१ यूहन्‍ना 2:27 - कोन्छ्‌योककी सुङ

²⁷ ख्रीष्‍ट नेसुर थोपुप थु चाङ्‍मा ति ख्‍यिरा मुला नरी लुनी वे, तुक क्‍यानी ख्‍यिराङला सी साङ लोप मोगोवी। च्‍यिलासिसिन खोकी थु चाङ्‍माकी राङ ख्‍यिराङला तेरी ताम्‍ङे ति लोप्‍किवी। ती थु चाङ्‍माकी लापुप ति टेङ्‍बु यिन, जुमा मिन। तुक क्‍यानी खोकी थु चाङ्‍मा नेसुर लापुप दोके ख्‍यिराङ खोला तेपा क्‍यानी दे।

१ यूहन्‍ना 2:27 Iomraidhean Croise

मत्ती 13:11

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे, यिने मी यम्‍बातिवाला ति माबिन वे।

यूहन्‍ना 14:16

ङ पपाला गोङ्‍बा शोयी, तमा पपी ख्‍यिराङला यम्‍बा टोङ्‍गु तेरुप यी ताङ्‍नी ख्‍यिरा मुला नरी लु ज्‍यिकितो।

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

यूहन्‍ना 14:26

यिने पपी ङे मिङला तङ्‍गुप टोङ्‍गु तेरुप थु चाङ्माकी राङ ख्‍यिराङला तेरी ताम्‍ङेतिवा लोप्‍किवी, तमा ङे ख्‍यिराङला सिक्‍यावु तेरी ताम्‍ङेतिवा खोकी ख्‍यिराङला येलुङ टेन्‍सो लोङ्‍गिवी।

यूहन्‍ना 16:13

यिने टेङ्‍बु वोतुप थु चाङ्‍मा फेप्‍सिमा खोकी ख्‍यिराङला कोन्‍छ्‍योककी टेङ्‍बुकी कोर्ला हाक्‍को ज्‍यिकितो, तमा ख्‍यिराङला ती टेङ्‍बुकी लाम नेवा टिकितो। खोकी खोरो ताम्‍ङे मुसुङ्‍गिवी, यिने कोन्‍छ्‍योक नेमा काङ थोवे, ती ताम्‍ङे तिराङ सुङ्‍गितो, तमा ज्‍युक्‍थमाला वुङ्‍गुप ताम्‍ङेतिवा साङ ख्‍यिराङला सुङ्‍गितो।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 6:45

‘तेरी मीतिवी कोन्‍छ्‍योककी सुङ नेमा लोप्‍किवी।’ सिनी कोन्‍छ्‍योककी लुङ्‍तेम्‍बातिवी टि वे। सी पपी सुङ ङ्‍येन्‍नी खोकी सुङ्‍गुप सुङ लोप्‍किवे, तिवा तेरी ङे ते वुङ्‍गिवी।

१ कोरिन्‍थी 2:12

त याङ दाक्‍पुला जम्‍बुलिङकी सेम थोपुप मिन, कोन्‍छ्‍योककी थु चाङ्‍मा थोपुप यिन। कोन्‍छ्‍योककी दाक्‍पुला नङ्‍गुप मोलाम ति ल्‍यामो क्‍यानी हाक्‍को ज्‍यितुपला खोकी दाक्‍पुला खोकी थु चाङ्‍मा नङ्‍गुप यिन।

१ कोरिन्‍थी 2:13

तुक क्‍यानी ङ्‍यिरा ख्‍याप्‍टाक क्‍यावु सुङ ति मी रिक्‍पा नेमा ख्‍याप्‍टाक क्‍यावु मिन, खोकी थु चाङ्‍मा नेमा ख्‍याप्‍टाक क्‍यावु यिन। तमा खोकी थु चाङ्‍माकी ओङला मिजी क्‍योङ्‍गुप मीतिवाला ति खोकी थु चाङ्‍माकी ओङ नेसुर वुङ्‍गुप ताम्‍ङे टेङ्‍बु ख्‍याप्‍टाक क्‍यायिन।

२ कोरिन्थी 1:21

कोन्‍छ्‍योककी राङ ङ्‍यिराङ ताङ ख्‍यिराङला ख्रीष्‍टकी मुला तम्‍जी रम्‍बु जो नङ वे। तमा खोकी राङ दाक्‍पुला पेनी

एफिसी 4:21

ख्‍यिरा याङ येशू ख्रीष्‍टला वोतुप टेङ्‍बुकी कोर्ला लाप्‍नी हाक्‍कोनी वे सिरुप ति ङला छ्‌या वे।

कलस्सी 2:6

येशू ख्रीष्‍टला ङे चोवो यिन सिनी ख्‍यिरा सेमला लावु तप्‍की ख्‍यिराङ नरी खोकी सुङला ङ्‍येन्‍नी मिजी क्‍योङ।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

१ थेसलोनिकी 4:9

त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

१ तिमोथी 2:7

तीकी थोक्‍ला ङ खोकी सुङ ख्‍याप्‍टाक कितुपला लोमा छ्‍ये च्‍युङ्‍गुप यिन। तुक क्‍यानी ङ यहूदी मिन्‍दुप मिरिक यम्‍बाकी मीतिवाला तेपा कि ज्‍यितुपला ताङ टेङ्‍बुकी कोर्ला लोपुप गेकेन साङ च्‍युङ्‍गुप यिन। दी ताम्‍ङे ती टेङ्‍बु सिरिन, जिनोक मिन।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ यूहन्‍ना 2:28

ङे आङातिवा, ख्रीष्‍ट येलुङ फेपुप तुजेला ख्‍यिराङ ङाडेङ क्‍यानी खोकी चिप्‍ला ङोछाला मेख्‍येल्‍शी सिनी तेपा रम्‍बु क्‍यानी देता।

१ यूहन्‍ना 3:24

येशू ख्रीष्‍टकी कला ङ्‍येन्‍दुपतिवा तेरी खोकी मुला तम्‍जी ल्‍यामु गिवी, तमा खो साङ तिवी मुला तम्‍जी ल्‍यामु गिवी। खो दाक्‍पी मुला तम्‍जी ल्‍यामु वे सिरुप ति खोकी दाक्‍पुला नङ्‍गुप थु चाङ्‍मा नेसुर हाक्‍कोकिवी।

२ यूहन्‍ना 1:2

ङ्‍यिरा ख्‍यिराङला ङ्‍यिङ्‍ज्‍ये क्‍यावु तेन्‍दोक ति कोन्‍छ्‍योककी सुङ टेङ्‍बु ति तन्‍दा तिराङ मिन, नरी सेक दाक्‍पी सेमला लुवु तप्‍की यिन।