१ यूहन्‍ना 3:2 - कोन्छ्‌योककी सुङ

² ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

१ यूहन्‍ना 3:2 Iomraidhean Croise

मत्ती 5:8

मोलाम थोपुप यिनो, सेम टेङ्‍बु वोतुपतिवा, च्‍यिलासिसिन तिवी कोन्‍छ्‍योकला थोङ्‍गितो।

लूका 17:30

ङ मी पुज्‍युङ वुङ्‍गुप पेला साङ तुकै राङ डितो।

लूका 20:36

यिने तिवा देवाच्‍येनकी लेन क्‍योलुप थुतिवा दोके च्‍युङ्‍नी येलुङ नाम्‍साङ मिसिवी। तिवा शेप ने सेन्‍बु लावु तप्‍की कोन्‍छ्‍योककी पेजातिवा यिन।

यूहन्‍ना 1:12

यिने सु सुकी खोला खोरो सेमला लानी खोला तेपा क्‍यावे, खोकी तिवाला कोन्‍छ्‍योककी पुज्‍युङपुम च्‍युङ्‍गुप ओङ्‍ज्‍येन नाङ्‍सुङ।

यूहन्‍ना 11:52

ती ताम्‍ङे ति यहूदीतिवी थोक्‍ला तिराङ मिन, यिने जम्‍बुलिङला थरा थुरा टम्‍नी देतुप कोन्‍छ्‍योकला तेपा कितुप तेरी मीतिवाला जोम्‍नी च्‍यिक राङ जोपला येशू शिवी सिनी सिक्‍यावु यिन।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

रोमी 8:16

तमा कोन्‍छ्‍योककी थु चाङ्‍माकी दाक्‍पी सेम ताङ मुला राङ दाक्‍पु ति कोन्‍छ्‍योककी पेजातिवा यिन सिरुप ति पङ्‍बु नङ्‍गिवी।

रोमी 8:18

तसाम पेला दी मिजीला दाक्‍पुला वुङ्‍गुप दुक्‍पा ताङ ज्‍युक्‍ला दाक्‍पुला ङ्‍येतुप कोन्‍छ्‍योककी मोवा ति डिक्‍नी ल्‍हासिन ती दुक्‍पा ति काङ साङ मिन सिनी नासाम शर्किवी।

रोमी 8:19

कोन्‍छ्‍योककी ज्‍ये नङ्‍गुपतिवा तेरीकी खोकी पेजातिवा वुङ्‍गुप ति ल्‍हापला छासे रेवा क्‍यानी गुनी देन वे।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

१ कोरिन्‍थी 13:12

तन्‍दा ति दाक्‍पी कोन्‍छ्‍योकला छल्‍नी ल्‍हासिनाङ ल्‍यामो क्‍यानी मोथोङ्‍गिवी, यिने ज्‍युक्‍ला ति दाक्‍पी कोन्‍छ्‍योकला ठछ्‍येली थोङ थुप्‍किवी। तन्‍दा ङे चेयी तिराङ हाक्‍कोकिवी, यिने तुजे छेसिमा कोन्‍छ्‍योककी ङे थोक्‍ला तेरी ताम्‍ङे ठछ्‍येली हाक्‍कोवु दोके ङे साङ तेरी ल्‍यामो क्‍यानी हाक्‍कोकिवी।

१ कोरिन्‍थी 15:49

तुक क्‍यानी दाक्‍पु ति थला नेसुर जोवु मी आदमकी जुजमला वे। ज्‍युक्‍ला ति दाक्‍पु देवाच्‍येनकी मी यिन्‍दुप येशू ख्रीष्‍टकी जुजमला मिजी सम्‍बा च्‍युङ्‍गिवी।

१ कोरिन्‍थी 2:9

ती तप्‍की कोन्‍छ्‍योककी सुङला साङ दुक सिनी टि वे, “मीतिवी मिककी माथोङ्‍गुप ताङ नम्‍ज्‍योक माथोवु ताङ नासाम मातङ्‍गुप तेरी ताम्‍ङेतिवा कोन्‍छ्‍योकला ङ्‍यिङ्‍ज्‍ये कितुपतिवी थोक्‍ला खोकी टडिक क्‍यानी वे।”

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

फिलिप्पी 3:21

खोकी ङारकी राङ जम्‍बुलिङला वोतुप तेरी च्‍यालकतिवा खोकी ओङला ज्‍योक थुप्‍किवी। तमा खोकी ओङ नेमा राङ दाक्‍पी रुलुप जु ति खोकी मोवाला वोतुप जु दोके सम्‍बा फो ज्‍यिकिवी।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

१ यूहन्‍ना 2:28

ङे आङातिवा, ख्रीष्‍ट येलुङ फेपुप तुजेला ख्‍यिराङ ङाडेङ क्‍यानी खोकी चिप्‍ला ङोछाला मेख्‍येल्‍शी सिनी तेपा रम्‍बु क्‍यानी देता।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

१ यूहन्‍ना 3:10

ती नेसुर राङ कोन्‍छ्‍योककी गिपा सु यिन, डेकी गिपा सु यिन सिरुप ति हाक्‍कोकिवी। लाका टेङ्‍बु मिकिवुतिवा ताङ खोरो अच्‍युनुपला ङ्‍यिङ्‍ज्‍ये मिकिवुतिवा ति कोन्‍छ्‍योककी पुज्‍युङपुम मिन।

१ यूहन्‍ना 3:21

तुक क्‍यानी ङे ङ्‍यिङ्‍ज्‍येवुतिवा, दाक्‍पी सेमगी दाक्‍पुला क्‍येन माबिन्‍सिन, दाक्‍पु कोन्‍छ्‍योककी चिप्‍ला ङाडेङ क्‍यानी डो थुप्‍किवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

ज्‍यल्‍का 2:28

ङ तीला टोपकी कर्मा साङ तेरिनो।

ज्‍यल्‍का 22:4

तिवी कोन्‍छ्‍योककी शाल ति थोङ्‍गिवी। तमा खोकी मिङ ति टली लोला टिवु नोक।