१ यूहन्‍ना 2:8 - कोन्छ्‌योककी सुङ

⁸ यिन्‍सिनाङ ङ ख्‍यिराङला क सम्‍बा यी टिकिन। ती टेङ्‍बु वोतुप क ति येशू ख्रीष्‍टला वे, तमा ख्‍यिरा मिजीला साङ वे। च्‍यिलासिसिन नक्‍तोमी ति गानी सिन्‍सुङ, वोसिर टेङ्‍बु ति वो ग्‍यकिन नोक।

१ यूहन्‍ना 2:8 Iomraidhean Croise

मत्ती 4:16

कोन्‍छ्‍योकला ङो माशेनी दिक्‍पी ओङला देतुपतिवी वोसिर ग्‍येर्पु यी थोङ्‍सुङ। तमा कोन्‍छ्‍योकला ङो माशेनी शेपकी र्‍हिपला देतुपतिवी खला दिक्‍पा ने थर ज्‍यितुप वोसिर यी ग्‍यप्‍सुङ।”

लूका 1:79

नक्‍तोमी ताङ शेपकी र्‍हिपला देतुपतिवाला ठछ्‍येली तेर च्‍यिसुङ, तमा ती ठछ्‍येलीकी ङ्‍यिराङला लोदिमु वोतुप लाम नेवा टिकिवी।”

यूहन्‍ना 1:9

तमा मीतिवा तेरीला ठछ्‍येली तेरुप ती वोसिर टेङ्‍बु ति जम्‍बुलिङला फेपिन नोक।

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 12:46

ङ दी जम्‍बुलिङला वावु वोसिर यिन। ती ति ङला तेपा कितुपतिवा सु साङ नक्‍तोमीला लु मिज्‍यिवुला यिन।

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

लोमा छ्‍येतिवी लाका 17:30

गोमाला मीतिवी हाक्‍माकोनी क्‍यावु तेरी लाकातिवाला कोन्‍छ्‍योककी ङ्‍याम माक्‍या, यिने तफेन्‍ला दासा तेरीकी मीतिवी सेम ग्‍युर गोकिवी सिनी क नङ वे।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

एफिसी 5:8

च्‍यिलासिसिन तोङ्‍ला कोन्‍छ्‌योकला ङो माशेवु पेला ख्‍यिराङ नकतोमीला युवु यिन, त याङ ख्‍यिराङला खोकी ठछ्‍येली जो नाङ्‍सुङ। तुक क्‍यानी ख्‍यिराङ ठछ्‍येलीला युसा।

२ तिमोथी 1:10

तन्‍दा ती कटिन ति दाक्‍पुला दिक्‍पा ने थर ज्‍यितुप येशू ख्रीष्‍ट फेप्‍नी छ्‍या तेन वे। खो टुङ्‍नी साङ ङोसु लानी शेपकी ओङला ग्‍येल्‍नी लेन ल्‍यामु नेसुर दाक्‍पुला नाम्‍साङ मिशिवु मिजी वोतुप ति छ्‍या तेन्‍सुङ।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:11

ङे ङ्‍यिङ्‍ज्‍येवुतिवा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ्‍गुप तप्‍की दाक्‍पी साङ च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।