१ यूहन्‍ना 2:21 - कोन्छ्‌योककी सुङ

²¹ ख्‍यिरा टेङ्‍बुला छ्‍या मे सिनी दी यिकी टिवु ति मिन। यिने ख्‍यिरा टेङ्‍बुला छ्‍या वे, तमा टेङ्‍बु नेसुर जिनोक जोप मेङ्‍गिवी सिरुप ति ख्‍यिरा हाक्‍कोवु तप्‍की दी यिकी ति ङे ख्‍यिराङला टिवु यिनो।

१ यूहन्‍ना 2:21 Iomraidhean Croise

यूहन्‍ना 18:37

तमा पिलातसकी येशूला “तुकै यिन्‍सिन काङ ख्‍युरुङ ग्‍येल्‍वु राङ यिन?” सिनी टिसुङ। तमा येशूकी तीला सुङ्‍सुङ, “ख्‍योरो ङला ग्‍येल्‍वु यिन सिनी सिक्‍यावु ति टेके यिन। ङ टेङ्‍बुकी कोर्ला पङ्‍बु तेरुपला क्‍येवु यिन, तमा तीकी थोक्‍ला दी जम्‍बुलिङला वावु यिन। सु मी टेङ्‍बु नोके, तीकी ङे ताम्‍ङे ङ्‍येन्‍गिवी।”

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

याकूब 1:19

ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति हाक्‍कोवा किसा। ख्‍यिराङ टिम्‍बु क्‍यानी ङ्‍येन्‍दुप ताङ फिमु क्‍यानी ताम्‍ङे लपुप ताङ टिम्‍बु ङ्‍यिर्मु मिकिवु वुङ गोकिवी।

२ पत्रुस 1:12

दी ताम्‍ङे ति ख्‍यिराङला छ्‍या वे, तमा ख्‍यिराङ तेपा रम्‍बु क्‍यानी देकिवी, यिन्‍सिनाङ ङ ख्‍यिराङला नरी टेन ज्‍यितुपला दी ताम्‍ङे ति सिरिन।

१ यूहन्‍ना 3:19

तुक क्‍यासिन दाक्‍पु ति टेङ्‍बुकी गिपा यिन सिनी हाक्‍कोकिवी, तमा कोन्‍छ्‍योककी थोङ्‍दाङला साङ दाक्‍पु तेन्‍तेन च्‍युङ्‍गिवी।

यहूदा 1:5

ती ताम्‍ङे ति ख्‍यिराङला छ्‍या राङ वे, यिन्‍सिनाङ ङ ताम्‍ङे चेयी ख्‍यिराङला टेन्‍सो कि ज्‍यितिन। चोवोकी मीतिवाला मिश्र लुङ्‍बा नेसुर तेन्‍नी वावु मीतिवी नाङ्‍ला तेपा मिकिवु गिपातिवाला खोकी तेरी पुसुकी डो च्‍यिसुङ।