१ यूहन्‍ना 3:11 - कोन्छ्‌योककी सुङ

¹¹ ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:11 Iomraidhean Croise

यूहन्‍ना 13:4

तमा खो सोल शेवु दासा ने शेङ्‍नी खोरो फिला कोन्‍दुप नम्‍सा ति पिन ज्‍याक्‍नी खोकी केल्‍दाङला रुमाल यी टिल्‍सुङ।

यूहन्‍ना 15:12

ङे क ति दी राङ यिन। ङे ख्‍यिराङला ङ्‍यिङ्‍ज्‍ये क्‍यावे दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

गलाती 6:2

ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

१ थेसलोनिकी 4:9

त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

१ यूहन्‍ना 1:5

ङ्‍यिरा येशू ख्रीष्‍ट नेमा थोवु लेन ल्‍यामु ति ख्‍यिराङला शेतिनो। ती ति काङ यिन सिसिन कोन्‍छ्‍योक ति ठछ्‍येली वोतुप वोसिर टेङ्‍बु वे। खोकी मुला काङ साङ नक्‍तोमी वोतुप दोके मेटेङ्‍बु मे।

१ यूहन्‍ना 4:11

ङे ङ्‍यिङ्‍ज्‍येवुतिवा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ्‍गुप तप्‍की दाक्‍पी साङ च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।

२ यूहन्‍ना 1:5

ओ पुमो, त याङ ख्‍युरुङला ङे क सम्‍बा टिवु मिन, तोङ नेज्‍यु वोतुप क ङ्‍यिङ्‍बा राङ टिवु यिनो। दाक्‍पु च्‍यिककी च्‍यिकला ङ्‍यिङ्‍ज्‍ये कितुप सिनी ङ ख्‍युरुङला गोङ्‍बा शोयिनो।