१ यूहन्‍ना 2:23 - कोन्छ्‌योककी सुङ

²³ कोन्‍छ्‍योककी सेवुला सेमला मिलिङ्‍गुप तीकी मुला पपा कोन्‍छ्‍योक मेवी, यिने खोकी सेवुला सेमला लिङ्‍गुप तीकी मुला पपा कोन्‍छ्‍योक गिवी।

१ यूहन्‍ना 2:23 Iomraidhean Croise

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 16:3

तिवी तुक क्‍यावु ति तिवी ङे पपाला साङ ङो माशे वे, ङला साङ ङो मेशेवु तप्‍की यिन।

यूहन्‍ना 17:3

तमा नाम्‍साङ मिशिवु मिजी ति च्‍यिक राङ वोतुप कोन्‍छ्‍योक टेङ्‍बुला ङो शेवु ताङ पपी तङ्‍गुप येशू ख्रीष्‍टला ङो शेवु यिन।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 8:19

तमा तिवी खोला “ख्‍योरो पपा ति कनी वे?” सिनी टिसुङ। तमा येशूकी तिवाला “ख्‍यिरा ङला साङ ङो माशे, ङे पपाला साङ ङो माशे। दोजो ख्‍यिरा ङला ङो शेसिन ङे पपाला साङ ङो शेवुजा।” सिनी सुङ्‍सुङ।

१ यूहन्‍ना 2:22

चुका मी तीकी येशूला दिक्‍पा ने थर ज्‍यितुप ख्रीष्‍ट यिन सिनी सेमला मिलिङ वे, ती ति जिनोक जोप मी यिन। तमा चुका मी तीकी पपा कोन्‍छ्‍योक ताङ खोकी सेवुला सेमला मिलिङ वे, ती ति येशू ख्रीष्‍टकी तेन्‍दोकला लङ्‍गुप मी यिन।

१ यूहन्‍ना 4:15

चुका मी तीकी येशू ति कोन्‍छ्‍योककी सेवु यिन सिनी मी मिङ्‍गाला सिवे, तीकी मुला कोन्‍छ्‍योक ज्‍युकिवी, तमा ती मी ति कोन्‍छ्‍योककी मुला वे सिरुप ति हाक्‍कोकिवी।

१ यूहन्‍ना 4:2

चुका तीकी येशू ख्रीष्‍ट दी जम्‍बुलिङला मी जुजमला फेवु यिन सिनी सि वे, तीला कोन्‍छ्‍योक नेमा वावु थु चाङ्‍मा वे।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।