१ यूहन्‍ना 3:15 - कोन्छ्‌योककी सुङ

¹⁵ रङगी अच्‍युनुपतिवाला ङ्‍यिङ्‍ज्‍ये मिकिवु मीतिवा तेरी शेन्‍बा दोके यिन। तीला नाम्‍साङ मिसिवु मिजी मोथोपिवी सिरुप ति ख्‍यिराङला साङ छ्‍या वे।

१ यूहन्‍ना 3:15 Iomraidhean Croise

मत्ती 5:28

यिने ङ ख्‍यिराङला सिरिन। सी पुम्‍पेजाला शम्‍डेन कितुप नोनी ल्‍हेवे, तीकी गोमाला के खोरो सेमला शम्‍डेन क्‍यावु यिन।

मर्कूस 6:19

तमा हेरोदियासकी यूहन्‍नाला ङ्‍यिर्मु लानी तीला सेतुप छल्‍सिनाङ से माथुप।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

लोमा छ्‍येतिवी लाका 23:12

नाम लासिमा यहूदीतिवा जोम्‍नी पावलला माशेता सेक्‍ला छ्‍यु साङ मुथुङ, समा साङ मासा सिनी न क्‍याल्‍सुङ।

लोमा छ्‍येतिवी लाका 23:14

तिवा कोङ्‍यार छ्‍येतिवा ताङ यहूदी छ्‍योखाङकी गोमा कितुप मी छ्‍येतिवी ते गल्‍नी “पावलला माशेता सेक्‍ला छ्‍यु साङ मुथुङ, समा साङ मासा सिनी ङ्‍यिरा तेन्‍तेन क्‍यानी न क्‍यलिन।

याकूब 1:15

तमा मी सेमला नासाम मेलोवा शर्नी तीकी दिक्‍पा किवी, दिक्‍पा मङ टासिमा ती दिक्‍पाकी मीला ङ्‍येलाला क्‍योल्‍गिवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ यूहन्‍ना 2:11

यिने चुका मी तीकी तेपा कितुप यम्‍बा नुप ताङ नुमला ङ्‍यिङ्‍मर किवे, ती मी ति नक्‍तोमीला राङ युकिवी। तमा खुरुङ कनी डोयी वे सिरुप ति तीकी हाक्‍मोकोवी। च्‍यिलासिसिन दिक्‍पाकी तीला मिक मोथोङ्‍गुप जोवु गिवी।

१ यूहन्‍ना 2:9

चुका मी तीकी ङ येशूला तेपा क्‍यानी ठछ्‍येलीला युकुप यिन सिवी, यिने तेपा कितुप यम्‍बा नुप ताङ नुमला ङ्‍यिङ्‍मर किवी सिसिन, ती मी ति तरोङ साङ नक्‍तोमीला राङ वोतुप मी यिन।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”