१ यूहन्‍ना 2:19 - कोन्छ्‌योककी सुङ

¹⁹ तोङ्‍ला तिवा दाक्‍पी मु नेवा थेन्‍नी गलुप यिन, च्‍यिलासिसिन वुतुङ के तिवा दाक्‍पी थाकाकी ति मिन। दोजो तिवा दाक्‍पी थाकाकी ति यिन्‍दुप यिन्‍सियाङ दाक्‍पी मुला राङ लुवु ति यिन्‍जा। तुक क्‍यानी वुतुङ के तिवा दाक्‍पी थाकाकी ति मिन सिरुप ति ठछ्‍येली हाक्‍कोकिवी।

१ यूहन्‍ना 2:19 Iomraidhean Croise

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मर्कूस 13:22

तुका ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वुङ्‍गिवी, तमा तिवी ततिवा ताङ हलेवु लाकातिवा छ्‍या तेन्‍नी अछ्‍योता सेक कोन्‍छ्‍योककी पेतुपतिवाला लुतुप छोल्‍गिवी।

लूका 8:13

दोप्‍रोक खला ख्‍येलुपतिवा ति दिवा राङ यिन। तिवी कोन्‍छ्‍योककी सुङ ङ्‍येन्‍नी गा क्‍यानी तीला सेमला लिङ्‍गिवी, यिने मर मेतुप दोके सेमगी दिङ्‍ला सुङ माज्‍यकुप तप्‍की उकुर च्‍यिक तिराङ तेपा किवी, यिने खोक्‍पा ल्‍हापला ख्‍येल्‍सिमा तिवी तेपा क्‍युर्नी ज्‍योकिवी।

यूहन्‍ना 15:2

ङे लोला वोसिनाङ डेलु मोगोरुप येल्‍कातिवा रे रेला खोकी च्‍येकिवी, तमा डेलु गोरुप येल्‍कातिवाला ति मङ डेलु गोर्शी सिनी सेप्‍किवी।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

लोमा छ्‍येतिवी लाका 15:24

ङ्‍यिरा पर नेमा ललाइ मीतिवा ङ्‍यिराङला माटिवा क्‍यानी ख्‍यिरा ते गल्‍नी मेतुप ताम्‍ङेतिवा लाप्‍नी ख्‍यिराङला दुक्‍पा बिन्‍दुप ताङ सेम ना लङ्‍गुप ति ङ्‍यिरा हाक्‍कोसुङ।

लोमा छ्‍येतिवी लाका 20:30

ख्‍यिरा पर नेमा राङ मी मेलोक्‍पातिवा थेन्‍नी लोमातिवाला खोप्‍रे तिङ्‍ला टि डोपला ताम्‍ङे जिनोक जो थुप्‍किवी।

रोमी 9:6

यिने इस्राएलकी मीतिवाला कोन्‍छ्‍योककी थाक्‍छ्‍येन नङ्‍गुप सुङ ति लम्‍सुला मागलुप मिन। च्‍यिलासिसिन इस्राएलला क्‍येवुतिवा तेरी इस्राएलकी मी मिन,

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

२ तिमोथी 3:9

तुका मीतिवा नरी सेक छ्‍यम मुथुपी। च्‍यिलासिसिन यान्‍नेस ताङ यम्‍ब्रेसकी दोके तिवी अम्‍बारङ्‍शिङ क्‍यावु ति मी तेरीला ठछ्‍येली हाक्‍कोकिवी।

हिब्रू 10:39

दाक्‍पु याङ तेपा कितुप क्‍युर्नी ना डोप मीतिवा दोके मिन, बोरु तेपा क्‍यानी दिक्‍पा ने थरुपतिवा यिन।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।

यहूदा 1:19

तिवा ति ख्‍यिराङला क्‍येङ्‍सु जोप मीतिवा यिन। तिवा जम्‍बुलिङकी नोवाला राङ युकिवी। तुक क्‍यानी तिवी मिजीला कोन्‍छ्‍योककी थु चाङ्‍मा मेवी।