१ यूहन्‍ना 2:22 - कोन्छ्‌योककी सुङ

²² चुका मी तीकी येशूला दिक्‍पा ने थर ज्‍यितुप ख्रीष्‍ट यिन सिनी सेमला मिलिङ वे, ती ति जिनोक जोप मी यिन। तमा चुका मी तीकी पपा कोन्‍छ्‍योक ताङ खोकी सेवुला सेमला मिलिङ वे, ती ति येशू ख्रीष्‍टकी तेन्‍दोकला लङ्‍गुप मी यिन।

१ यूहन्‍ना 2:22 Iomraidhean Croise

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 24:5

च्‍यिलासिसिन मी बङीकी ङे मिङ लानी ‘ङ ख्रीष्‍ट यिन।’ सिनी मी बङीला लुकितो।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

१ यूहन्‍ना 1:6

दोजो दाक्‍पु खो ताङ मुला डिक्‍जोम च्‍युङ्‍नी तम्‍जी ल्‍यामु वे सिनी सिवी, यिने नक्‍तोमीला राङ युकुप दोके मेटेङ्‍बु किवी सिसिन, दाक्‍पु ति जिनोक जोप ताङ मेटेङ्‍बु यिन।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 2:23

कोन्‍छ्‍योककी सेवुला सेमला मिलिङ्‍गुप तीकी मुला पपा कोन्‍छ्‍योक मेवी, यिने खोकी सेवुला सेमला लिङ्‍गुप तीकी मुला पपा कोन्‍छ्‍योक गिवी।

१ यूहन्‍ना 2:4

यिने चुका मी तीकी ङ कोन्‍छ्‍योकला ङो शेकिवी सिनी सिवी, यिने खोकी कला ति मुयुकिवी सिसिन, ती मी ति जिनोक जोप यिन, टेङ्‍बु वोतुप मिन।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।

१ यूहन्‍ना 4:3

यिने चुका तीकी येशू ख्रीष्‍ट दी जम्‍बुलिङला मी जुजमला फेवु यिन सिनी मिसिर वे, ती ति कोन्‍छ्‍योक नेमा वावु मिन, येशूकी तेन्‍दोकला लङ्‍गुप थु मेटेङ्‍बु यिन। तीकी कोर्ला तोङ्‍ला के जम्‍बुलिङला गिवी सिनी ख्‍यिरा हाक्‍को वे। ती ति जम्‍बुलिङला वान सिन वे।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

ज्‍यल्‍का 3:9

दी ताम्‍ङे ति ल्‍यामु ङ्‍येना, खोप्‍राङ ति यहूदी यिन सिनी सिरुप शैतानकी छोक्‍पाकी मीतिवा वे। तिवा ति यहूदीतिवा मिन, जिनोक जोप मीतिवा यिन। तिवाला ङ ख्‍योरो काङ्‍बी वोक्‍ला वानी शावा कितुप जोयिनो। तमा ख्‍युरुङला ङे ङ्‍यिङ्‍ज्‍ये क्‍यावु नोक सिरुप ति तिवी हाक्‍कोकितो।