१ यूहन्‍ना 2:25 - कोन्छ्‌योककी सुङ

²⁵ खोकी ख्‍यिराङला थाक्‍छ्‍येन नङ्‍गुप ति ती नाम्‍साङ मिशिवु मिजी यिन।

१ यूहन्‍ना 2:25 Iomraidhean Croise

लूका 18:30

तीला दी कल्‍वाला दोम्‍बा बङी मङ थोप्‍किवी, तमा त वुङ्‍गुप कल्‍वाला नाम्‍साङ मिशिवु मिजी थोप्‍किवी।”

यूहन्‍ना 10:28

तिवाला ङ नाम्‍साङ मिशिवु मिजी तेरिन, तमा तिवा नाम्‍साङ ना मोडोवी। सी साङ ङे नेसुर तिवाला ठोनी डो मुथुपी।

यूहन्‍ना 12:50

खोकी कला ङ्‍येन्‍दुपतिवाला नाम्‍साङ मिसिवु मिजी थोप्‍किवी सिरुप ति ङला छ्‍या वे। तुक क्‍यानी पपी ङला काङ सुङ्‍गिवे, तुकै राङ ङ लपिन।”

यूहन्‍ना 3:15

ती ति खोला तेपा कितुप तेरीला नाम्‍साङ मिशिवु मिजी थोपुपला यिन।

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 6:47

वुतुङ के ङ ख्‍यिराङला सिरिन, सी ङला तेपा किवे, तीला नाम्‍साङ मिशिवु मिजी थोप्‍किवी।

यूहन्‍ना 6:54

ङे जु साप ताङ ङे ठक थुङ्‍गुपतिवाला ति नाम्‍साङ मिशिवु मिजी थोप्‍किवी, तमा जम्‍बुलिङकी तिङ्‍मी तुजेला तिवाला ङ शेप ने सेन्‍बु लोङ्‍यिन।

यूहन्‍ना 6:68

खोकी तुक सुङ्‍सिमा सिमोन पत्रुस तीकी “ओ चोवो, चोवोकी मुला याङ नाम्‍साङ मिशिवु मिजी तेरुप सुङ वे। तुक क्‍यानी ङ्‍यिराङ सी चाला डोप्‍जा?

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 5:21

तुक क्‍यानी दिक्‍पाकी जोसालेन्‍सिन मीतिवा तेरीकी खला शेपकी ग्‍येला कितुप दोके कोन्‍छ्‍योककी कटिन साङ टेङ्‍बु वोतुप नेसुर ग्‍येला किवी। तमा दाक्‍पी चोवो येशू ख्रीष्‍ट नेमा दाक्‍पुला नाम्‍साङ मिशिवु मिजी नङ्‍गिवी।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

१ तिमोथी 6:12

तमा चिर्मु चेपला छ्‍योङ्‍बाल ग्‍यकुप मी दोके तेपा रम्‍बु क्‍यानी नाम्‍साङ मिशिवु मिजी ङ्‍ये थुपा की। तीकी थोक्‍ला राङ कोन्‍छ्‍योककी ख्‍युरुङला पेन नङ्‍गुप यिन। तीकी कोर्ला ख्‍योरो मी बङीकी मिङ्‍गाला पङ्‍बु साङ बिन्‍दुप यिन।

१ तिमोथी 6:19

तुक क्‍यानी तिवा डम्‍ज्‍यी रम्‍बु तिङ्‍गुप दोके खोप्‍रे थोक्‍ला ज्‍युक्‍थमी नासाम तङ्‍नी मिजी टेङ्‍बु क्‍योङ थुप्‍शी।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

तीतस 3:7

तुक क्‍यानी खोकी कटिनकी दाक्‍पु टेङ्‍बु च्‍युङ्‍नी दाक्‍पुला नाम्‍साङ मिसिवु मिजी थोप छ्‍योवु रेवा नाङ्‍सुङ।

१ यूहन्‍ना 1:2

ती मिजी ति जम्‍बुलिङला फेवु ङ्‍यिरा थोङ्‍सुङ। तुक क्‍यानी ती नाम्‍साङ मिशिवु मिजीकी कोर्ला ङ्‍यिराङ ख्‍यिराङला पङ्‍बु बिन्‍नी सिरिन। ती मिजी ति थल्‍माला के पपा कोन्‍छ्‍योककी मुला नोक, ती ति ङ्‍यिरा पर्ला फेप्‍सुङ।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।