१ यूहन्‍ना 2:7 - कोन्छ्‌योककी सुङ

⁷ ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

१ यूहन्‍ना 2:7 Iomraidhean Croise

मत्ती 5:43

“तमा येलुङ ‘ख्‍योरो युल्‍वातिवाला ङ्‍यिङ्‍ज्‍ये की, डतिवाला ति ङ्‍यिङ्‍मर की।’ सिक्‍यावु ति ख्‍यिरा थोनी वोच्‍यु।

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

लोमा छ्‍येतिवी लाका 17:19

तमा तिवी पावलला अरियोपागस सिरुप ठिम्‍खाङला टि गल्‍नी, “दी ख्‍योरो बिन्‍दुप येन्‍देन सम्‍बा ति काङ यिन? ङ्‍यिराङला साङ लोप थुप्‍किवी?

हिब्रू 6:9

यिने ङे ङ्‍यिङ्‍ज्‍येवु अच्‍युनुपतिवा, ङ्‍यिरा तुका ताम्‍ङे क्‍यासिनाङ ख्‍यिरा थोक्‍ला ति दिक्‍पा ने थरुप ताङ मङ मोलाम वुङ्‍गुप ताम्‍ङे ल्‍यामु वे सिनी ङ्‍यिराङला तेन्‍तेन वे।

१ यूहन्‍ना 2:24

चुका ताम्‍ङे ति ख्‍यिरा थल्‍मा नेज्‍यु थोवे, ती ताम्‍ङे ति नरी ख्‍यिरा सेमला ज्‍योक। दोजो थल्‍मा नेज्‍यु हाक्‍कोवु ताम्‍ङे ति ख्‍यिरा सेमला ज्‍याक्‍सुङ सिसिन, पपा कोन्‍छ्‍योक ताङ खोकी सेवु येशू ख्रीष्‍टकी मुला ख्‍यिरा तम्‍जी ल्‍यामु लुकिवी।

१ यूहन्‍ना 3:11

ख्‍यिरा तोङ नेज्‍यु थोवु सुङ ति दी राङ यिन। दाक्‍पी च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

१ यूहन्‍ना 3:21

तुक क्‍यानी ङे ङ्‍यिङ्‍ज्‍येवुतिवा, दाक्‍पी सेमगी दाक्‍पुला क्‍येन माबिन्‍सिन, दाक्‍पु कोन्‍छ्‍योककी चिप्‍ला ङाडेङ क्‍यानी डो थुप्‍किवी।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

१ यूहन्‍ना 4:11

ङे ङ्‍यिङ्‍ज्‍येवुतिवा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ्‍गुप तप्‍की दाक्‍पी साङ च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।

१ यूहन्‍ना 4:7

ङे ङ्‍यिङ्‍ज्‍येवुतिवा, दाक्‍पु च्‍यिककी च्‍यिकला ङ्‍यिङ्‍ज्‍ये कि गोकिवी। च्‍यिलासिसिन ङ्‍यिङ्‍ज्‍ये ति कोन्‍छ्‍योक नेमा गिवी। सी ङ्‍यिङ्‍ज्‍ये किवे, ती ति कोन्‍छ्‍योककी पुज्‍युङपुम यिन, तीकी कोन्‍छ्‍योकला ङो शेकिवी।