१ यूहन्‍ना 2:18 - कोन्छ्‌योककी सुङ

¹⁸ आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 2:18 Iomraidhean Croise

मत्ती 24:11

तमा लुङ्‍तेम्‍बा मेटेङ्‍बुतिवा बङी वानी मीतिवा बङीला लुकितो।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 24:5

च्‍यिलासिसिन मी बङीकी ङे मिङ लानी ‘ङ ख्रीष्‍ट यिन।’ सिनी मी बङीला लुकितो।

मर्कूस 13:6

मी बङी ङे मिङला वानी ‘ङ ख्रीष्‍ट यिन।’ सिनी मी बङीला लुकितो।

यूहन्‍ना 21:5

ती पेला येशूकी तिवाला “आङातिवा, काङ ख्‍यिरा ङ्‍या जिम्‍बुप?” सिनी टि नाङ्‍सुङ। तमा तिवी खोला “मिन, काङ साङ माजिम वे।” सिनी सिक्‍यासुङ।

रोमी 13:11

दी ताम्‍ङे ति नासाम तोङ। तसाम पेला चुका तुजे यिन सिरुप ति ख्‍यिराङला छ्‍या राङ वे। त याङ ङ्‍यिलोकुप ने लङ्‍गुप तुजे यिन। च्‍यिलासिसिन दाक्‍पु गोमाला तेपा क्‍यावु पेला सिनाङ तसाम पेला मङ दाक्‍पुला दिक्‍पा ने थरुप ति चिप्‍ला राङ वे।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

१ पत्रुस 1:20

कोन्‍छ्‍योककी दाक्‍पुला रङ्‍ज्‍येन नङ्‍गुपला जम्‍बुलिङ ज्‍येङ्‍गुप सिनाङ गोमाला के येशू ख्रीष्‍टला पेन नङ्‍गुप यिन, यिने तिङ्‍मी तुजेला ख्‍यिरा थोक्‍ला येशू ख्रीष्‍टला दी जम्‍बुलिङला तङ नङ्‍गुप यिन।

१ पत्रुस 1:5

ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

२ पत्रुस 3:3

तेरी सिनाङ गोमाला ख्‍यिरा दी ताम्‍ङे ति हाक्‍को गोकिवी। ती ताम्‍ङे ति काङ यिन सिसिन जम्‍बुलिङकी तिङ्‍मी तुजेला खोरो सेमगी नासाम मेलोक्‍पाकी ओङला वोतुप मीतिवी ख्‍यिराङला मर्च्या क्‍यानी दुक सिनी टिवी,

१ यूहन्‍ना 2:22

चुका मी तीकी येशूला दिक्‍पा ने थर ज्‍यितुप ख्रीष्‍ट यिन सिनी सेमला मिलिङ वे, ती ति जिनोक जोप मी यिन। तमा चुका मी तीकी पपा कोन्‍छ्‍योक ताङ खोकी सेवुला सेमला मिलिङ वे, ती ति येशू ख्रीष्‍टकी तेन्‍दोकला लङ्‍गुप मी यिन।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

१ यूहन्‍ना 4:3

यिने चुका तीकी येशू ख्रीष्‍ट दी जम्‍बुलिङला मी जुजमला फेवु यिन सिनी मिसिर वे, ती ति कोन्‍छ्‍योक नेमा वावु मिन, येशूकी तेन्‍दोकला लङ्‍गुप थु मेटेङ्‍बु यिन। तीकी कोर्ला तोङ्‍ला के जम्‍बुलिङला गिवी सिनी ख्‍यिरा हाक्‍को वे। ती ति जम्‍बुलिङला वान सिन वे।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

यहूदा 1:18

तिवी ख्‍यिराङला दुक सिक्‍या वे, “जम्‍बुलिङकी तिङ्‍मी तुजेला कोन्‍छ्‍योकला मोवा माक्‍यानी खोप्‍रे नोवा मेलोक्‍पाला युनी ख्‍यिराङला मर्च्या कितुप मीतिवा वुङ्‍गितो।”