१ यूहन्‍ना 2:2 - कोन्छ्‌योककी सुङ

² खो ति दाक्‍पी दिक्‍पी थोक्‍ला कोन्‍छ्‍योकला जिन्‍बा तोङ्‍गुपला खुरुङ राङ टुङ्‍गुप यिन। दाक्‍पी दिक्‍पी थोक्‍ला तिराङ मिन्‍दाला, जम्‍बुलिङला वोतुप तेरी मीतिवी दिक्‍पी थोक्‍ला यिन।

१ यूहन्‍ना 2:2 Iomraidhean Croise

लूका 14:22

ती लावा तीकी तुक क्‍यानी वासिमा ज्‍यिन्‍दाकला सिक्‍यासुङ, ‘ज्‍यिन्‍दाककी योक कुतुप दोके राङ ङे क्‍यायिन, यिने तरोङ साङ दासा वे।’

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 12:32

तमा ङ जम्‍बुलिङ ने येर तेकुप पेला तेरी मीतिवाला ङे थाकाला वुङ ज्‍यितिनो।” सिनी सुङ्‍सुङ।

यूहन्‍ना 4:42

तमा तिवी ती पुम्‍पेजाला “तन्‍दा ङ्‍यिरा तेपा क्‍यावु ति ख्‍योरे सिक्‍यावु तप्‍की मिन, ङ्‍यिरा राङ खोकी सुङ थोनी खो ति वुतुङ के जम्‍बुलिङकी मीतिवाला दिक्‍पा ने थर ज्‍यितुप यिनोक सिनी हाक्‍कोवु तप्‍की यिन।” सिनी सिक्‍यासुङ।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 3:5

दाक्‍पी दिक्‍पा ता ज्‍यितुपला राङ येशू ख्रीष्‍ट फेपुप यिन सिरुप ति ख्‍यिराङला साङ छ्‍या वे। तमा खोला काङ साङ दिक्‍पा मे।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

१ यूहन्‍ना 4:14

ङ्‍यिरा थोङ्‍गुप पङ्‍बु ति काङ यिन सिसिन, कोन्‍छ्‍योककी खोरे सेवु साङ जम्‍बुलिङकी मीतिवा दिक्‍पा ने थर ज्‍यितुपला नाङ्‍सुङ।

१ यूहन्‍ना 5:19

दाक्‍पु ति कोन्‍छ्‍योककी पुज्‍युङपुमतिवा यिन सिनी दाक्‍पुला छ्‍या वे। यिने दी जम्‍बुलिङ ति तेरी दुक्‍टाकी ओङला शोर्नी वे।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।