिरुप ति दाक्‍पुला तेन्‍तेन वे।