१ यूहन्‍ना 3:14 - कोन्छ्‌योककी सुङ

¹⁴ दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।

१ यूहन्‍ना 3:14 Iomraidhean Croise

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

लूका 15:24

च्‍यिलासिसिन दी ङे पुज्‍युङ ति शिसुङ, यिने येलुङ सेन्‍बु लासुङ। तोर्सुङ, तमा त याङ ङ्‍येसुङ।’

लूका 15:32

यिने दी ख्‍योरो नुप याङ शिसुङ, यिने येलुङ सेन्‍बु लासुङ। तोर्सुङ, यिने त याङ ङ्‍येसुङ। तुक क्‍यानी दाक्‍पी गा ताङ किर्मु कि राङ गोकिवी।’”

लूका 7:5

च्‍यिलासिसिन ती ति दाक्‍पी मिरिकला ङ्‍यिङ्‍ज्‍ये कितुप मी यिन, दाक्‍पी यहूदी छ्‍योखाङ साङ जो बिन्‍सुङ।”

यूहन्‍ना 13:35

दोजो ख्‍यिराङ च्‍यिककी च्‍यिकला ङ्‍यिङ्‍ज्‍ये क्‍यासिन ती ल्‍हानी ख्‍यिराङ ङे लोमा यिन सिरुप ति मीतिवी हाक्‍कोकिवी।”

यूहन्‍ना 15:12

ङे क ति दी राङ यिन। ङे ख्‍यिराङला ङ्‍यिङ्‍ज्‍ये क्‍यावे दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

यूहन्‍ना 15:17

दी ति ङे क यिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की।”

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

२ कोरिन्थी 5:1

दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

एफिसी 1:15

तुक क्‍यानी ङ मोपोर कितुप पेला नरी ख्‍यिराङला टेन्‍नी कोन्‍छ्‌योकला थुचिछे बुलिन। च्‍यिलासिसिन चोवो येशूला ख्‍यिरा तेपा क्‍यावु ताङ तेरी तेपा कितुप मीतिवाला ख्‍यिरा च्‍यम्‍बा क्‍यावु ति ङे हाक्‍कोसुङ।

एफिसी 2:1

तोङ्‍ला ख्‍यिराङ लाका मेलोक्‍पा ताङ दिक्‍पाला ख्‍येल्‍नी शिन वे।

एफिसी 2:5

दाक्‍पु दिक्‍पाला शोर्नी शिसिनाङ खोकी कटिन नेमा राङ दाक्‍पुला दिक्‍पा ने थर च्‍यिसुङ।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

१ थेसलोनिकी 4:9

त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

१ यूहन्‍ना 2:3

दाक्‍पु कोन्‍छ्‍योककी क नङ्‍गुप सुङला युसुङ सिसिन दाक्‍पी खोला ङो शेवु यिन सिनी हाक्‍कोकिवी।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:12

कोन्‍छ्‍योकला सी साङ नाम्‍साङ माथोङ वे। यिन्‍सिनाङ दाक्‍पी च्‍यिककी च्‍यिकला ङ्‍यिङ्‍ज्‍ये क्‍यासुङ सिसिन, खो दाक्‍पी मुला ज्‍युकिवी, तमा खोकी ङ्‍यिङ्‍ज्‍ये ति दाक्‍पी मिजीला छेकिवी।

१ यूहन्‍ना 5:13

दी यिकी ति ख्‍यिराङ कोन्‍छ्‍योककी सेवु येशूला तेपा कितुपतिवाला नाम्‍साङ मिशिवु मिजी थोप्‍शी सिनी हाक्‍को ज्‍यितुपला ङे टिवु यिनो।

१ यूहन्‍ना 5:2

दाक्‍पु कोन्‍छ्‍योकला ङ्‍यिङ्‍ज्‍ये कितुप ताङ खोकी कला ङ्‍येन्‍गिवी सिसिन ती नेसुर कोन्‍छ्‍योककी गिपाला दाक्‍पी ङ्‍यिङ्‍ज्‍ये किवी सिरुप ति हाक्‍कोकिवी।